പുതുവത്സര വെടിക്കെട്ട്​; ഒന്നര മണിക്കൂറിൽ ബുർജ്​ ക്ലീൻ

ദു​ബൈ: വ​മ്പ​ൻ വെ​ടി​ക്കെ​ട്ട്​ ന​ട​ന്ന പു​തു​വ​ത്സ​രാ​ഘോ​ഷ​ത്തി​ന്​ ശേ​ഷം ബു​ർ​ജ്​ ഖ​ലീ​ഫ​യു​ടെ സ​മീ​പ പ്ര​ദേ​ശ​ങ്ങ​ൾ വൃ​ത്തി​യാ​ക്കി​യ​ത്​ വെ​റും ഒ​ന്ന​ര മ​ണി​ക്കൂ​ർ​കൊ​ണ്ട്. ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ ഒ​രു മ​ണി​ക്കൂ​ർ നേ​ര​ത്തേ​യാ​ണ്​ ഇ​ക്കു​റി ബു​ർ​ജ്​ ക്ലീ​നാ​ക്കി​യ​ത്. 300 പേ​ർ ഏ​ഴ്​ മേ​ഖ​ല​ക​ളി​ലാ​യി തി​രി​ഞ്ഞാ​യി​രു​ന്നു ശു​ചീ​ക​ര​ണം. എ​മി​റി​ൽ​സ്​ എ​ന്ന സ്ഥാ​പ​ന​ത്തി​ന്‍റെ നേ​തൃ​ത്വ​ത്തി​ലാ​യി​രു​ന്നു ശു​ചീ​ക​ര​ണം. തു​ട​ർ​ച്ച​യാ​യ 10ാം വ​ർ​ഷ​മാ​ണ്​ ഇ​തേ സ്ഥാ​പ​നം ശു​ചീ​ക​ര​ണ ചു​മ​ത​ല ഏ​റ്റെ​ടു​ക്കു​ന്ന​ത്. ഓ​രോ വ​ർ​ഷം ക​ഴി​യു​മ്പോ​ഴും ശു​ചീ​ക​ര​ണം വേ​ഗ​ത്തി​ലാ​ക്കാ​ൻ ഇ​വ​ർ​ക്ക്​ ക​ഴി​യു​ന്നു.

ചി​ട്ട​യാ​യ പ്ര​വ​ർ​ത്ത​ന​ങ്ങ​ളി​ലൂ​ടെ​യാ​ണ്​ ഇ​ത്ര വേ​ഗ​ത്തി​ൽ ശു​ചീ​ക​ര​ണം യാ​ഥാ​ർ​ഥ്യ​മാ​ക്കാ​ൻ ത​ങ്ങ​ളെ സ​ഹാ​യി​ച്ച​തെ​ന്ന്​ സ്ഥാ​പ​ന​ത്തി​ന്‍റെ ഡ​യ​റ​ക്ട​ർ ഗോ​പാ​ല​കൃ​ഷ്ണ​ൻ പ​റ​യു​ന്നു. പ​രി​പാ​ടി​യു​ടെ ഒ​രു മാ​സം മു​മ്പു​ത​ന്നെ കൃ​ത്യ​മാ​യ പ​ദ്ധ​തി ത​യാ​റാ​ക്കി​യി​രു​ന്നു. 262 ശു​ചീ​ക​ര​ണ ജീ​വ​ന​ക്കാ​ർ, 45 സാ​​ങ്കേ​തി​ക പ്ര​വ​ർ​ത്ത​ക​ർ, 34 സൂ​പ്പ​ർ​വൈ​സ​ർ​മാ​ർ, മാ​നേ​ജ​ർ​മാ​ർ എ​ന്നി​വ​ര​ട​ങ്ങി​യ സം​ഘ​മാ​ണ്​ ശു​ചീ​ക​ര​ണ​ത്തി​ന്​ നേ​തൃ​ത്വം ന​ൽ​കി​യ​ത്. ശു​ചീ​ക​രി​ക്കേ​ണ്ട മേ​ഖ​ല​യെ ഏ​ഴാ​യി തി​രി​ച്ചാ​യി​രു​ന്നു പ്ര​വ​ർ​ത്ത​നം. ഓ​രോ മേ​ഖ​ല​യി​ലും ഓ​രോ സൂ​പ്പ​ർ​വൈ​സ​ർ​മാ​രെ​യും 20 ശു​ചീ​ക​ര​ണ തൊ​ഴി​ലാ​ളി​ക​ളെ​യും നി​യോ​ഗി​ച്ചു. വെ​ടി​ക്കെ​ട്ട്​ സ​മാ​പി​ച്ച​തി​ന്​ തൊ​ട്ടു​പി​ന്നാ​ലെ ഇ​വി​ട​ങ്ങ​ളി​ൽ ശു​ചീ​ക​ര​ണ യ​ന്ത്ര​ങ്ങ​ൾ വി​ന്യ​സി​ച്ചു.

അ​ധി​കൃ​ത​രു​ടെ സ​ഹാ​യ​വും ല​ഭി​ച്ചു. ആ​ധു​നി​ക ഉ​പ​ക​ര​ണ​ങ്ങ​ളു​പ​യോ​ഗി​ച്ചാ​യി​രു​ന്നു ശു​ചീ​ക​ര​ണം. ജ​ന​ക്കൂ​ട്ട​മാ​ണ്​ ശു​ചീ​ക​ര​ണ​ത്തി​ലെ ഏ​റ്റ​വും വ​ലി​യ വെ​ല്ലു​വി​ളി എ​ന്ന്​ ഇ​വ​ർ പ​റ​യു​ന്നു. ഓ​രോ വ​ർ​ഷ​വും ജ​ന​ങ്ങ​ളു​ടെ എ​ണ്ണം വ​ർ​ധി​ക്കു​ന്നു. അ​തി​നൊ​പ്പം മാ​ലി​ന്യ​വും വ​ർ​ധി​ക്കു​ക​യാ​ണ്. പ​രി​പാ​ടി ക​ഴി​ഞ്ഞ​യു​ട​ൻ ജ​ന​ങ്ങ​ൾ ഇ​വി​ടം വി​ട്ടു​പോ​കു​ന്ന​താ​ണ്​ രീ​തി. ജ​ന​ങ്ങ​ൾ ഒ​ഴി​യു​ന്ന​തി​ന്​ മു​മ്പ് ത​ന്നെ ഇ​വ​രു​ടെ ശു​ചീ​ക​ര​ണ​വും തു​ട​ങ്ങും.