അൽ അഹ്​റാം മുൻ പത്രാധിപർ ഇബ്രാഹിം നഫാഇ അന്തരിച്ചു

ദുബൈ: പ്രമുഖ ഇൗജിപ്​ഷ്യൻ മാധ്യമ​ പ്രവർത്തകൻ ഇബ്രാഹിം നഫാഇ (83) ദുബൈയിൽ നിര്യാതനായി. അൽ അഹ്​റാം പത്രത്തി​​​െൻറ പത്രാധിപരായി ദീർഘകാലം സേവനമനുഷ്​ഠിച്ച ഇദ്ദേഹം ജനറൽ യൂനിയൻ ഒഫ്​ അറബ്​ ജർണലിസ്​റ്റ്​സ്​ അധ്യക്ഷനായും സേവനമനുഷ്​ഠിച്ചിട്ടുണ്ട്​. നിരവധി ഗ്രന്​ഥങ്ങളും രചിച്ചിട്ടുണ്ട്​.  ദുബൈയിലെ ആശുപത്രിയിൽ കാൻസർ  ചികിത്സയിലായിരുന്നു. 

മുൻ പ്രസിഡൻറ്​ ഹുസ്​നി മുബാറക്കുമായി ഏറെ അടുപ്പം പുലർത്തിയിരുന്ന നഫാഇ മുബാറക്കി​​​െൻറ രാജിയെ തുടർന്ന്​ ഇൗജിപ്​ത്​ വിട്ട്​ ഫ്രാൻസിലേക്ക്​ പോവുകയായിരുന്നു. മൃതദേഹം നാട്ടിലെത്തിച്ച്​ ഖബറടക്കാൻ നടപടികൾ ആരംഭിച്ചിട്ടുണ്ട്​.