അബൂദബിയിൽ ചരക്കുഗതാഗതത്തിന് പുതിയ പെർമിറ്റ്

അബൂദബി: അബൂദബിയിൽ ചരക്കുഗതാഗതത്തിന് പുതിയ പെർമിറ്റ് ഏർപ്പെടുത്തി. ചരക്ക് കൊണ്ടുപോകുന്ന ഹെവി വാഹനങ്ങൾക്കും ചെറുവാഹനങ്ങൾക്കും പുതിയ നിബന്ധന ബാധകമാണ്. ചരക്ക് കൈകാര്യം ചെയ്യുന്ന സ്ഥാപനങ്ങൾ സംയോജിത ഗതാഗത വകുപ്പിന് കീഴിലെ അസാതീൽ ട്രാക്കിങ് സംവിധാനത്തിൽനിന്നാണ് പുതിയ പെർമിറ്റുകൾ കരസ്ഥമാക്കേണ്ടത്. http://asateel.itc.gov.ae എന്ന വെബ്സൈറ്റിൽ നിന്നാണ് പെർമിറ്റ് ലഭിക്കുക. സ്ഥാപനങ്ങളുടെ പ്രവർത്തനം, വാഹനം, ഡ്രൈവർ എന്നിവക്കെല്ലാം പ്രത്യേക പെർമിറ്റ് എടുത്തിരിക്കണം. ചരക്ക് കൊണ്ടുപോകുന്ന ഹെവി വാഹനങ്ങൾക്ക് മാത്രമല്ല, ചെറുവാഹനങ്ങൾക്കും ഈ നിയന്ത്രണം ബാധകമാണ്. ചരക്കുഗതാഗതം സുരക്ഷിതമാക്കാനുള്ള നടപടികളുടെ ഭാഗമാണ് പുതിയ തീരുമാനമെന്ന് അധികൃതർ അറിയിച്ചു.