കണ്ണൂർ സ്വദേശി അബൂദബിയിൽ മരിച്ചു

അബൂദബി: കണ്ണൂർ സ്വദേശി അബൂദബിയിൽ മരിച്ചു. അബൂദബി ഇസ്​ലാമിക് ബാങ്കിൽ ജോലി ചെയ്​തിരുന്ന കണ്ണൂർ ചാലാട് കളത്തി​​​െൻറ വിട പുതിയപുരയിലെ കെ.പി ജബ്ബാർ (47) ആണ് മരണപ്പെട്ടത്. ഒരാഴ്ച്ച മുമ്പ്​ ഇദ്ദേഹത്തെ കാണാതായതിനെ തുടർന്ന്​  ബന്ധുക്കൾ തിരച്ചിൽ നടത്തിവരികയായിരുന്നു.ഇതിനിടെ അബൂദബി ശൈഖ് ഖലീഫ ആശുപത്രി മോർച്ചറിയിൽ   മൃതദേഹം ഉണ്ടെന്നറിഞ്ഞ്​ കെ.എം.സി.സി പ്രവർത്തകർ സാമൂഹിക മാധ്യമങ്ങൾ വഴി ബന്ധുക്കളെ കണ്ടെത്താൻ ശ്രമം നടത്തി.

ഇവരിൽ നിന്ന്​ വിവരമറി​ഞ്ഞ്​  ആശുപത്രിയിലെത്തിയ സഹോദരൻ മുനീർ മരിച്ചത്​ ജബ്ബാറാണെന്ന്​ തിരിച്ചറിയുകയായിരുന്നു. സി.എച്ച് അബൂട്ടി-ഫാത്തിമ ദമ്പതികളുടെ മകനാണ്. ഭാര്യ: മാരിയത്ത്. മക്കൾ: ജാസിം,മർജാന.  മറ്റു സഹോദരങ്ങൾ:  ഫാസില, ശമീമ, സാബിറ, ഫരീദ.  നടപടിക്രമങ്ങൾ പൂർത്തിയാക്കി മൃതദേഹം നാട്ടിൽ കൊണ്ട് പോകും.