ദു​ബൈ​യി​ൽ പു​തി​യ മൂ​ന്നു​വ​രി മേ​ൽ​പാ​ലം തു​റ​ന്നു

ദു​ബൈ: ന​ഗ​ര​ത്തി​ലെ ഗ​താ​ഗ​ത​ത്തി​ര​ക്ക്​ കു​റ​ക്കു​ന്ന​തി​ന്‍റെ ഭാ​ഗ​മാ​യി പു​തു​താ​യി നി​ർ​മി​ച്ച മൂ​ന്നു​വ​രി മേ​ൽ​പാ​ലം തു​റ​ന്നു​​കൊ​ടു​ത്ത്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). ഇ​ൻ​ഫി​നി​റ്റി ബ്രി​ഡ്ജി​ൽ​നി​ന്ന്​ അ​ൽ മി​ന സ്​​ട്രീ​റ്റി​ലൂ​ടെ ശൈ​ഖ്​ റാ​ശി​ദ്​ റോ​ഡ്, ശൈ​ഖ്​ ഖ​ലീ​ഫ്​ ബി​ൻ സാ​യി​ദ്​ ​സ്​​ട്രീ​റ്റ്​ ഇ​ന്‍റ​ർ​സെ​ക്ഷ​നി​ലേ​ക്ക്​ നീ​ളു​ന്ന 1,210 മീ​റ്റ​ർ നീ​ള​ത്തി​ലാ​ണ്​ പു​തി​യ പാ​ലം നി​ർ​മി​ച്ച​ത്.

മൂ​ന്നു​വ​രി​യു​ള്ള പാ​ല​ത്തി​ലൂ​ടെ മ​ണി​ക്കൂ​റി​ൽ 4,800 വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാം. അ​ൽ ഹു​ദൈ​ബ, അ​ൽ റ​ഫ, അ​ൽ ജാ​ഫി​ലി​യ, അ​ൽ മ​ങ്കു​ൽ, അ​ൽ കി​ഫാ​ഫ, അ​ൽ ക​റാ​മ തു​ട​ങ്ങി​യ പ്ര​ധാ​ന റ​സി​ഡ​ൻ​ഷ്യ​ൽ, വാ​ണി​ജ്യ മേ​ഖ​ല​ക​ളെ പ​ര​സ്​​പ​രം ബ​ന്ധി​പ്പി​ക്കാ​ൻ പു​തി​യ പാ​ലം സ​ഹാ​യ​ക​മാ​വും.

അ​ൽ ശി​ന്ദ​ഗ ഇ​ട​നാ​ഴി വി​ക​സ​ന പ​ദ്ധ​തി​യു​ടെ നാ​ലാം ഘ​ട്ട​ത്തി​ൽ ഉ​ൾ​പ്പെ​ടു​ന്ന​താ​ണ്​ പു​തി​യ​പാ​ലം. മൊ​ത്തം 3.1 കി​ലോ​മീ​റ്റ​ർ നീ​ള​ത്തി​ൽ നാ​ല്​ പാ​ല​ങ്ങ​ളാ​ണ്​ പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​മി​ക്കു​ന്ന​ത്. നാ​ല്​ പാ​ല​ങ്ങ​ളി​ലാ​യി മ​ണി​ക്കൂ​റി​ൽ 19,400 വാ​ഹ​ന​ങ്ങ​ളെ ഉ​​ൾ​ക്കൊ​ള്ളും. കൂ​ടാ​തെ ജു​മൈ​റ സ്​​ട്രീ​റ്റ്, അ​ൽ മി​ന സ്​​ട്രീ​റ്റ്, ശൈ​ഖ്​ സ​ബാ​ഹ്​ അ​ൽ അ​ഹ​മ്മ​ദ്​ അ​ൽ ജാ​ബി​ർ അ​ൽ സ​ബാ​ഹ്​ സ്​​ട്രീ​റ്റ്​ എ​ന്നി​വി​ട​ങ്ങ​ളി​ലെ ഉ​പ​രി​ത​ല ക​വ​ല​ക​ളു​ടെ മെ​ച്ച​പ്പെ​ടു​ത്ത​ലി​നൊ​പ്പം 4.8 കി​ലോ​മീ​റ്റ​ർ റോ​ഡി​ന്‍റെ വി​ക​സ​ന​വും പ​ദ്ധ​തി​യി​ൽ ഉ​ൾ​പ്പെ​ടു​ന്നു.

അ​തോ​ടൊ​പ്പം ശൈ​ഖ്​ റാ​ശി​ദ്​ റോ​ഡ്, അ​ൽ മി​ന സ്​​ട്രീ​റ്റ്​ എ​ന്നി​വി​ട​ങ്ങ​ളി​ലെ ര​ണ്ട്​ കാ​ൽ​ന​ട മേ​ൽ​പാ​ല​ങ്ങ​ളും പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​മി​ക്കു​ന്നു​ണ്ട്. യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നി​ർ​ദേ​ശ​പ്ര​കാ​ര​മാ​ണ്​ അ​ൽ ശി​ന്ദ​ഗ ഇ​ട​നാ​ഴി വി​ക​സ​ന പ​ദ്ധ​തി ന​ട​പ്പി​ലാ​ക്കു​ന്ന​തെ​ന്ന്​ ആ​ർ.​ടി.​എ എ​ക്സി​ക്യൂ​ട്ടി​വ്​ ഡ​യ​റ​ക്​​ടേ​ഴ്​​സ്​ ബോ​ർ​ഡ്​ ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ​താ​യ​ർ പ​റ​ഞ്ഞു.

ദു​ബൈ ഭ​ര​ണാ​ധി​കാ​രി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ മേ​ൽ​നോ​ട്ട​വും പ​ദ്ധ​തി​ക്കു​ണ്ട്. ന​ഗ​ര​വി​ക​സ​ന​ത്തി​നൊ​പ്പം ജ​ന​സം​ഖ്യാ വ​ള​ർ​ച്ച​യു​ടെ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യി രൂ​പ​ക​ൽ​പ​ന ചെ​യ്തി​രി​ക്കു​ന്ന പ​ദ്ധ​തി ശി​ന്ദ​ഗ ഇ​ട​നാ​ഴി വി​ക​സ​ന​ത്തെ​യും പി​ന്തു​ണ​ക്കു​ന്നു.

നാ​ല്​ ഘ​ട്ട​ങ്ങ​ളി​ലാ​യി നി​ർ​മി​ക്കു​ന്ന അ​ൽ ശി​ന്ദ​ഗ ഇ​ട​നാ​ഴി പ​ദ്ധ​തി​യു​ടെ 90 ശ​ത​മാ​ന​വും പൂ​ർ​ത്തി​യാ​യി​ക്ക​ഴി​ഞ്ഞു. പ​ദ്ധ​തി​യു​ടെ ഭാ​ഗ​മാ​യു​ള്ള ര​ണ്ട്​ പാ​ല​ങ്ങ​ൾ ഈ ​വ​ർ​ഷം ര​ണ്ടാം പാ​ദ​ത്തി​ൽ തു​റ​ക്കും. ആ​ദ്യ പാ​ല​ത്തി​ന്​ 780 മീ​റ്റ​റും ര​ണ്ടാ​മ​ത്തെ പാ​ല​ത്തി​ന്​ 985 മീ​റ്റ​റു​മാ​ണ്​ നീ​ളം.