വായന മാസാചരണം: എൻ.എം.സി  മാധ്യമ നയം അവതരിപ്പിച്ചു

അബൂദബി: വായന മാസാചരണത്തി​​​െൻറ ഭാഗമായും 2026 വരെ നീണ്ടുനിൽക്കുന്ന ദേശീയ വായന നയത്തെ പിന്തുണക്കുന്നതിനും നാഷനൽ മീഡിയ കൗൺസിൽ (എൻ.എം.സി) മാധ്യമനയം അവതരിപ്പിച്ചു. സമൂഹത്തിൽ വായന സംസ്​കാരം പ്രോത്സാഹിപ്പിക്കുന്നതിൽ മാധ്യമമേഖലയുടെ ഇടപെടൽ ഉറപ്പു​വരുത്തുന്നതിന​്​ വേണ്ടിയാണ്​ നടപടി. 

വായനയെയും പ്രസിദ്ധീകരണ വ്യവസായത്തെയും പിന്തുണക്കുന്നതിന്​ വേണ്ടി പ്രായത്തിന്​ അനുസരിച്ച്​ പ്രസിദ്ധീകരണങ്ങളിലെ ഉള്ളടക്കം തരംതിരിക്കാനുള്ള സംവിധാനം കൊണ്ടുവരുന്നത്​ അടക്കമുള്ള പദ്ധതികളും നയങ്ങളും രൂപപ്പെടുത്താൻ എൻ.എം.സി പ്രവർത്തനം ആരംഭിച്ചതായി ഡയറക്​ടർ ജനറൽ മൻസൂർ ഇബ്​റാഹിം ആൽ മൻസൂറി പറഞ്ഞു. ശരിയായ ഉള്ളടക്കം തെരഞ്ഞെടുക്കുന്നതിന്​ സമൂഹത്തെ സഹായിക്കാൻ വേണ്ടി വിവിധ പ്രായക്കാർക്കുള്ള പുസ്​തകങ്ങളെ തരംതിരിക്കുന്നതാണ്​ സംവിധാനം. വിവിധ സേവനങ്ങളിലൂടെ പ്രസിദ്ധീകരണ വ്യവസായത്തെ എൻ.എം.സി ശാക്​തീകരിക്കുകയും ചെയ്യും. വായന മാസാചരണത്തിലെയും ദേശീയ വായന നയത്തിലെയും പരിപാടികളെ പിന്തുണക്കുന്ന വിധം വിവിധ മാധ്യമരൂപങ്ങളെ കൗൺസിൽ ഏകോപിപ്പിക്കുമെന്നും അദ്ദേഹം പറഞ്ഞു.

സായിദ്​ വർഷാചരണം നടക്കുന്നതിനാൽ ഇൗ വർഷത്തെ വായന മാസാചരണത്തിന്​ കൂടുതൽ പ്രാധാന്യമുണ്ടെന്ന്​ മൻസൂർ ഇബ്​റാഹിം ആൽ മൻസൂറി അഭിപ്രായപ്പെട്ടു. സമൂഹത്തിൽ വായന പ്രോത്സാഹിപ്പിക്കുന്നതിലും ശാസ്​ത്ര അറിവുകൾ ശക്​തിപ്പെടുത്തുന്നതിലും രാഷ്​ട്ര പിതാവ്​ ശൈഖ്​ സായിദ്​ വലിയ ഉൗന്നൽ കൊടുത്തിരുന്നു. ഇൗ കാഴ്​ചപ്പാടാണ്​ യു.എ.ഇയെ സംസ്​കാരത്തി​​​െൻറയും കവിതയുടെയും സഹിഷ്​ണുതയുടെയും സഹവർത്തിത്വത്തി​​​െൻറയും കേന്ദ്രമാക്കി മാറ്റിയതെന്നും അദ്ദേഹം കൂട്ടിച്ചേർത്തു.

വാണിജ്യ കേന്ദ്രങ്ങളിലെ ലൈബ്രറികൾ സന്ദർശിക്കുന്നതിന്​ ജനങ്ങളെ പ്രേരിപ്പിച്ച്​ വായന സംസ്​കാരം പ്രോത്സാഹിപ്പിക്കുന്നതിന്​ മാർച്ചിൽ എൻ.എം.സി നിരവധി പരിപാടികൾ നടത്തുന്നുണ്ട്​. വിദ്യാഭ്യാസ മന്ത്രാലയവുമായി സഹകരിച്ച്​ 2017ൽ സംഘടിപ്പിച്ച ‘റീഡിങ് റഡാർ’ മത്സരത്തിലെ വിജയികളെ കൗൺസിൽ ആദരിക്കും. പ്രസിദ്ധീകരണ മേഖലയിലെ മികച്ച നടപടിക്രമങ്ങൾ മനസ്സിലാക്കുന്നതിന്​ യു.എ.ഇ പ്രസാധകരുമായി ചേർന്ന്​ പാരീസ്​ പുസ്​​തകോത്സവം പോലുള്ള നിരവധി അന്താരാഷ്​ട്ര പ്രദർശനങ്ങളിൽ എൻ.എം.സി പ​െങ്കടുക്കും. ദേശീയ പ്രസിദ്ധീകരണ പ്രസ്​ഥാനത്തെ ചടുലമാക്കുന്നതിന്​ കേർണർ ലൈബ്രറികൾ ആരംഭിക്കാനുള്ള നടപടികൾ സ്വീകരിക്കും. 

വായന മാസാചരണത്തി​​​െൻറ ഭാഗമായി യു.എ.ഇയുടെ ഒൗദ്യോഗിക വാർത്താ ഏജൻസിയായ ‘വാം’ വിവിധ മാധ്യമ പരിപാടികൾ സംഘടിപ്പിക്കും. വായന പ്രോത്സാഹിപ്പിക്കുന്നതിന്​ പ്രശസ്​ത പുസ്​തകങ്ങളിൽനിന്നുള്ള ഉദ്ധരണികൾ എല്ലാ വ്യാഴാഴ്​ചയും വെള്ളിയാഴ്​ചയും പ്രസിദ്ധീകരിക്കുന്ന ‘ക്വാട്ട്​ ഫ്രം എ ബുക്​’ പദ്ധതി ഇതി​ലുൾപ്പെടും. 

യു.എ.ഇയിലെ വായനക്കാർ നേരിടുന്ന വെല്ലുവിളികൾ സമൂഹത്തെ അറിയിക്കുന്നതിന്​ ‘കൾചറൽ ക്ലിപ്​സ്​’ പരിപാടി അവതരിപ്പിക്കും. സംസ്​കാരത്തെയും വായനയെയും കുറിച്ച്​ ചർച്ച ചെയ്യാൻ പ്രമുഖ സാംസ്​കാരിക വ്യക്​തിത്വങ്ങളെ പങ്കടുപ്പിച്ചുള്ള പരിപാടികൾ നടത്തും. കൂടാതെ സമൂഹത്തിൽ ബോധവത്​കരണം നടത്തുക എന്ന ലക്ഷ്യത്തോടെ വായന മാസാചരണത്തിൽ യു.എ.ഇയിലെ ഫെഡറൽ^തദ്ദേശീയ അതോറിറ്റികൾ നടത്തുന്ന പ്രസിദ്ധീകരണ ജോലികൾക്ക്​ എൻ.എം.സി എല്ലാ വിധ പിന്തുണ നൽകുകയും ചെയ്യും.