ലോകത്തിലെ ഏറ്റവും വലിയ ഖുർആനുമായി പാക്​ കലാകാരൻ

ദുബൈ: ​ലോകത്തിലെ ഏറ്റവും വലിയ ഖുർആൻ കാണാൻ ആഗ്രഹിക്കുന്നവർക്ക്​ എക്​സ്​പോ 2020യിലേക്ക്​ വരാം. പാകിസ്​താൻ കലാകാരൻ ഷാഹിദ്​ റസ്സാമാണ്​ മഹാമേളയിലേക്ക്​ ഖുർആനുമായി എത്തുന്നത്​.

8.5 അടി ഉയരവും 6.5 അടി വീതിയുമുള്ള ഖുർആനാണ്​ ഒരുക്കുന്നത്​. 550 പേജുള്ള ഖുർആ​െൻറ ഒരു പേജിൽ 150 വാക്കുകൾ ഉണ്ടാകും. കറാച്ചിയിൽ നിർമാണം പൂർത്തിയായി വരുന്നു. നിലവിൽ 6.74 അടി ഉയരവും 4.11 അടി വീതിയും 6.69 ഇഞ്ച്​ കട്ടിയുമുള്ള ഖുർആനാണ്​ ഗിന്നസ്​ റെക്കോഡിലുള്ളത്​. 552.74 കിലോ വരുന്ന ഇതിന്​ 632 പേജുകളുണ്ട്​. ഷാഹിദി​െൻറ ഖുർആൻ അലുമിനിയം കാൻവാസിലാണ്​ ഒരുങ്ങുന്നത്​. ഗോൾഡ്​ ​​േപ്ലറ്റ്​ ചെയ്​തായിരിക്കും അക്ഷരങ്ങൾ നിരത്തുക. ആദ്യമായാണ്​ ഗോൾഡ്​ ​േപ്ലറ്റ്​ ചെയ്​ത ഖുർആൻ ഇറക്കുന്നത്​ എന്നാണ്​ അവകാശവാദം. സാധാരണ, പേപ്പറിലോ തുണിയിലോ തുകലിലോ ആണ്​ ഖുർആൻ തയാറാക്കുന്നത്​. മുൻ യു.എ.ഇ പ്രവാസി കൂടിയാണ്​ ഷാഹിദ്​. നിരവധി അന്താരാഷ്​ട്ര പുരസ്​കാരങ്ങൾ നേടിയ കലാകാരനാണ്​ ഷാഹിദ്​ റസ്സാം. അഞ്ചു​ വർഷം മു​േമ്പ ഖുർആ​െൻറ ജോലികൾ ആരംഭിച്ചിരുന്നു. 2000ൽ അൽഐനിലെ യു.എ.ഇ യൂനിവേഴ്​സിറ്റിയിൽ നിന്ന്​ ആർട്ടിസ്​റ്റ്​ ഓഫ്​ ദ ഇയർ പുരസ്​കാരം നേടിയിരുന്നു. അലുമിനിയത്തിലും ഗോൾഡ്​ ​േപ്ലറ്റിലുമായി അല്ലാഹുവി​െൻറ 99 നാമങ്ങൾ എഴുതി ശ്രദ്ധേയനായിരുന്നു.

ദുബൈ കേന്ദ്രമായി പ്രവർത്തിക്കുന്ന പാകിസ്​താനി ബിസിനസുകാരൻ ഇർഫാൻ മുസ്​തഫയുടെ സഹായത്തോടെയാണ്​ ഷാഹിദി​െൻറ ഖുർആൻ എക്​സ്​പോയിൽ പ്രദർശിപ്പിക്കുന്നത്​.