ഷാ​ർ​ജ​യി​ൽ പു​തി​യ ഗ്യാ​സ്​ ശേ​ഖ​രം ക​ണ്ടെ​ത്തി

ഷാ​ർ​ജ: എ​മി​റേ​റ്റി​ലെ അ​ൽ സ​ജ ഇ​ൻ​ഡ​സ്​​ട്രി​യ​ൽ ഏ​രി​യ​ക്ക്​ വ​ട​ക്ക്​ ഭാ​ഗ​ത്താ​യി സ്ഥി​തി ചെ​യ്യു​ന്ന അ​ൽ ഹ​ദീ​ബ പാ​ട​ത്ത്​ ഗ്യാ​സ്​ ശേ​ഖ​രം ക​ണ്ടെ​ത്തി. ഷാ​ർ​ജ സ്ഥാ​പ​ന​മാ​യ ഷാ​ർ​ജ പെ​​ട്രോ​ളി​യം കൗ​ൺ​സി​ലാ​ണ് ഇ​ക്കാ​ര്യം പ്ര​ഖ്യാ​പി​ച്ച​ത്. ​സാ​മ്പ​ത്തി​ക​മാ​യി വ​ലി​യ നേ​ട്ടം ല​ഭി​ക്കു​ന്ന അ​ള​വി​ൽ ഗ്യാ​സ്​ ശേ​ഖ​രം ഇ​വി​ടെ​യു​ണ്ടെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. ഷാ​ർ​ജ നാ​ഷ​ന​ൽ ഓ​യി​ൽ കോ​ർ​പ​റേ​ഷ​ൻ (എ​സ്.​എ​ൻ.​ഒ.​സി) ക​ഴി​ഞ്ഞ കു​റ​ച്ച് മാ​സ​ങ്ങ​ളാ​യി ഇ​വി​ടെ എ​ണ്ണ​ക്കി​ണ​ർ പ​ര്യ​വേ​ക്ഷ​ണം ന​ട​ത്തി​വ​രു​ക​യാ​യി​രു​ന്നു. ഇ​തി​ലാ​ണ്​ പു​തി​യ ഗ്യാ​സ്​ ഫീ​ൽ​ഡ് ക​ണ്ടെ​ത്തി​യ​തെ​ന്ന്​ അ​ധി​കൃ​ത​ർ വെ​ളി​പ്പെ​ടു​ത്തി. പാ​ട​ത്തി​ന്‍റെ അ​ള​വും സാ​ധ്യ​ത​യു​ള്ള വാ​ത​ക ശേ​ഖ​ര​വും സ്ഥി​രീ​ക​രി​ക്കു​ന്ന​തി​ന് വ​രും ദി​വ​സ​ങ്ങ​ളി​ൽ കി​ണ​ർ പ​രി​ശോ​ധി​ക്കും. അ​ൽ സ​ജ, കാ​ഹി​ഫ്, മ​ഹാ​നി, മു​യ​യ്യി​ദ്​ പാ​ട​ങ്ങ​ൾ​ക്ക് പു​റ​മെ ഷാ​ർ​ജ​യി​ലെ അ​ഞ്ചാ​മ​ത്തെ എ​ണ്ണ​പ്പാ​ട​മാ​ണ്​ അ​ൽ ഹ​ദീ​ബ​യി​ലേ​ത്. എ​മി​റേ​റ്റി​ന്‍റെ സാ​മ്പ​ത്തി​ക രം​ഗ​ത്തി​ന്​ ഉ​ണ​ർ​വേ​കു​ന്ന​താ​കും ക​ണ്ടെ​ത്ത​ലെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

ഗ്യാ​സ്​ ശേ​ഖ​രം ക​ണ്ടെ​ത്തി​യ പ്ര​ഖ്യാ​പ​ന​ത്തി​ൽ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യെ അ​ഭി​ന​ന്ദി​ക്കു​ന്ന​താ​യും ഷാ​ർ​ജ​ക്ക്​ അ​ത്​ അ​നു​ഗ്ര​ഹ​മാ​യി​ത്തീ​ര​ട്ടെ​യെ​ന്നും ഷാ​ർ​ജ ഉ​പ​ഭ​ര​ണാ​ധി​കാ​രി ശൈ​ഖ്​ സു​ൽ​ത്താ​ൻ ബി​ൻ അ​ഹ​മ്മ​ദ്​ അ​ൽ ഖാ​സി​മി സ​മൂ​ഹ മാ​ധ്യ​മ​മാ​യ ‘എ​ക്സി’​ൽ കു​റി​ച്ചു.