വീട്ടിൽനിന്ന്​ പണപ്പൊതി മോഷ്ടിച്ചു; സെയിൽസ്മാൻ സി.സി.ടി.വിയിൽ കുടുങ്ങി

ദു​ബൈ: ഉ​ട​മ​സ്ഥ​രി​ല്ലാ​ത്ത സ​മ​യം​ റ​സി​ഡ​ഷ​ൻ​ഷ്യ​ൽ ഫ്ലാ​റ്റി​ൽ മോ​ഷ​ണം ന​ട​ത്തി​യ യു​വാ​വ്​ സി.​സി കാ​മ​റ​യി​ൽ കു​ടു​ങ്ങി. ഒ​രു ടെ​ലി​കോം ബ്രാ​ൻ​ഡി​ന്‍റെ പ്ര​ചാ​ര​ണ പോ​സ്റ്റ​ർ പ​തി​ക്കാ​നെ​ത്തി​യ സെ​യി​ൽ​സ്മാ​നാ​ണ്​ മോ​ഷ​ണ​ത്തി​നി​ടെ സി.​സി കാ​മ​റ​യി​ൽ പ​തി​ഞ്ഞ​ത്. അ​ബൂ​ദ​ബി​യി​ലെ റ​സി​ഡ​ൻ​ഷ്യ​ൽ ഏ​രി​യ​യി​ൽ ക​ഴി​ഞ്ഞ ശ​നി​യാ​ഴ്ച രാ​ത്രി​യാ​ണ്​​ സം​ഭ​വം. സ​മീ​പ വീ​ടു​ക​ളി​ൽ പോ​സ്റ്റ​ർ പ​തി​ച്ച ശേ​ഷം ആ​ളി​ല്ലാ​ത്ത വീ​ട്ടി​ലെ​ത്തി​യ യു​വാ​വ്​ വീ​ടി​നു​പു​റ​ത്ത്​ ഒ​ഴി​ഞ്ഞ കു​ടി​വെ​ള്ള കാ​നി​ന്‍റെ അ​ടി​യി​ൽ സൂ​ക്ഷി​ച്ച പ​ണ​പ്പൊ​തി മോ​ഷ്ടി​ക്കു​ക​യാ​യി​രു​ന്നു.

കു​ടി​വെ​ള്ള വി​ത​ര​ണ​ക്കാ​ർ​ക്ക്​ വേ​ണ്ടി​യാ​ണ്​ ഉ​ട​മ​സ്ഥ​ൻ കാ​ലി​യാ​യ കാ​നു​ക​ൾ​ക്കൊ​പ്പം പ​ണ​വും സൂ​ക്ഷി​ച്ചി​രു​ന്ന​ത്. ശ​നി​യാ​ഴ്ച രാ​ത്രി ഒ​ഴി​ഞ്ഞ കാ​നു​ക​ളും പ​ണ​വു​മെ​ടു​ത്ത്​ ഞാ​യ​റാ​ഴ്ച​യാ​ണ്​ ഇ​വ​ർ പു​തി​യ കാ​നു​ക​ൾ വി​ത​ര​ണം ചെ​യ്യാ​റ്​. ഇ​തു പ്ര​കാ​രം ഞാ​യ​റാ​ഴ്ച രാ​വി​ലെ​യെ​ത്തി​യ കു​ടി​വെ​ള്ള വി​ത​ര​ണ​ക്കാ​ര​ൻ ഭാ​ര്യ​യോ​ട്​ മു​ഴു​വ​ൻ പ​ണ​വും ആ​വ​ശ്യ​പ്പെ​ടു​ക​യാ​യി​രു​ന്നു.

ആ​ദ്യം ത​ർ​ക്കി​ച്ചെ​ങ്കി​ലും മു​ഴു​വ​ൻ പ​ണ​വും ന​ൽ​കേ​ണ്ടി​വ​ന്നു. വി​വ​ര​മ​റി​ഞ്ഞ വീ​ട്ടു​ട​മ​സ്ഥ​ൻ വീ​ട്ടി​ലെ സി.​സി കാ​മ​റ പ​രി​ശോ​ധി​ച്ച​പ്പോ​ഴാ​ണ്​ മോ​ഷ്ടാ​വി​ന്‍റെ ദൃ​ശ്യം ല​ഭി​ച്ച​ത്. പ​ണ​പ്പൊ​തി​യി​ൽ ഉ​ണ്ടാ​യി​രു​ന്ന അ​ഞ്ച്​ നോ​ട്ടു​ക​ളാ​ണ്​ മോ​ഷ്ടി​ച്ച​ത്. കു​റ​ച്ച്​ കോ​യി​നു​ക​ൾ മാ​ത്ര​മാ​ണ്​ ബാ​ക്കി​വെ​ച്ച​ത്. തു​ട​ർ​ന്ന് വി​വ​രം സെ​ക്യൂ​രി​റ്റി​യെ അ​റി​യി​ച്ചു. ഇ​ദ്ദേ​ഹം​ പോ​സ്റ്റ​റി​ലു​ണ്ടാ​യി​രു​ന്ന ന​മ്പ​റി​ൽ വി​ളി​ച്ചെ​ങ്കി​ലും ത​ന്‍റെ ജീ​വ​ന​ക്കാ​ര​ൻ അ​ത്ത​ര​ത്തി​ൽ പ്ര​വ​ർ​ത്തി​ക്കി​ല്ലെ​ന്നാ​യി​രു​ന്നു ക​മ്പ​നി​യി​ൽ​നി​ന്ന്​ ല​ഭി​ച്ച മ​റു​പ​ടി. പി​ന്നാ​ലെ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ സ​മാ​ന സം​ഭ​വം പ​ല​യി​ട​ങ്ങ​ളി​ലും ന​ട​ന്ന​താ​യി ശ്ര​ദ്ധ​യി​ൽ​പ്പെ​ട്ട​ത്. പ​ണം പോ​യ​തി​ല​ല്ല, ഇ​ത്ത​രം സം​ഭ​വ​ങ്ങ​ൾ ത​ന്നെ ഞെ​ട്ടി​ച്ച​താ​യി ഉ​ട​മ​സ്ഥ​ൻ പ​റ​ഞ്ഞു.