റീ​ട്ടെ​യി​ൽ നി​ക്ഷേ​പ​ക​ർ​ക്ക്​ ഐ.​പി.​ഒ ഓ​ഹ​രി​ക​ൾ വ​ർ​ധി​പ്പി​ച്ച് ‘പാ​ർ​ക്കി​ൻ’

ദു​ബൈ: എ​മി​റേ​റ്റി​ലെ പൊ​തു പാ​ർ​ക്കി​ങ് സം​വി​ധാ​നം നി​യ​ന്ത്രി​ക്കു​ന്ന ‘പാ​ർ​ക്കി​ൻ’ ക​മ്പ​നി​യു​ടെ ഐ.​പി.​ഒ ഓ​ഹ​രി​ക​ളി​ൽ റീ​ട്ടെ​യി​​ൽ നി​ക്ഷേ​പ​ക​ർ​ക്ക്​ ല​ഭ്യ​മാ​ക്കു​ന്ന​വ​യു​ടെ എ​ണ്ണം വ​ർ​ധി​പ്പി​ച്ചു. അ​സാ​ധാ​ര​ണ​മാ​യ സ​ബ്​​സ്ക്രി​പ്​​ഷ​നും റീ​ട്ടെ​യി​​ൽ നി​ക്ഷേ​പ​ക​ർ കൂ​ടു​ത​ലാ​യി ആ​വ​ശ്യ​ക്കാ​രാ​യി എ​ത്തി​യ സാ​ഹ​ച​ര്യ​വും പ​രി​ഗ​ണി​ച്ചാ​ണ്​ ന​ട​പ​ടി സ്വീ​ക​രി​ച്ച​ത്.

സെ​ക്യൂ​രി​റ്റീ​സ് ആ​ൻ​ഡ് എ​ക്‌​സ്‌​ചേ​ഞ്ച് അ​തോ​റി​റ്റി​യു​ടെ (എ​സ്‌.​സി.​എ) അം​ഗീ​കാ​ര​ത്തോ​ടെ 89.96 കോ​ടി ഓ​ഹ​രി​ക​ളാ​യാ​ണ്​ ഐ.​പി.​ഒ വ​ർ​ധി​പ്പി​ച്ച​ത്. നേ​ര​ത്തേ ആ​കെ 74.97 കോ​ടി ഓ​ഹ​രി​ക​ളാ​ണ് റീ​ട്ടെ​യി​​ൽ നി​ക്ഷേ​പ​ക​ർ​ക്കാ​യി മാ​റ്റി​വെ​ച്ചി​രു​ന്ന​ത്​. ഇ​തോ​ടെ ആ​കെ ഓ​ഹ​രി​യു​ടെ 12 ശ​ത​മാ​നം ഓ​ഹ​രി​ക​ൾ വ​രെ റീ​ട്ടെ​യി​ൽ നി​ക്ഷേ​പ​ക​ർ​ക്ക് ല​ഭ്യ​മാ​ക്കും.

ക​മ്പ​നി​യു​ടെ 24.99 ശ​ത​മാ​നം ഓ​ഹ​രി​ക​ളാ​ണ് ഐ.​പി.​ഒ വ​ഴി ദു​ബൈ ഫി​നാ​ൻ​ഷ്യ​ൻ മാ​ർ​ക്ക​റ്റി​ലെ​ത്തു​ന്ന​ത്. ദു​ബൈ​യി​ലെ റോ​ഡ് ടോ​ൾ പി​രി​ക്കു​ന്ന സം​വി​ധാ​ന​മാ​യ സാ​ലി​ക്കി​നും ദു​ബൈ ടാ​ക്സി കോ​ർ​പ​റേ​ഷ​നും പി​ന്നാ​ലെ​യാ​ണ്​ പാ​ർ​ക്കി​ൻ ക​മ്പ​നി​യു​ടെ ഓ​ഹ​രി​ക​ളും വി​ൽ​പ​ന​ക്കു​വെ​ച്ച​ത്.

മാ​ർ​ച്ച് അ​ഞ്ചു മു​ത​ൽ 12 വ​രെ​യാ​ണ് പാ​ർ​ക്കി​ൻ ക​മ്പ​നി​യു​ടെ ഓ​ഹ​രി​ക​ൾ സ്വ​ന്ത​മാ​ക്കാ​ൻ അ​വ​സ​രം ന​ൽ​കി​യി​രു​ന്ന​ത്. ഇ​തി​നാ​യി വ​ലി​യ രീ​തി​യി​ൽ റീ​ട്ടെ​യി​​ൽ നി​ക്ഷേ​പ​ക​ർ എ​ത്തി​യ സാ​ഹ​ച​ര്യ​ത്തി​ലാ​ണ്​ ഓ​ഹ​രി​ക​ളു​ടെ എ​ണ്ണം വ​ർ​ധി​പ്പി​ക്കാ​ൻ തീ​രു​മാ​നി​ച്ച​ത്. നി​ല​വി​ൽ റീ​ട്ടെ​യി​​ൽ നി​ക്ഷേ​പ​ക​ർ​ക്ക്​ ഓ​ഹ​രി വാ​ങ്ങാ​നു​ള്ള സ​മ​യ​പ​രി​ധി പി​ന്നി​ട്ടു​ണ്ട്.

ഈ​വ​ർ​ഷം ജ​നു​വ​രി​യി​ലാ​ണ് പ​ബ്ലി​ക് ജോ​യ​ന്‍റ് സ്റ്റോ​ക് ക​മ്പ​നി​യാ​യി ‘പാ​ർ​ക്കി​ൻ’ സ്ഥാ​പി​ത​മാ​യ​ത്. 2024ൽ ​യു.​എ.​ഇ പ്ര​ഖ്യാ​പി​ക്ക​പ്പെ​ടു​ന്ന ആ​ദ്യ ഐ.​പി.​ഒ പാ​ർ​ക്കി​ൻ ക​മ്പ​നി​യു​ടേ​താ​ണ്. മാ​ർ​ച്ച് 21ന് ​ക​മ്പ​നി ഓ​ഹ​രി​ക​ൾ ദു​ബൈ ഫി​നാ​ൻ​ഷ്യ​ൽ മാ​ർ​ക്ക​റ്റി​ൽ ലി​സ്റ്റ് ചെ​യ്തു​തു​ട​ങ്ങും.