ദു​ബൈ സ്വ​കാ​ര്യ സ്കൂ​ളു​ക​ളി​ൽ കു​ട്ടി​ക​ളു​ടെ എ​ണ്ണം വ​ർ​ധി​ച്ചു

ദു​ബൈ: എ​മി​റേ​റ്റി​ലെ സ്വ​കാ​ര്യ സ്കൂ​ളു​ക​ളി​ലെ വി​ദ്യാ​ർ​ഥി പ്ര​വേ​ശ​നം ഈ ​വ​ർ​ഷം ആ​റു ശ​ത​മാ​നം വ​ർ​ധി​ച്ച​താ​യി വി​ജ്ഞാ​ന, മാ​ന​വ​വി​ഭ​വ​ശേ​ഷി വ​കു​പ്പ്​ (കെ.​എ​ച്ച്.​ഡി.​എ) അ​റി​യി​ച്ചു. 2024 -25 അ​ധ്യ​യ​ന വ​ർ​ഷ​ത്തി​ൽ 227 സ്വ​കാ​ര്യ സ്‌​കൂ​ളു​ക​ളി​ലാ​യി 3,87,441 കു​ട്ടി​ക​ളാ​ണ്​ പ്ര​വേ​ശ​നം നേ​ടി​യ​ത്. 2023ൽ 3,65,000 ​വി​ദ്യാ​ർ​ഥി​ക​ളാ​യി​രു​ന്നു. 2022ൽ ​ഔ​ദ്യോ​ഗി​ക സ്ഥി​തി​വി​വ​ര​ക്ക​ണ​ക്കു​ക​ൾ പ്ര​കാ​രം 3,26,000 വി​ദ്യാ​ർ​ഥി​ക​ൾ ആ​യി​രു​ന്നു പ്ര​വേ​ശ​നം നേ​ടി​യ​ത്.

പു​തി​യ അ​ധ്യ​യ​ന വ​ർ​ഷ​ത്തി​ൽ എ​മി​റേ​റ്റി​ൽ 10 പു​തി​യ സ്‌​കൂ​ളു​ക​ൾ തു​റ​ന്നി​ട്ടു​ണ്ട്. ദു​ബൈ​യു​ടെ വി​ദ്യാ​ഭ്യാ​സ ന​യം-2033​​പ്ര​കാ​രം 2033ഓ​ടെ 100ല​ധി​കം സ്വ​കാ​ര്യ സ്കൂ​ളു​ക​ൾ സ്ഥാ​പി​ക്കാ​നാ​ണ്​ കെ.​എ​ച്ച്.​ഡി.​എ ല​ക്ഷ്യ​മി​ടു​ന്ന​ത്.

എ​മി​റേ​റ്റി​ലെ ജ​ന​സം​ഖ്യ വ​ർ​ധി​ക്കു​ന്ന​തി​ന​നു​സ​രി​ച്ച്​ വി​ദ്യാ​ർ​ഥി​ക​ളു​ടെ എ​ണ്ണ​വും വ​ർ​ധി​ക്കു​ന്ന​താ​യാ​ണ്​ ക​ണ​ക്കി​ൽ വ്യ​ക്ത​മാ​കു​ന്ന​ത്. നി​ല​വി​ൽ ജ​ന​സം​ഖ്യ 38.3 ല​ക്ഷ​മാ​ണെ​ന്നാ​ണ്​ ക​ണ​ക്കാ​ക്കു​ന്ന​ത്. ഇ​ത്​ 2030 വ​രെ ഓ​രോ വ​ർ​ഷ​വും 3.6 ശ​ത​മാ​നം വീ​തം വ​ർ​ധി​ക്കു​ന്ന​താ​യാ​ണ്​ വി​ല​യി​രു​ത്ത​ൽ. ലോ​കോ​ത്ത​ര വി​ദ്യാ​ഭ്യാ​സം ആ​ഗ്ര​ഹി​ക്കു​ന്ന കു​ടും​ബ​ങ്ങ​ൾ​ക്കും ഭാ​വി​ത​ല​മു​റ​യെ രൂ​പ​പ്പെ​ടു​ത്താ​ൻ അ​ർ​പ്പ​ണ​ബോ​ധ​മു​ള്ള അ​ധ്യാ​പ​ക​ർ​ക്കും ദു​​ബൈ ആ​ക​ർ​ഷ​ക​മാ​യ ല​ക്ഷ്യ​സ്ഥാ​ന​മാ​യി തു​ട​രു​ക​യാ​ണെ​ന്ന് കെ.​എ​ച്ച്.​ഡി.​എ ഡ​യ​റ​ക്ട​ർ ജ​ന​റ​ൽ ആ​യി​ഷ മീ​രാ​ൻ പ​റ​ഞ്ഞു.

സ്‌​കൂ​ളു​ക​ളു​ടെ വി​പു​ലീ​ക​ര​ണ​വും ഇ​മാ​റാ​ത്തി വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള വി​ദ്യാ​ർ​ഥി​ക​ളു​ടെ പ്ര​വേ​ശ​ന​ത്തി​ലെ വ​ർ​ധ​ന​യും ന​ഗ​ര​ത്തി​ലെ വി​ദ്യാ​ഭ്യാ​സ രം​ഗ​ത്തി​ന്‍റെ ശ​ക്തി​യെ പ്ര​തി​ഫ​ലി​പ്പി​ക്കു​ന്നു​വെ​ന്നും അ​വ​ർ കൂ​ട്ടി​ച്ചേ​ർ​ത്തു. എ​മി​റേ​റ്റി​ലെ സ്കൂ​ളു​ക​ളി​ൽ 27,284 അ​ധ്യാ​പ​ക​ർ ജോ​ലി ചെ​യ്യു​ന്നു​ണ്ട്. ക​ഴി​ഞ്ഞ വ​ർ​ഷ​ത്തേ​ക്കാ​ൾ ഒ​മ്പ​തു ശ​ത​മാ​നം വ​ർ​ധ​ന​യാ​ണ്​ അ​ധ്യാ​പ​ക​രു​ടെ എ​ണ്ണ​ത്തി​ലു​ണ്ടാ​യി​രി​ക്കു​ന്ന​ത്.

ആ​കെ 33,210 ഇ​മാ​റാ​ത്തി വി​ദ്യാ​ർ​ഥി​ക​ളാ​ണ്​ സ്വ​കാ​ര്യ സ്​​കൂ​ളു​ക​ളി​ൽ പ്ര​വേ​ശ​നം നേ​ടി​യി​ത്. ഇ​മാ​റാ​ത്തി കു​ട്ടി​ക​ൾ ഏ​റ്റ​വും കൂ​ടു​ത​ൽ തെ​ര​ഞ്ഞെ​ടു​ത്ത​ത്​ യു.​എ​സ്​ ക​രി​ക്കു​ലം സ്ഥാ​പ​ന​ങ്ങ​ളാ​ണ്. ദു​ബൈ​യി​ലെ സ്വ​കാ​ര്യ സ്കൂ​ളു​ക​ൾ 17 വ്യ​ത്യ​സ്ത പാ​ഠ്യ​പ​ദ്ധ​തി​ക​ളി​ലാ​ണ്​ പ്ര​വ​ർ​ത്തി​ക്കു​ന്ന​ത്. യു.​കെ പാ​ഠ്യ​പ​ദ്ധ​തി​യാ​ണ്​ ഏ​റ്റ​വും കൂ​ടു​ത​ൽ പേ​ർ തെ​ര​ഞ്ഞെ​ടു​ക്കു​ന്ന​ത്. 37 ശ​ത​മാ​നം വി​ദ്യാ​ർ​ഥി​ക​ൾ യു.​കെ സി​ല​ബ​സി​ൽ പ​ഠി​ക്കു​മ്പോ​ൾ ഇ​ന്ത്യ​ൻ പാ​ഠ്യ​പ​ദ്ധ​തി​യി​ൽ 26 ശ​ത​മാ​നം പേ​ർ പ​ഠി​ക്കു​ന്നു​ണ്ട്.

യു.​എ​സ് പാ​ഠ്യ​പ​ദ്ധ​തി 14 ശ​ത​മാ​ന​വും ഇ​ന്റ​ർ​നാ​ഷ​ന​ൽ ബാ​ക്ക​ല​റി​യേ​റ്റ് ഏ​ഴു ശ​ത​മാ​നം പേ​രും യു.​കെ/​ഐ.​ബി ഹൈ​ബ്രി​ഡ് പാ​ഠ്യ​പ​ദ്ധ​തി നാ​ലു ശ​ത​മാ​നം പേ​രും തെ​ര​ഞ്ഞെ​ടു​ത്തു.