കാസർകോട്  സ്വദേശി ദൈദിൽ വാഹനാപകടത്തിൽ മരിച്ചു

ഫുജൈറ: പെരുന്നാൾ അവധി ദിനത്തിൽ  കാസർകോട് സ്വദേശി ദൈദിൽ വാഹനാപകടത്തിൽ മരിച്ചു. പെരുന്നാളാഘോഷിക്കാൻ ഖോർഫക്കാനിലേക്ക്​ ​േപായ സുഹൃത്തുക്കളുടെ കാർ ഷാർജ ദൈദിൽ അപകടത്തിൽപ്പെട​ുകയായിരുന്നു. തളങ്കര പടിഞ്ഞാർ കുന്നിലെ ഹാരിസ്–ഫാത്തിമ ദമ്പതികളുടെ മകൻ ഹാത്തിബ്  ഹാരിസ്(23) ആണ് മരിച്ചത്.  ജ​ുനൈദ്, തളങ്കര ബാങ്കോട്ടെ ഫാറൂഖ്, ഫയാസ് എന്നിവർക്ക് പരുക്കേറ്റു. ഒരാളുടെ നില ഗുരുതരമാണ്.
 ശനിയാഴ്​ച വൈകിട്ട്   രണ്ട് കാറുകളിലായി സുഹൃത്തുക്കൾ മടങ്ങുമ്പോൾ ഹാത്തിബ്    സഞ്ചരിച്ച കാറി​​​​െൻറ ടയർ പൊട്ടിത്തെറിച്ച് നിയന്ത്രണം വിട്ട് മറിയുകയായിരുന്നു.    

ഒരു വർഷം മുൻപ് യു.എ.ഇയിലെത്തിയ ഹാത്തിബ് ഷാർജയിലെ  റിയൽ എസ്​റ്റേറ്റ് കമ്പനിയിൽ അക്കൗണ്ടൻറായി ജോലി ചെയ്തുവരികയായിരുന്നു.  പിതാവ് ഹാരിസ് യു.എ.ഇയിലുണ്ട്​. സഹോദരങ്ങൾ: ഹിഷാന, ഖദീജ. നടപടികൾക്ക് ശേഷം മയ്യിത്ത്​ നാട്ടിലേയ്ക്ക് കൊണ്ടുപോകുമെന്ന് ബന്ധുക്കൾ പറഞ്ഞു.