ഉറക്കത്തിൽ ഹൃദയാഘാതം: പത്തനംതിട്ട  സ്വദേശി മരിച്ചു 

മസ്​കത്ത്​: ഉറക്കത്തിൽ ഹൃദയാഘാതം സംഭവിച്ച്​ പത്തനംതിട്ട സ്വദേശി മരിച്ചു. ഉൗട്ടുപാറ ചെരിവുപുരയിടത്തിൽ വീട്ടിൽ പരേതനായ കേശവൻ സദാനന്ദ​​​​െൻറ മകൻ സജി (43) ആണ്​ മരിച്ചത്​. സുഹാർ ഫലജിൽ ഇലക്​ട്രിക്കൽ ജോലിക്കാരനായിരുന്നു. തിങ്കളാഴ്​ച അവധിക്ക്​ നാട്ടിൽ പോകാനിരുന്നതാണ്​. ഞായറാഴ്​ച രാവിലെ ഉറക്കത്തിൽ നിന്ന്​ എഴുന്നേൽക്കാതിരുന്നതിനെ തുടർന്നാണ്​ മരിച്ചതായി കണ്ടെത്തിയത്​. നാട്ടിൽ പോകുന്നതുമായി ബന്ധപ്പെട്ട്​ നാട്ടിൽ നിന്ന്​ ബന്ധുവിനെ ഒമാനിൽ എത്തിച്ചിരുന്നു. താമസ സ്​ഥലത്ത്​ ഒപ്പമുണ്ടായിരുന്ന ഇയാളാണ്​ മരണവിവരം മറ്റുള്ളവരെ അറിയിച്ചത്​. ലളിത മാതാവും രമ്യ ഭാര്യയുമാണ്​. നേരത്തേ സൗദിയിൽ ജോലി ചെയ്​തിട്ടുള്ള സജി നാല്​ വർഷത്തിലധികമായി ഒമാനിലുണ്ട്​.