ഓണാഘോഷം: 25 നഴ്സുമാരെ ആദരിക്കും
text_fieldsRe[presentational Image
അബൂദബി: കഴിഞ്ഞ 15 വർഷമായി അബൂദബിയിൽ പ്രവർത്തിക്കുന്ന ദർശന കലാ സാംസ്കാരിക വേദിയുടെ ഓണാഘോഷം സെപ്റ്റംബർ 24ന് രാവിലെ ഒമ്പതു മുതൽ അബൂദബി മലയാളി സമാജം അങ്കണത്തിൽ നടത്തുമെന്ന് ഭാരവാഹികൾ അറിയിച്ചു. തിരുവാതിര, ഓണപ്പാട്ടുകൾ, മാവേലി മന്നൻ, ഓണസദ്യ, ചെണ്ടമേളം തുടങ്ങിയ പരിപാടികൾ ആഘോഷങ്ങളുടെ ഭാഗമായി നടത്തും. പുതിയ കമ്മിറ്റിയുടെ പ്രവർത്തന ഉദ്ഘാടനവും ചടങ്ങിൽ നടക്കും. കഴിഞ്ഞ 10 വർഷമായി ആതുരസേവന രംഗത്തു സേവനം അനുഷ്ഠിക്കുന്ന നഴ്സുമാരെ ആദരിക്കും. ആദ്യം തിരഞ്ഞെടുക്കുന്ന 25 നഴ്സുമാർക്കാണ് ആദരം.
നഴ്സുമാരെ നാമനിർദേശം ചെയ്യാൻ പൊതുജനങ്ങൾക്കും അവസരമുണ്ട്. താൽപര്യമുള്ളവർക്ക് നഴ്സുമാരുടെ വിവരങ്ങൾ darshanasvabudhabi@gmail.com ൽ മെയിൽ ചെയ്യുകയോ 971 55 617 9238, +971 50 268 8458 +971 50 596 4907 നമ്പറുകളിൽ വിളിച്ചറിയിക്കുകയോ ചെയ്യാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.