കു​ട്ടി​ക​ൾ​ക്ക്​ പു​തി​യ ചാ​ന​ൽ ‘ബ്ലൂം’ ​സം​പ്രേ​ഷ​ണം തു​ട​ങ്ങി

ദു​ബൈ: യു.​എ.​ഇ​യി​ൽ കു​ട്ടി​ക​ൾ​ക്കാ​യി പു​തി​യ ടി​വി ചാ​ന​ൽ പ്ര​വ​ർ​ത്ത​ന​മാ​രം​ഭി​ച്ചു. ബ്ലൂം ​എ​ന്ന പേ​രി​ൽ പ്രീ​സ്കൂ​ൾ കു​ട്ടി​ക​ളെ ല​ക്ഷ്യ​മി​ട്ടാ​ണ് ചാ​ന​ൽ സം​പ്രേ​ഷ​ണം ആ​രം​ഭി​ച്ച​ത്. ഇ​ത്തി​സ​ലാ​ത്തി​ന്‍റെ ചാ​ന​ൽ​വി​ത​ര​ണ ശൃം​ഖ​ല​യാ​യ ഇ ​വി​ഷ​നാ​ണ് പു​തി​യ ചാ​ന​ലി​ന് പി​ന്നി​ൽ. കു​ട്ടി​ക​ൾ​ക്ക് അ​വ​രു​ടെ പ്രാ​യ​ത്തി​ന് യോ​ജി​ക്കു​ന്ന ഉ​ള്ള​ട​ക്കം മാ​ത്രം ഉ​റ​പ്പാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് ബ്ലൂം ​പ്ര​വ​ർ​ത്തി​ക്കു​ക​യെ​ന്ന് ചാ​ന​ൽ അ​ധി​കൃ​ത​ർ വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു. ര​ണ്ടി​നും അ​ഞ്ചി​നും ഇ​ട​യി​ൽ പ്രാ​യ​മു​ള്ളവർക്ക് സു​ര​ക്ഷി​ത​മാ​യ വി​ദ്യാ​ഭ്യാ​സ ഉ​ള്ള​ട​ക്ക​ങ്ങ​ൾ ആ​യി​രി​ക്കും ചാ​ല​ന​ൽ സം​പ്രേ​ഷ​ണം ചെ​യ്യു​ക. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ചാ​ന​ൽ ഇം​ഗ്ലീ​ഷ്, അ​റ​ബി​ക്​ ഭാ​ഷ​ക​ളി​ൽ ല​ഭ്യ​മാ​കും.

നി​ല​വി​ൽ യു.​എ.​ഇ​യി​ൽ മാ​ത്ര​മാ​ണ്​ ചാ​ന​ൽ ല​ഭ്യ​മാ​വു​ക​യെ​ങ്കി​ലും വൈ​കാ​തെ മി​ഡി​ൽ ഈ​സ്റ്റ്​ ആ​ൻ​ഡ്​ നോ​ർ​ത്ത്​ ആ​ഫ്രി​ക്ക രാ​ജ്യ​ങ്ങ​ളി​ലും ല​ഭ്യ​മാ​വു​മെ​ന്ന്​ അ​ധി​കൃ​ത​ർ അ​റി​യി​ച്ചു. ദു​ബൈ മ്യൂ​സി​യം ഓ​ഫ്​ ഫ്യൂ​ച്ച​റി​ൽ ന​ട​ന്ന ച​ട​ങ്ങി​ലാ​ണ്​ ചാ​ന​ലി​ന്‍റെ ഔ​ദ്യോ​ഗി​ക ലോ​ഞ്ചി​ങ്. ച​ട​ങ്ങി​ൽ ഇ​വി​ഷ​ൻ സി.​ഇ.​ഒ ഒ​ലി​വ​ർ ബ്രാം​ലി, കി​ഡ്സ് ഡ​യ​റ​ക്ട​ർ ഫാ​ത്തി​ഹ ബി​ൻ​സാ​ലിം, സി​നി​യ​ർ ക​ണ്ട​ന്‍റ്​ ഡ​യ​റ​ക്ട​ർ സു​നി​ൽ ജോ​യ് തു​ട​ങ്ങി​യ​വ​ർ സം​സാ​രി​ച്ചു.

യു.​എ.​ഇ​യി​ലെ 78 ശ​ത​മാ​നം ര​ക്ഷി​താ​ക്ക​ളും ത​ങ്ങ​ളു​ടെ കു​ട്ടി​ക​ൾ അ​നു​ചി​ത​മാ​യ ഓ​ൺ​ലൈ​ൻ ഉ​ള്ള​ട​ക്ക​ങ്ങ​ളു​മാ​യി സ​മ്പ​ർ​ക്കം പു​ല​ർ​ത്തു​ന്ന​തി​നെ​ക്കു​റി​ച്ച് ആ​ശ​ങ്കാ​കു​ല​രാ​ണെ​ന്ന് അ​ടു​ത്തി​ടെ ന​ട​ന്ന പ​ഠ​നം വെ​ളി​പ്പെ​ടു​ത്തി​യി​രു​ന്നു. അ​ത്ത​രം ഉ​ള്ള​ട​ക്ക​ങ്ങ​ൾ കു​ട്ടി​ക​ളു​ടെ മാ​ന​സി​ക ആ​രോ​ഗ്യ​ത്തെ ദോ​ഷ​ക​ര​മാ​യി ബാ​ധി​ക്കു​ന്നു​വെ​ന്ന്​ 92 ശ​ത​മാ​നം ര​ക്ഷി​താ​ക്ക​ളും സ​മ്മ​തി​ക്കു​ക​യും ചെ​യ്യു​ന്നു​ണ്ട്. ഈ ​സാ​ഹ​ച​ര്യ​ത്തി​ലാ​ണ്​ കു​ട്ടി​ക​ൾ​ക്ക്​ ഏ​റ്റ​വും അ​നു​യോ​ജ്യ​വും സു​ര​ക്ഷി​ത​വു​മാ​യ ഉ​ള്ള​ട​ക്കം മാ​ത്രം ഉ​ൾ​പ്പെ​​ടു​ത്തി കൊ​ണ്ട്​ പു​തി​യ ചാ​ന​ൽ പ്ര​വ​ർ​ത്ത​നം ആ​രം​ഭി​ക്കു​ന്ന​തെ​ന്ന്​ ബ്ലൂം ​പി​ന്ന​ണി പ്ര​വ​ർ​ത്ത​ക​ർ വ്യ​ക്​​ത​മാ​ക്കി.