വിമാനത്താവളത്തിൽ കുഴഞ്ഞുവീണ വളാഞ്ചേരി സ്വദേശി മരിച്ചു

അബൂദബി: നാട്ടിലേക്ക് പോകവേ വിമാനത്താവളത്തിൽ കുഴഞ്ഞുവീണ്​ ചികിത്സയിലായിരുന്ന വളാഞ്ചേരി സ്വദേശി മരിച്ചു. മലപ്പുറം ജില്ലയിലെ വളാഞ്ചേരി മൂർക്കനാട് സ്വദേശി കുഞ്ഞിമുഹമ്മദ് (46) ആണ്​ ചൊവ്വാഴ്​ച പുലർച്ചെ മരിച്ചത്.ഒക്ടോബർ 19ന് ഉച്ചയ്ക്ക് ഒന്നോടെയാണ് കുഞ്ഞിമുഹമ്മദ് അബൂദബി അന്താരാഷ്​ട്ര വിമാനത്താവളത്തിൽ എത്തിയത്. ബാഗേജ് തൂക്കിയ ശേഷം നടന്നുപോകുന്നതിനിടെ അസ്വസ്​ഥത അനുഭവപ്പെട്ട കുഞ്ഞിമുഹമ്മദ് കുഴഞ്ഞുവീഴുകയായിരുന്നു. ഉടൻ വിമാനത്താവള മെഡിക്കൽ സംഘവും പൊലീസുമെത്തി മഫ്റഖ് ആശുപത്രിയിലേക്ക്​ കൊണ്ടുപോയി. അവിടെ ചികിത്സയിലിരിക്കെയാണ്​ മരണം. ഹൃദയാഘാതമാണ് മരണകാരണം.

എട്ട് മാസം മുമ്പ് നാട്ടിൽ നിന്നെത്തിയ കുഞ്ഞിമുഹമ്മദ് സ്വയ്ഹാനിൽ അറബി വീട്ടിൽ പാചകക്കാരനായി ജോലി ചെയ്ത് വരികയായിരുന്നു. നേരത്തെ 18 വർഷം അബൂദബി  മുഷ്​രിഫിൽ ഒരു കഫ്​റ്റീരിയയിൽ പ്രവർത്തിച്ചിരുന്നു.പൊട്ടച്ചോല മുഹമ്മദി​​െൻറയും ആയിശയുടെയും മകനാണ്. ഭാര്യ: റൈഹാനത്ത്. മക്കൾ: തഫ്സീറ, സാദത്ത്, സിനാൻ. മരുമകൻ: ഫൈസൽ. സഹോദരങ്ങൾ: റഷീദ്, ശരീഫ്, അഷറഫ്, സുഹറ, ഇമ്മുട്ടി.

അബൂദബി ശൈഖ് ഖലീഫ ആശുപത്രി മോർച്ചറിയിലുള്ള മൃതദേഹം ബുധനാഴ്​ച പുലർച്ചെ 12. 20നുള്ള വിമാനത്തിൽ നാട്ടിലേക്ക്​ കൊണ്ടുപോകാൻ സാധിക്കുമെന്ന്​ കരുതുന്നതായി അബൂദബി ഇന്ത്യൻ ഇസ്​ലാമിക് സ​െൻറർ, കെ.എം.സി.സി പ്രവർത്തകർ അറിയിച്ചു. ഖബറടക്കം ബുധനാഴ്​ച രാവിലെ മൂർക്കനാട് പഴയ പള്ളി ഖബർസ്​ഥാനിൽ നടക്കുമെന്ന് ബന്ധുക്കൾ പറഞ്ഞു. ഭാര്യാസഹോദരൻ സയ്യിദ് മൃതദേഹത്തെ അനുഗമിക്കുന്നുണ്ട്​.