ഇ-മെയില്‍ തട്ടിപ്പിലൂടെ പത്തു ലക്ഷം കവർന്നു; മൂന്നംഗ സംഘം അറസ്റ്റിൽ

റാ​സ​ല്‍ഖൈ​മ: ഇ-​മെ​യി​ൽ ഹാ​ക്കി​ങ്ങി​ലൂ​ടെ സ്വ​കാ​ര്യ ക​മ്പ​നി​യി​ൽ​നി​ന്ന്​ പ​ത്തു ല​ക്ഷം ദി​ർ​ഹം ക​വ​ർ​ന്ന കേ​സി​ൽ മൂ​ന്നം​ഗ സം​​ഘ​ത്തെ അ​റ​സ്റ്റ് ചെ​യ്ത്​ റാ​സ​ൽ ഖൈ​മ പൊ​ലീ​സ്. ഇ​ന്‍റ​ർ​നെ​റ്റ്​ വ​ഴി വ്യ​ക്​​തി​ക​ളു​ടെ സ്വ​കാ​ര്യ സാ​മ്പ​ത്തി​ക വി​വ​ര​ങ്ങ​ൾ ശേ​ഖ​രി​ച്ച്​ ക​വ​ർ​ച്ച ന​ട​ത്തു​ന്ന സം​ഘ​മാ​ണ്​ പി​ടി​യി​ലാ​യ​ത്. ദു​ബൈ പൊ​ലീ​സു​മാ​യി സ​ഹ​ക​രി​ച്ച്​ ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ്​ പ്ര​തി​ക​ൾ അ​റ​സ്റ്റി​ലാ​യ​തെ​ന്ന്​ റാ​ക് പൊ​ലീ​സ് മേ​ധാ​വി അ​ലി അ​ബ്ദു​ല്ല അ​ല്‍വാ​ന്‍ അ​ല്‍നു​ഐ​മി പ​റ​ഞ്ഞു. ഇ-​മെ​യി​ല്‍, ഇ​ല​ക്ട്രോ​ണി​ക് പ്ലാ​റ്റ്​​ഫോ​മു​ക​ള്‍ ഹാ​ക്ക് ചെ​യ്യു​ക​യും ഇ​ട​പാ​ട് ന​ട​ത്തു​ന്ന സ്ഥാ​പ​ന​വു​മാ​യി സം​ശ​യ​ത്തി​നി​ട​ന​ല്‍കാ​തെ ബ​ന്ധം​പു​ല​ർ​ത്തു​ക​യു​മാ​ണ്​​ ത​ട്ടി​പ്പു​സം​ഘ​ത്തി​ന്‍റെ രീ​തി. തു​ട​ർ​ന്ന്​ അ​ക്കൗ​ണ്ട് ന​മ്പ​റി​ല്‍ മാ​റ്റ​മു​ണ്ടെ​ന്നും ഫ​ണ്ട് പു​തി​യ അ​ക്കൗ​ണ്ടി​ലേ​ക്ക് ട്രാ​ൻ​സ്ഫ​ര്‍ ചെ​യ്യ​ണ​മെ​ന്നും സ്ഥാ​പ​ന​ത്തെ അ​റി​യി​ക്കും. ഈ ​രീ​തി​യി​ൽ റാ​സ​ല്‍ഖൈ​മ​യി​ല്‍ ഇ​ല​ക്ട്രോ​ണി​ക് മേ​ഖ​ല​യി​ല്‍ പ്ര​വ​ര്‍ത്തി​ക്കു​ന്ന ഒ​രു ക​മ്പ​നി​യി​ല്‍നി​ന്നാ​ണ് പ​ത്തു ല​ക്ഷം ദി​ര്‍ഹം സം​ഘം ക​വ​ർ​ന്ന​ത്. സ്ഥി​ര​മാ​യി ഇ​ട​പാ​ടു​ള്ള സ്ഥാ​പ​ന​മെ​ന്ന വി​ശ്വാ​സ​ത്തി​ലാ​ണ് ക​മ്പ​നി ഇ​വ​രു​മാ​യി ഇ-​മെ​യി​ലി​ല്‍ ആ​ശ​യ​വി​നി​മ​യം ന​ട​ത്തി​യ​ത്. ക്വ​ട്ടേ​ഷ​നു​ക​ളും പ​ര്‍ച്ചേ​സ് ഓ​ര്‍ഡ​റും ഉ​ള്‍പ്പെ​ടെ സ​ര്‍വ​വി​വ​ര​ങ്ങ​ളും ഹാ​ക്ക് ചെ​യ്ത ത​ട്ടി​പ്പ് സം​ഘം വ്യാ​ജ ഇ-​മെ​യി​ല്‍ വ​ഴി​യാ​യി​രു​ന്നു ആ​ശ​യ​വി​നി​യ​മ​യം ന​ട​ത്തി​യ​ത്.

ത​ങ്ങ​ളു​ടെ ബാ​ങ്ക് അ​ക്കൗ​ണ്ട് മാ​റ്റി​യെ​ന്ന വി​വ​രം സ്ഥാ​പ​ന​ത്തെ അ​റി​യി​ക്കു​ക​യും പു​തി​യ അ​ക്കൗ​ണ്ടി​ലേ​ക്ക് പ​ണം ട്രാ​ന്‍സ്ഫ​ര്‍ ചെ​യ്യാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. പ​ണം കൈ​മാ​റി നി​ശ്ചി​ത ദി​വ​സം ക​ഴി​ഞ്ഞും ഉ​ല്‍പ​ന്ന​ങ്ങ​ള്‍ ല​ഭി​ക്കാ​ത്ത​തി​ന്​ തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ത​ട്ടി​പ്പി​നി​ര​യാ​യ വി​വ​രം ക​മ്പ​നി അ​റി​യു​ന്ന​ത്. തു​ട​ര്‍ന്ന് പൊ​ലീ​സി​ല്‍ പ​രാ​തി ന​ല്‍കു​ക​യാ​യി​രു​ന്നു. പ​രാ​തി ല​ഭി​ച്ച​യു​ട​ന്‍ പ്ര​ത്യേ​ക അ​ന്വേ​ഷ​ണ​സം​ഘം രൂ​പ​വ​ത്ക​രി​ച്ച് കേ​സ​ന്വേ​ഷ​ണം ഏ​കോ​പി​പ്പി​ച്ചു. സാ​ങ്കേ​തി​ക കു​റ്റ​കൃ​ത്യ​ങ്ങ​ള്‍ പ്ര​ഫ​ഷ​ന​ലാ​യി കൈ​കാ​ര്യം ചെ​യ്യാ​ന്‍ പ​രി​ശീ​ല​നം ല​ഭി​ച്ച വി​ദ​ഗ്ധ​രു​ടെ അ​നു​മാ​ന​ങ്ങ​ള്‍ പ്ര​തി​ക​ളെ വേ​ഗ​ത്തി​ല്‍ കു​ടു​ക്കാ​ന്‍ സ​ഹാ​യി​ച്ചു.

രാ​ജ്യ​ത്തി​ന​ക​ത്തു​ത​ന്നെ കു​റ്റ​വാ​ളി​ക​ളു​ടെ സാ​ന്നി​ധ്യം ക​ണ്ടെ​ത്തി. സം​ഘാം​ഗ​ങ്ങ​ളു​ടെ അ​ക്കൗ​ണ്ടി​ല്‍ സം​ശ​യ​ക​ര​മാ​യ പ​ണ​മി​ട​പാ​ടു​ക​ളും പ​ണം നീ​ക്കി​യി​രി​പ്പും ക​ണ്ടെ​ത്തു​ക​യും ചെ​യ്തു. തു​ട​ര്‍ന്ന് ദു​ബൈ പൊ​ലീ​സു​മാ​യി സ​ഹ​ക​രി​ച്ച് സം​ഘാം​ഗ​ങ്ങ​ളെ അ​റ​സ്റ്റ് ചെ​യ്ത് തു​ട​ര്‍ ന​ട​പ​ടി​ക​ള്‍ക്കാ​യി പ്രോ​സി​ക്യൂ​ഷ​ന് കൈ​മാ​റി​യ​താ​യും അ​ധി​കൃ​ത​ര്‍ വ്യ​ക്ത​മാ​ക്കി.