പാ​സ്പോ​ർ​ട്ട് കൗ​ണ്ട​റും സ്മാ​ർ​ട്ട്‌ ഗേ​റ്റും ഇ​ല്ല; വി​മാ​ന​ത്താ​വ​ള​ത്തി​ലൂ​ടെ ന​ട​ന്നാ​ൽ ഇ​മി​ഗ്രേ​ഷ​ൻ ന​ട​പ​ടി പൂ​ർ​ത്തി​യാ​കും

ദു​ബൈ: പാ​സ്പോ​ർ​ട്ട് കൗ​ണ്ട​റും സ്മാ​ർ​ട്ട്‌ ഗേ​റ്റും ഇ​ല്ലാ​തെ വി​മാ​ന​ത്താ​വ​ള​ത്തി​ൽ യാ​ത്ര​ക്കാ​ർ​ക്ക്​ ഇ​മി​ഗ്രേ​ഷ​ൻ ന​ട​പ​ടി​ക​ൾ എ​ളു​പ്പ​ത്തി​ൽ പൂ​ർ​ത്തി​യാ​ക്കാ​വു​ന്ന സാ​​ങ്കേ​തി​ക​വി​ദ്യ വ​രു​ന്നു. ദു​ബൈ വി​മാ​ന​ത്താ​വ​ള​ത്തി​ൽ അ​ധി​കം വൈ​കാ​തെ ഇ​ത്​ ന​ട​പ്പി​ലാ​ക്കും. യാ​ത്ര​ക്കാ​ർ വി​മാ​ന​ത്താ​വ​ള​ത്തി​ലൂ​ടെ ഒ​രു​വ​ട്ടം ന​ട​ന്നാ​ൽ ഇ​മി​ഗ്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ക​ഴി​യു​ന്ന നി​ർ​മി​ത​ബു​ദ്ധി​ സാ​​ങ്കേ​തി​ക​വി​ദ്യ​യാ​ണ്​ ന​ട​പ്പി​ലാ​ക്കു​ന്ന​ത്.

സീം​ല​സ്​ ട്രാ​വ​ൽ ഫ്ലാ​റ്റ്ഫോം എ​ന്ന പേ​രി​ലാ​ണ് ഇ​ത്​ അ​റി​യ​പ്പെ​ടു​ക. ദു​ബൈ​യി​ൽ സ​മാ​പി​ച്ച ജൈ​ടെ​ക്സ് ഗ്ലോ​ബ​ലി​ൽ ദു​ബൈ ഇ​മി​ഗ്രേ​ഷ​ൻ വ​കു​പ്പാ​ണ് പു​തി​യ സം​വി​ധാ​നം പ​രി​ച​യ​പ്പെ​ടു​ത്തി​യ​ത്. യാ​ത്ര​ക്കാ​ർ എ​യ​ർ​പോ​ർ​ട്ടി​ലൂ​ടെ ന​ട​ന്നു​പോ​കു​മ്പോ​ൾ നി​ർ​മി​ത​ബു​ദ്ധി​യി​ൽ പ്ര​വ​ർ​ത്തി​ക്കു​ന്ന മു​ഖം തി​രി​ച്ച​റി​യാ​ൻ ക​ഴി​യു​ന്ന കാ​മ​റ​ക​ൾ ഉ​പ​യോ​ഗി​ച്ച് യാ​ത്ര​ക്കാ​രു​ടെ മു​ഖം സ്കാ​ൻ ചെ​യ്യു​ക​യും ബ​യോ​മെ​ട്രി​ക് രേ​ഖ​ക​ളും യാ​ത്ര​ക്കാ​ന്‍റെ മു​ഖ​വും ഒ​ന്നാ​ണെ​ന്ന് സ്ഥി​രീ​ക​രി​ക്കു​ക​യും ചെ​യ്യും.

ഇ​തി​നാ​യി ദു​ബൈ​യി​ലെ വി​മാ​ന​ത്താ​വ​ള​ങ്ങ​ളി​ൽ ഉ​ട​നീ​ളം മു​ഖം തി​രി​ച്ച​റി​യാ​നു​ള്ള പ്ര​ത്യേ​ക അ​ത്യാ​ധു​നി​ക എ.​ഐ കാ​മ​റ​ക​ൾ സ്ഥാ​പി​ക്കും. ഇ​തി​ലൂ​ടെ യാ​ത്ര​ക്കാ​രു​ടെ ഫോ​ട്ടോ എ​ടു​ക്കു​ക​യും അ​യാ​ളു​ടെ രേ​ഖ​ക​ളു​മാ​യി ക​മ്പ്യൂ​ട്ട​റു​ക​ൾ താ​ര​ത​മ്യം ചെ​യ്യു​ക​യും ചെ​യ്യു​മെ​ന്ന് ജി.​ഡി.​ആ​ർ.​എ​ഫ്.​എ​യു​ടെ സ്മാ​ർ​ട്ട്‌ സേ​വ​ന​ങ്ങ​ളു​ടെ അ​സി. ഡ​യ​റ​ക്ട​ർ ല​ഫ്: കേ​ണ​ൽ ഖാ​ലി​ദ് ബി​ൻ മ​ദി​യ അ​ൽ ഫ​ലാ​സി പ​റ​ഞ്ഞു.

പാ​സ്‌​പോ​ർ​ട്ട് നി​യ​ന്ത്ര​ണ​ത്തി​ൽ കൗ​ണ്ട​റു​ക​ളോ സ്റ്റേ​ഷ​നു​ക​ളോ ഗേ​റ്റു​ക​ളോ ഇ​മി​ഗ്രേ​ഷ​ൻ ഓ​ഫി​സ​ർ​മാ​രോ ഉ​ണ്ടാ​കി​ല്ല. യാ​ത്ര​ക്കാ​ർ​ക്ക് ഒ​രു​രേ​ഖ​ക​ളും കാ​ണി​ക്കാ​തെ ക​ട​ന്നു​പോ​കാം. ഇ​തി​ലൂ​ടെ സ്മാ​ർ​ട്ട്‌ ഗേ​റ്റു​ക​ളും പാ​സ്‌​പോ​ർ​ട്ട് ഇ​ട​നാ​ഴി​യും എ​ന്ന ആ​ശ​യം ഇ​ല്ലാ​താ​കും. വി​മാ​ന​ക്ക​മ്പ​നി​ക​ളു​ടെ​യും മ​റ്റ് ക​ക്ഷി​ക​ളു​ടെ​യും പ​ങ്കാ​ളി​ത്ത​ത്തോ​ടെ​യാ​യി​രി​ക്കും പ​ദ്ധ​തി ന​ട​പ്പാ​ക്കു​ക. അ​തി​ന്‍റെ നി​ർ​വ​ഹ​ണം അ​ടു​ത്ത​കാ​ല​ങ്ങ​ളി​ൽ ഉ​ണ്ടാ​കു​മെ​ന്ന് അ​ദ്ദേ​ഹം പ​റ​ഞ്ഞു.