ഒ​റ്റ ടി​ക്ക​റ്റ്, മൂ​ന്ന് സ്റ്റേ​ഷ​നു​ക​ളി​ലേ​ക്ക് ഫെ​റി യാ​ത്ര

ദു​ബൈ: ദേ​ശീ​യ​ദി​ന​ത്തോ​ട​നു​ബ​ന്ധി​ച്ച് എ​മി​റേ​റ്റി​ൽ പു​തി​യ ഫെ​റി ടൂ​ർ സേ​വ​ന​വു​മാ​യി ദു​ബൈ റോ​ഡ് ഗ​താ​ഗ​ത അ​തോ​റി​റ്റി (ആ​ർ.​ടി.​എ). തി​ങ്ക​ൾ, ചൊ​വ്വ ദി​വ​സ​ങ്ങ​ളി​ൽ ഒ​റ്റ ഫെ​റി ടി​ക്ക​റ്റി​ൽ മൂ​ന്ന് സ്റ്റേ​ഷ​നു​ക​ളി​ലേ​ക്ക് യാ​ത്ര ചെ​യ്യാം. ടി.​ആ​ർ 17 എ​ന്ന ഫെ​റി സ​ർ​വി​സി​ലൂ​ടെ ര​ണ്ടു​ദി​വ​സ​ങ്ങ​ളി​ലും വൈ​കീ​ട്ട് നാ​ലു​മ​ണി മു​ത​ൽ അ​ർ​ധ​രാ​ത്രി 12.30 വ​രെ ദു​ബൈ ഫെ​സ്റ്റി​വ​ൽ, ജ​ദ്ദാ​ഫ്, ക്രീ​ക്ക് ഹാ​ർ​ബ​ർ എ​ന്നീ സ്റ്റേ​ഷ​നു​ക​ളി​ലേ​ക്ക് യാ​ത്ര​ചെ​യ്യാം.

25 മി​നി​റ്റ് ഇ​ട​വേ​ള​ക​ളി​ൽ സേ​വ​നം ല​ഭ്യ​മാ​കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. എ​മി​റേ​റ്റി​ലെ ആ​ഘോ​ഷ പ​രി​പാ​ടി​ക​ളി​ൽ പ​ങ്കെ​ടു​ക്കു​ന്ന​വ​ർ​ക്ക് മി​ക​ച്ച യാ​ത്രാ സേ​വ​ന​ങ്ങ​ൾ ല​ഭ്യ​മാ​ക്കാ​നാ​യി ദു​ബൈ മെ​ട്രോ, ട്രാം, ​പൊ​തു ബ​സ്, അ​ബ്ര, വാ​ട്ട​ർ ടാ​ക്സി എ​ന്നി​വ​യു​ടെ പ്ര​വ​ർ​ത്ത​ന​സ​മ​യ​വും നീ​ട്ടി​യി​ട്ടു​ണ്ട്. അ​വ​ധി ദി​ന​ങ്ങ​ളി​ൽ വി​നോ​ദ​സ​ഞ്ചാ​രി​ക​ൾ​ക്കും താ​മ​സ​ക്കാ​ർ​ക്കും വൈ​വി​ധ്യ​മാ​ർ​ന്ന യാ​ത്രാ സേ​വ​ന​ങ്ങ​ൾ ന​ൽ​കാ​നാ​ണ് അ​തോ​റി​റ്റി ശ്ര​മി​ക്കു​ന്ന​ത്.