‘അവ്വൽ’ ആൽഫ്രഡ്  സിൽവസ്​റ്റർ അന്തരിച്ചു

അൽ​െഎൻ:  യു.എ.ഇ രാഷ്​ട്രപിതാവ്​ ശൈഖ്​ സായിദ്​ ആൽ നഹ്​യാ​​െൻറ ഒഫീസിലെ മുതിർന്ന ഉദ്യോഗസ്​ഥനും രാഷ്​ട്ര ചരിത്രത്തി​​െൻറയും രാഷ്​ട്രീയത്തി​​െൻറയും ഭാഗവുമായിരുന്ന കൊല്ലം സ്വദേശി ആൽഫ്രഡ് സിൽവസ്​റ്റർ (82) കാനഡയിലെ ടൊറ​േൻറായിൽ അന്തരിച്ചു.  ശൈഖ്​ സായിദ്​ കയ്യൊപ്പു ചാർത്തിയ നിയമന ഉത്തരവ്​ സ്വീകരിച്ച്​  1965 ൽ കൊട്ടാരത്തിൽ ജോലിയിൽ പ്രവേശിച്ച ഇദ്ദേഹം ആദ്യ ലേബർ കാർഡിനും ഉടമയായിരുന്നു. അതു കൊണ്ട്​ അറബി ഭാഷയിൽ ഒന്നാമൻ എന്നർത്ഥമുള്ള ‘അവ്വൽ’ എന്നാണ്   അറിയപ്പെട്ടിരുന്നത്.  

സാമ്പത്തിക ശാസ്ര്തത്തിൽ ബിരുദാനന്തര ബിരുദം നേടിയ ആൽഫ്രഡ്  മുംബൈയിൽ നിന്ന്​ അമേരിക്കയിലേക്ക്​ പഠന മോഹവുമായി പുറപ്പെട്ട്​ 1964 ലാണ് യു.എ.ഇയിൽ എത്തുന്നത്. ഫീസിനാവശ്യമായ വിദേശ നാണ്യം ഇന്ത്യയിൽ ലഭിക്കാത്ത സാഹചര്യമായിരുന്നു അന്ന്​.  എന്നാൽ ശൈഖ്​ സായിദി​​െൻറ ഒഫീസിൽ ജോലി ലഭിച്ചതോടെ പുതു ജീവിതവും പുതു സങ്കൽപ്പവുമെല്ലാം മനസിൽ വന്നു. എലിസബത്ത്​ രാജ്​ഞിക്കും ഇന്ദിരാ ഗാന്ധിക്കും മറ്റുമുള്ള കത്തുകൾ തയ്യാറാക്കുന്നതടക്കമുള്ള ചുമതലകൾ ഇദ്ദേഹത്തിൽ ഏൽപ്പിക്കപ്പെട്ടിരുന്നു. ഉന്നത വിദ്യാഭ്യാസവും, ഇംഗ്ലീഷ് ഭാഷാ പരിജ്ഞാനവും ഉന്നത സ്ഥാനത്തെത്തുന്നതിന്  സഹായകമായി. അബൂദബിയിൽ നയതന്ത്രകാര്യാലയങ്ങളില്ലാതിരുന്ന കാലത്ത് ആൽഫ്രഡി​​െൻറ വീടാണ് അനൗദ്യോഗിക ഇന്ത്യൻ എംബസ്സിയായി പ്രവർത്തിച്ചിരുന്നത്. ആയിരക്കണക്കിനാളുകൾക്ക്​  അദ്ദേഹത്തി​​െൻറ സേവനങ്ങൾ പ്രയോജനപ്പെട്ടു.

 സാമൂഹിക പ്രതിബദ്ധതെയും, സേവനങ്ങളെയും മാനിച്ച് വിവിധ സർക്കാരുകളും, സംഘടനകളും   ആദരിച്ചിട്ടുണ്ട്.. 2014 ലെ യു.എ.ഇ സ്വകാര്യ സന്ദർശനവേളയിൽ അന്നത്തെ ഇന്ത്യൻ അംബാസഡർ  റ്റി.പി. സീതാറാം പ്രത്യേക വിരുന്നൊരുക്കി ആൽഫ്രഡിനെ ആദരിച്ചിരുന്നു. ഏതാനും വർഷങ്ങൾക്കുമുൻപ് പോപ്പി​​െൻറ ഉന്നത ബഹുമതിയും   തേടിയെത്തി. 

യു.എ.ഇ യുടെ പിറവിയും, ത്വരിത വളർച്ചയും, ഉന്നതിയിലേക്കുള്ള കുതിപ്പും മുഖാമുഖം കണ്ട ആൽഫ്രഡ് ഔദ്യോഗിക കൃത്യനിർവ്വഹണത്തി​​െൻറ ഭാഗമായി രാഷ്​ട്രപിതാവുമായി ഊഷ്മള ബന്ധം പുലർത്തിയിരുന്നു. ആ ഒാർമകൾ  നിധിപോലെ മനസ്സിൽ സൂക്ഷിക്കുകയും ചെയ്​തു. കൊല്ലം ശക്തികുളങ്ങരയിൽ ജനിച്ചുവളർന്ന ആൽഫ്രഡിന്​ ജോലിയിൽ നിന്നു പിരിഞ്ഞ ശേഷവും ഇഷ്​ടമുള്ളിടത്തോളം കാലം യു.എ.ഇയിൽ താമസിക്കാൻ അനുവാദവും ആഗ്രഹവുമുണ്ടായിരുന്നു. എന്നാൽ മകളുടെ കുടുംബത്തോടൊപ്പം നിൽക്കേണ്ട അടിയന്തിര സാഹചര്യം നേരിട്ടതോടെ വിശ്രമ ജീവിതം​ കാനഡയിലാക്കുകയായിരുന്നു. മറ്റൊരു മകൾ ഇംഗ്ലണ്ടിലാണ്​. ആദ്യകാല ഇന്ത്യൻ സമൂഹത്തിന്​ താങ്ങും തണലുമായി നിന്ന ആൽഫ്രഡ് സിൽവസ്​റ്ററുടെ സേവനവും സ്​നേഹവും എക്കാലവും ഒാർമിക്കപ്പെടുമെന്ന്​ ഇന്ത്യൻ സോഷ്യൽ സ​െൻറർ പ്രസിഡൻറ്​ ഡോ. ശശി സ്​റ്റീഫൻ അനുശോചന സന്ദേശത്തിൽ പറഞ്ഞു.