ഗുണം പലത്; ഉടൻ നേടണം പ്രവാസി തിരിച്ചറിയൽ കാർഡ്
text_fieldsപറ്റുമെങ്കിൽ ഇന്നുതന്നെയെന്ന രൂപത്തിൽ അത്ര ജാഗ്രതയോടെ എല്ലാ പ്രവാസികളും സ്വന്തമാക്കേണ്ടതാണ് നോർക്കയുടെ പ്രവാസി തിരിച്ചറിയൽ കാർഡ്. സർക്കാറിെൻറ മറ്റ് എന്തൊക്ക സഹായപദ്ധതികൾ ഉണ്ടെങ്കിലും ഏറ്റവും ആകർഷകമായതും സ്വന്തമാക്കാൻ താരതമ്യേന എളുപ്പമുള്ളതുമാണ് നോർക്കയുടെ തിരിച്ചറിയൽ കാർഡെന്നാണ് ഇൗ രംഗത്ത് പ്രവർത്തിക്കുന്നവർ പറയുന്നത്. വിവിധ പദ്ധതികൾക്കുള്ള തിരിച്ചറിയൽ കാർഡായി ഇത് ഉപയോഗിക്കാൻ കഴിയും. 2008ലാണ് മറ്റ് രാജ്യങ്ങളിൽ തൊഴിലെടുക്കുന്ന മലയാളികൾക്കായി നോർക്ക തിരിച്ചറിയൽകാർഡ് പദ്ധതി നടപ്പാക്കുന്നത്. കാർഡ് ഉടമകൾക്ക് ന്യൂ ഇന്ത്യ ഇൻഷുറൻസ് കമ്പനിയുടെ രണ്ട് ലക്ഷം രൂപ വരെ ഇൻഷുറൻസ് കവറേജ് ലഭിക്കും എന്നതാണ് ഏറ്റവും വലിയ പ്രത്യേകത.
അപകട മരണം, അപകടം മൂലം സംഭവിക്കുന്ന സ്ഥിരമായതോ ഭാഗികമായതോ ആയ അംഗവൈകല്യം തുടങ്ങിയവക്കും ആനുകൂല്യം ലഭിക്കും. ഇൻഷുറൻസ് കവറേജിെൻറ പോളിസി നമ്പർ ഇൗ കാർഡിൽ രേഖപ്പെടുത്തിയിരിക്കുകയും ചെയ്യും. അപേക്ഷാരജിസ്ട്രേഷൻ ഫീസ് 300 രൂപയാണ്. വിദേശത്ത് ആറുമാസത്തിലധികം ജോലിചെയ്യുകയോ റസിഡൻറ്് പെർമിറ്റ് നേടി താമസിക്കുകയോ ചെയ്യുന്ന 18 വയസ് തികഞ്ഞ ആർക്കും കാർഡിന് അപേക്ഷിക്കാം. അപേക്ഷാഫോം പഞ്ചായത്ത്, മുനിസിപ്പാലിറ്റി, കോർപറേഷൻ എന്നിവ വഴി ലഭിക്കും. വിവിധ പ്രവാസിസംഘടനകൾ വഴിയും നോർക്കയുടെയും നോർക്ക റൂട്ട്സിെൻറയും ഒാഫിസുകളിലും www.norkaroots.net എന്ന വെബ്ൈസെറ്റിലും സൗജന്യമായി ഫോറം ലഭിക്കും. സ്വയം സാക്ഷ്യപ്പെടുത്തിയ പാസ്പോർട്ടിെൻറ പകർപ്പ് -വിസ ഉൾപ്പെടെയുള്ളത്, അതത് രാജ്യങ്ങളിൽ നിലവിലുള്ള നിയമാനുസൃതമായ വിസ/തൊഴിൽ/താമസപെർമിറ്റിെൻറ പകർപ്പ് എന്നിവ അപേക്ഷക്കൊപ്പം നൽകണം. നേരിൽ അപേക്ഷ നൽകുകയാണെങ്കിൽ 300 രൂപ. അല്ലെങ്കിൽ 300രൂപയുടെ ഡിമാൻറ് ഡ്രാഫ്റ്റ് (ചീഫ് എക്സിക്യുട്ടീവ് ഒാഫിസർ, നോർക്ക റൂട്ട്സ് എന്ന പേരിൽ അതത് മേഖലാ ആസ്ഥാനത്ത് മാറാവുന്നത്) വേണം.
ഇവയും പൂരിപ്പിച്ച അപേക്ഷയും സഹിതം അപേക്ഷകനോ, അയാളുെട അഭാവത്തിൽ കുടുംബാംഗമോ അതത് മേഖലാ ഒാഫിസിൽ തപാൽ വഴിയോ നേരിേട്ടാ നൽകുകയാണ് വേണ്ടത്. അപേക്ഷാ ഫോറത്തിൽ കാണിച്ച വിവരങ്ങൾ ശരിയാണെന്ന് അതത് രാജ്യങ്ങളിലെ ഇന്ത്യൻ എംബസി അല്ലെങ്കിൽ നാട്ടിലുള്ള വാർഡ് അംഗം, കൗൺസിലർ, പഞ്ചായത്ത് പ്രസിഡൻറ്, മുനിസിപ്പൽ ചെയർമാൻ, മേയർ, ഗസറ്റഡ് ഒാഫിസർ എന്നിവരിൽ ആരെങ്കിലും സാക്ഷ്യെപ്പടുത്തിയിരിക്കണം. അവരുടെ പേരോട്കൂടിയ സീൽ പതിച്ച് ഒപ്പുവെക്കുകയും വേണം. ഇതല്ലാതെ www.norkaroots.net എന്ന വെബ്സൈറ്റിലൂടെ നേരിട്ടും അപേക്ഷ നൽകാനാകും. പരമാവധി മൂന്ന്വർഷമാണ് പ്രവാസി തിരിച്ചറിയൽ കാർഡിെൻറ കാലാവധി. ഇത് കഴിഞ്ഞാൽ 300 രൂപ വീണ്ടും നൽകി മൂന്ന് വർഷത്തേക്ക് വീണ്ടും കാർഡ് പുതുക്കാനുമാകും. ഒാർക്കുക, പ്രവാസികളുമായി ബന്ധപ്പെട്ട ഏത് നടപടിക്രമങ്ങൾക്കുമുള്ള ഒൗദ്യോഗിക രേഖയായി നോർക്ക തിരിച്ചറിയൽ കാർഡ് മാറ്റുക എന്നതാണ് സർക്കാറിെൻറ ലക്ഷ്യം.
സഹായവുമായി പ്രവാസി സംഘടനകൾ
നോർക്ക തിരിച്ചറിയൽ കാർഡുമായി ബന്ധെപ്പട്ട സകല സഹായങ്ങളും ചെയ്യാൻ എല്ലാ ജി.സി.സി രാജ്യങ്ങളിലെയും പ്രധാനപ്പെട്ട പ്രവാസി സംഘടനകൾ പ്രത്യേക സംവിധാനങ്ങൾ ഒരുക്കിയിട്ടുണ്ട്. ഇവയുമായി ബന്ധപ്പെട്ടും അപേക്ഷ നൽകാം. (തുടരും)
തിരിച്ചറിയൽ കാർഡുമായി ബന്ധപ്പെട്ട പ്രത്യേക സെല്ലുകൾ നോർക്ക തുറന്നിട്ടുണ്ട്
തിരുവനന്തപുരം:
നോർക്ക റൂട്ട്സ് െഎ.ഡി കാർഡ് സെൽ
നോർക്ക സെൻറർ, തൈക്കാട്, തിരുവനന്തപുരം
ഫോൺ: 0471- 2329950.
ഇമെയിൽ: idcelltvm@norkaroots.net
എറണാകുളം :
നോർക്ക റൂട്ട്സ് െഎ.ഡി കാർഡ് സെൽ
സർട്ടിഫിക്കറ്റ് ഒാതൻറിഫിക്കേഷൻ സെൻറർ, ഡോർ നമ്പർ 41/1313- B,
വി.എം കോംപ്ലക്സ്, സി.പി. ഉമ്മർ റോഡ്, എറണാകുളം.
ഫോൺ: 0484 2371830, 2371810
ഇമെയിൽ: idcellekm@norkaroots.net
കോഴിക്കോട്:
േനാർക്ക റൂട്ട്സ് െഎ.ഡി കാർഡ് സെൽ
സെകൻഡ് േഫ്ലാർ, സാമോറിൻ സ്ക്വയർ ലിങ് റോഡ്, കോഴിക്കോട്.
ഫോൺ: 0495- 2304882, 2304885
ഇ മെയിൽ: idcellclt@norkaroots.net
• കാസർകോഡ്, കണ്ണൂർ, കോഴിേക്കാട്, മലപ്പുറം, വയനാട് ജില്ലക്കാർ കോഴിക്കോട് സെല്ലിലാണ് അപേക്ഷ നൽകേണ്ടത്.
• തൃശൂർ, എറണാകുളം, പാലക്കാട്, കോട്ടയം, ഇടുക്കി ജില്ലക്കാർ എറണാകുളം സെല്ലുമായാണ് ബന്ധപ്പെടേണ്ടത്.
• ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളിലുള്ളവർ തിരുവനന്തപുരം സെല്ലുമായി ബന്ധപ്പെട്ടാണ് കാര്യങ്ങൾ ചെയ്യേണ്ടത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.