കൂട്ടിലടക്കപ്പെട്ട കിളികളായി ഞങ്ങളുടെ പൊന്നുമ്മമാർ

ഒ​രു​പാ​ട് പ്ര​തി​സ​ന്ധി​ക​ളും പ​രീ​ക്ഷ​ണ​ങ്ങ​ളും നേ​രി​ട്ട ക​ഴി​ഞ്ഞ വ​ർ​ഷ​ത്തെ നോ​മ്പു​കാ​ലം എ​ങ്ങ​നെ മ​റ​ക്കാ​ൻ ക​ഴി​യും. ഉ​മ്മ​മാ​ർ എ​ന്ന ഭൂ​മി​യി​ലെ സ്വ​ർ​ഗ​ങ്ങ​ളെ അ​ടു​ത്ത്​ കി​ട്ടി​യ റ​മ​ദാ​നാ​യി​രു​ന്നു ക​ഴി​ഞ്ഞു​പോ​യ​ത്. പ​േ​ക്ഷ, ആ​ശ്വാ​സ​ത്തേ​ക്കാ​ളേ​റെ ആ​ശ​ങ്ക​ക​ളാ​യി​രു​ന്നു കൂ​ട്ടി​നു​ണ്ടാ​യി​രു​ന്ന​ത്. സ​ന്ദ​ർ​ശ​ക വി​സ​യി​ൽ അ​വ​രെ യു.​എ.​ഇ​യി​ൽ എ​ത്തി​ച്ച്​ ഏ​താ​നും ദി​വ​സ​ങ്ങ​ൾ​ക്കു​ള്ളി​ലാ​ണ് കോ​വി​ഡ് ലോ​ക​മെ​ങ്ങും കാ​ട്ടു​തീ പോ​ലെ ആ​ളി​പ്പ​ട​ർ​ന്ന​ത്. ലോ​ക്​​ഡൗ​ൺ പ്ര​ഖ്യാ​പി​ച്ച​തോ​ടെ പ്ര​വാ​സി​ക​ളാ​കെ ആ​ശ​ങ്ക​യി​ലാ​യി​പ്പോ​യ ദി​ന​ങ്ങ​ൾ.

നാ​ട്ടി​ലേ​ക്കു​ള്ള മ​ട​ങ്ങി​പ്പോ​ക്ക്​ സ്വ​പ്നം എ​ന്ന​പോ​ലെ കാ​ത്തി​രു​ന്ന പ്ര​വാ​സി​ക​ളി​ൽ ഞ​ങ്ങ​ളു​ടെ ഉ​മ്മ​മാ​രു​മു​ണ്ടാ​യി​രു​ന്നു (എ​െൻറ​യും ഭ​ർ​ത്താ​വ്​ ആ​രി​ഫി​െൻറ​യും ഉ​മ്മ​മാ​രാ​യ മെ​ഹ​ദി​ന്നി​സ​യും ജ​മീ​ല​യും). ലോ​ക്ഡൗ​ൺ നീ​ട്ടു​ന്ന​തി​െൻറ വാ​ർ​ത്ത​ക​ൾ കേ​ൾ​ക്കു​ന്തോ​റും മാ​ന​സി​ക സം​ഘ​ർ​ഷം ഏ​റി​വ​ന്നു. നാ​ട്ടി​ൽ എ​ത്താ​ൻ ക​ഴി​യാ​തെ​യു​ള്ള മാ​ന​സി​ക വി​ഭ്രാ​ന്തി മാ​സ​ങ്ങ​ളോ​ള​മാ​ണ്​ നീ​ണ്ടു​നി​ന്ന​ത്. ഒ​രു ദി​വ​സം പോ​ലും മു​ട​ക്കാ​ൻ ക​ഴി​യാ​ത്ത മ​രു​ന്ന് തീ​ർ​ന്നി​ട്ടും ആ​കാ​ശ​വാ​തി​ലു​ക​ൾ തു​റ​ക്കു​ന്ന​തും നോ​ക്കി ബ​റാ​അ​ത്തും ക​ഴി​ഞ്ഞ്​ നോ​മ്പു​കാ​ല​ത്തേ​ക്കും നീ​ണ്ടു ഉ​മ്മ​മാ​രു​ടെ കാ​ത്തി​രി​പ്പ്.

മ​ഹ​നീ​യ മാ​സ​മാ​യ റ​മ​ദാ​ൻ അ​ഗ​ത​മാ​യ​തോ​ടെ ആ​ശ​ങ്ക കൂ​ടി. വീ​ട്ടി​ൽ വാ​പ്പ​മാ​രെ ത​നി​ച്ചി​ട്ട് പോ​ന്ന ഉ​മ്മ​മാ​ർ ക​ടു​ത്ത നൈ​രാ​ശ്യ​ത്തോ​ടെ​യാ​യി​രു​ന്നു അ​ന്ന് റ​മ​ദാ​നെ വ​ര​വേ​റ്റ​ത്. ആ ​റ​മ​ദാ​ൻ ദി​ന​ങ്ങ​ൾ മ​സ്‌​തി​ഷ്ക​ത്തി​ൽ​നി​ന്നും തു​ട​ച്ചു​നീ​ക്കാ​നാ​വാ​ത്ത ഓ​ർ​മ​ക​ൾ എ​ന്നു​ത​ന്നെ പ​റ​യാം. തീ​വ്ര​മാ​യ ചി​ല വൈ​കാ​രി​ക നി​മി​ഷ​ങ്ങ​ൾ മാ​യാ​തെ മ​ന​സ്സി​ൽ തി​ങ്ങി​നി​ൽ​ക്കും എ​ന്ന​പോ​ലെ ആ ​കൊ​റോ​ണ നോ​മ്പ് കാ​ല​ത്തെ സ്മ​രി​ക്കാ​തെ വ​യ്യ.പ​തി​വു പ​ള്ളി നോ​മ്പു​തു​റ​ക​ൾ ഇ​ല്ലാ​തെ വീ​ട്ടി​നു​ള്ളി​ൽ ഒ​റ്റ​പ്പെ​ട്ടു​പോ​യ വാ​പ്പ​മാ​രെ ഓ​ർ​ത്ത് വി​ഷ​മി​ച്ചു ക​ഴി​ച്ചു​കൂ​ടി​യ ഒ​രു റ​മ​ദാ​ൻ മാ​സ​മാ​യി​രു​ന്നു അ​ത്.

അ​യ​ൽ​വാ​സി​പ്പ​ല​ഹാ​ര​ങ്ങ​ൾ ഇ​ല്ലാ​ത്ത, ഒ​രു​മി​ച്ചു​കൂ​ട​ലോ​ടെ​യു​ള്ള ഇ​ഫ്താ​ർ ഇ​ല്ലാ​ത്ത, 60 വ​ർ​ഷ​ത്തെ ജീ​വി​ത​ത്തി​ൽ ആ​ദ്യ​മാ​യ​നു​ഭ​വി​ച്ച നോ​മ്പു​കാ​ലം. അ​ട​ച്ചി​ട്ട കി​ളി​ക​ളെ പോ​ലെ​യാ​യി​രു​ന്നു ഉ​മ്മ​മാ​ർ. നാ​ട്ടി​ലെ വെ​ള്ള​രി ചോ​റി​ല്ലാ​തെ, നാ​ട്ടി​ലെ മീ​നും ക​റി​ക്കൂ​ട്ടും ഒ​ന്നി​നും പ​ക​ര​മാ​വി​ല്ലെ​ന്ന പ​രാ​തി​യോ​ടും പ​രി​ഭ​വ​ത്തോ​ടും കൂ​ടി​യ അ​ത്താ​ഴം ക​ഴി​ക്ക​ലു​ക​ൾ. ലോ​ക​മെ​ങ്ങും ക​ര​യു​ന്ന വേ​ള​യി​ൽ ഇ​ഫ്താ​ർ വി​ഭ​വ​ങ്ങ​ൾ​ക്ക് പ്ര​സ​ക്തി​യി​ല്ലെ​ന്നു​ പ​റ​ഞ്ഞ്​ എ​ണ്ണ​പ്പ​ല​ഹാ​ര​ങ്ങ​ൾ തീ​ന്മേ​ശ​യി​ൽ നി​റ​ച്ചു​വെ​ക്കാ​തെ പോ​യ നോ​മ്പ് കാ​ല​മാ​യി​രു​ന്നു.

പ​ല​ഹാ​ര സ​മൃ​ദ്ധ​മാ​വാ​റു​ള്ള ആ ​തീ​ൻ​മേ​ശ നാ​ര​ങ്ങ​വെ​ള്ള​ത്തി​ലും ഫ്രൂ​ട്ട്സി​ലു​മൊ​ക്കെ ഒ​തു​ങ്ങി.മ​രു​ന്നു കി​ട്ടാ​തെ ശ്വാ​സം മു​ട്ടും കൊ​ള​സ്ട്രോ​ളു​മൊ​ക്കെ​യാ​യി വ​ള​രെ ബു​ദ്ധി​മു​ട്ടി​യ അ​വ​സ്ഥ​യി​ൽ ദൈ​വം സൃ​ഷ്​​ടി​ച്ച ന​ന്മ​യു​ടെ ഉ​റ​വ വ​റ്റാ​ത്ത ചി​ല​ർ മ​രു​ന്ന് ത​ന്നു സ​ഹാ​യി​ച്ച​തും ക​ഴി​ക്കു​ന്ന ക​മ്പ​നി​ത​ന്നെ വേ​ണ​മെ​ന്ന മ​ന​സ്സി​െൻറ വാ​ശി​ക​ളെ മാ​റ്റി പി​ടി​പ്പി​ച്ച​തു​മാ​യ നോ​മ്പ്കാ​ലം. ഭ​ക്ഷ​ണ​വും മ​രു​ന്നു​മെ​ല്ലാ​മാ​യി സ​ഹാ​യ​ഹ​സ്ത​ങ്ങ​ൾ പാ​വം പ്ര​വാ​സി​ക​ളി​ലേ​ക്ക് എ​ത്തി​ച്ച സം​ഘ​ട​ന​ക​ളെ വാ​ഴ്ത്താ​തെ വ​യ്യ. സൗ​ക​ര്യം അ​ധി​ക​മാ​യ ധാ​രാ​ളി​ത്തം നി​റ​ഞ്ഞ ജീ​വി​ത ശൈ​ലി​യി​ൽ നി​ന്നും മാ​റി​ച്ചി​ന്തി​ക്കാ​ൻ പ​ഠി​പ്പി​ച്ച ആ​യു​സ്സി​ലെ ആ​ദ്യ​ത്തെ നോ​മ്പു​കാ​ല​മാ​യി​രു​ന്നു അ​ത്. വി​ശ​പ്പ് പ​ഴ​മ​യു​ടെ ഭാ​ഗ​മാ​യി​രു​ന്നു എ​ന്ന ഒ​രു ഓ​ർ​മ​പ്പെ​ടു​ത്ത​ൽ റ​മ​ദാ​നി​ൽ പ​ല​ർ​ക്കും അ​നു​ഭ​വ​മാ​യു​ണ്ടാ​യി​രു​ന്നു.

അ​നാ​രോ​ഗ്യ ശീ​ലം ഒ​ഴി​വാ​ക്കാ​ൻ ശ്ര​മി​ച്ച കാ​ല​മാ​യി​രു​ന്നു. മ​ന​സി​ക​വും ശാ​രീ​രി​ക​വും ആ​ത്മീ​യ​വു​മാ​യ ശു​ദ്ധി​വ​രു​ത്താ​ൻ​വേ​ണ്ടി ദൈ​വം ഓ​ർ​മ​പ്പെ​ടു​ത്തി​യ കാ​ലം. ബ​ന്ധ​സൗ​ഹൃ​ദ​ങ്ങ​ളു​ടെ കൂ​ടെ നോ​മ്പു തു​റ​ക്കാ​ൻ ക​ഴി​യാ​തെ പോ​യൊ​രു നോ​മ്പു​കാ​ലം. ഉ​മ്മ​മാ​ർ ടി.​വി കാ​ണു​ന്ന​ത്​ വി​മാ​ന​വി​ല​ക്ക്​ നീ​ക്കി​യോ എ​ന്ന​റി​യാ​ൻ വേ​ണ്ടി​യാ​യി​രു​ന്നു. കേ​ന്ദ്ര സ​ർ​ക്കാ​റി​െൻറ ഒ​രു തീ​രു​മാ​ന​ത്തി​നാ​യി അ​വ​ർ ഇ​ത്ര​യേ​റെ കാ​ത്തി​രു​ന്ന വേ​റൊ​രു നാ​ൾ ഉ​ണ്ടാ​യി​ട്ടി​ല്ല. ലോ​ക്ഡൗ​ൺ നീ​ട്ട​ലും കു​റ​ക്ക​ലും നോ​ക്കി​യി​രു​ന്ന്, എം​ബ​സി​യി​ൽ ര​ജി​സ്​​റ്റ​ർ ചെ​യ്​​ത്, അ​വ​രു​ടെ ഫോ​ൺ വി​ളി​ക്കാ​യി കാ​ത്തി​രു​ന്ന ദി​ന​ങ്ങ​ൾ എ​ങ്ങ​നെ മ​റ​ക്കാ​ൻ ക​ഴി​യും.