ഇന്ന്​ നാട്ടിൽ പോകാനിരുന്ന മലപ്പുറം സ്വദേശി ഷാർജയിൽ നിര്യാതനായി

അജ്‌മാൻ: വെള്ളിയാഴ്ച നാട്ടിലേക്ക്​ തിരിക്കാനിരുന്ന മലപ്പുറം സ്വദേശി ഷാർജയിൽ നിര്യാതനായി. താനാളൂർ പകരയിലെ പരേതനായ നന്ദനിൽ ആലിയാമുട്ടി ഹാജിയുടെ മകൻ മൊയ്‌ദീൻകുട്ടിയാണ്​ (46) മരിച്ചത്​. വെള്ളിയാഴ്ച്ച നാട്ടിലേക്ക് പോകാനുള്ള ഒരുക്കത്തിലായിരുന്നു. പെട്ടെന്ന് നെഞ്ച് വേദന വന്നതിനെ തുടർന്ന് ഷാർജ അൽ ഖാസ്മിയ ആശുപത്രിയിൽപ്രവേശിപ്പിച്ചെങ്കിലും മരിച്ചു. ഭാര്യ: റുബീന. മക്കൾ: മുഹമ്മദ്ഫായിസ്, ഫാത്തിമ റിഫ, മുഹമ്മദ്‌ ഹിജാസ്. സഹോദരങ്ങൾ: മുഹമ്മദ്‌ അഷ്‌റഫ്‌ (അബൂദബി), പരേതനായ മുസ്തഫ. മൃതദേഹം നാട്ടിലെത്തിച്ച്​ ഖബറടക്കുമെന്ന്​ സാമൂഹിക പ്രവർത്തകൻ അഷ്റഫ് താമരശ്ശേരി അറിയിച്ചു.