അബൂദബിയിലെ പാർക്കിങ്, ടോൾഗേറ്റ് നിയന്ത്രണം ക്യൂ മൊബിലിറ്റിക്ക്

അ​ബൂ​ദ​ബി: ദു​ബൈ​യി​ൽ ടോ​ൾ ഗേ​റ്റു​ക​ൾ നി​യ​ന്ത്രി​ക്കാ​ൻ സാ​ലി​ക്​ ക​മ്പ​നി സ്ഥാ​പി​ച്ച പോ​ലെ അ​ബൂ​ദ​ബി​യി​ലെ ടോ​ള്‍ ഗേ​റ്റും (ദ​ര്‍ബ്) പാ​ര്‍ക്കി​ങ്ങും (മ​വാ​ഖി​ഫ്) നി​യ​ന്ത്രി​ക്കാ​ന്‍ ക്യൂ ​മൊ​ബി​ലി​റ്റി എ​ന്ന പേ​രി​ല്‍ പു​തി​യ ക​മ്പ​നി ആ​രം​ഭി​ച്ചു. ടോ​ള്‍, പാ​ര്‍ക്കി​ങ് എ​ന്നി​വ​യു​ടെ ന​ട​ത്തി​പ്പ്, പ്ര​വ​ര്‍ത്ത​നം, വി​ക​സ​നം എ​ന്നി​വ​യു​ടെ നി​യ​ന്ത്ര​ണം ഇ​നി ക്യൂ ​മൊ​ബി​ലി​റ്റി​ക്കാ​യി​രി​ക്കും.

അ​ബൂ​ദ​ബി ആ​സ്ഥാ​ന​മാ​യി പ്ര​വ​ര്‍ത്തി​ക്കു​ന്ന ഇ​ന്‍വെ​സ്റ്റ്‌​മെ​ന്‍റ്​ ആ​ന്‍ഡ് ഹോ​ള്‍ഡി​ങ് ക​മ്പ​നി​യാ​യ എ.​ഡി.​ക്യൂ​വി​ന്‍റെ ഭാ​ഗ​മാ​ണ് ക്യൂ ​മൊ​ബി​ലി​റ്റി. അ​ബൂ​ദ​ബി വി​മാ​ന​ത്താ​വ​ള​ങ്ങ​ള്‍, അ​ബൂ​ദ​ബി പോ​ര്‍ട്‌​സ് ഗ്രൂ​പ്, ഇ​ത്തി​ഹാ​ദ് എ​യ​ര്‍വെ​യ്സ്, വി​സ് എ​യ​ര്‍ അ​ബൂ​ദ​ബി, ഇ​ത്തി​ഹാ​ദ് റെ​യി​ല്‍ എ​ന്നി​വ​യു​ടെ ഗ​താ​ഗ​ത, ലോ​ജി​സ്റ്റി​ക്‌​സ് ചു​മ​ത​ല എ.​ഡി.​ക്യൂ​വി​നാ​ണ്. ഇ​ന്‍റ​ഗ്രേ​റ്റ​ഡ് ട്രാ​ന്‍സ്പോ​ര്‍ട്ട് സെ​ന്‍റ​റി​ന്‍റെ (അ​ബൂ​ദ​ബി മൊ​ബി​ലി​റ്റി) കീ​ഴി​ലാ​ണ് ക്യൂ ​മൊ​ബി​ലി​റ്റി പ്ര​വ​ര്‍ത്തി​ക്കു​ക. മി​ക​ച്ച​തും സു​സ്ഥി​ര​വു​മാ​യ ഗ​താ​ഗ​ത പ​രി​ഹാ​ര​ങ്ങ​ള്‍ ന​ല്‍കു​ക​യാ​ണ് ല​ക്ഷ്യം.

പൊ​തു​ഗ​താ​ഗ​ത ഉ​പ​യോ​ഗം പ്രോ​ത്സാ​ഹി​പ്പി​ക്കാ​നും ഗ​താ​ഗ​ത​ക്കു​രു​ക്ക് കു​റ​ക്കാ​നും ല​ക്ഷ്യ​മി​ട്ട് 2021ലാ​ണ് ഡാ​ര്‍ബ് ടോ​ള്‍ ആ​രം​ഭി​ച്ച​ത്. നി​ല​വി​ല്‍ എ​ട്ട് ഗേ​റ്റു​ക​ളാ​ണ് ഡാ​ര്‍ബ് ടോ​ളി​നു​ള്ള​ത്. ഡി​ജി​റ്റ​ല്‍ സാ​ങ്കേ​തി​ക​വി​ദ്യ​ക​ളു​ടെ സ​ഹാ​യ​ത്തോ​ടെ പൊ​തു പാ​ര്‍ക്കി​ങ് സം​വി​ധാ​നം കാ​ര്യ​ക്ഷ​മ​മാ​ക്കാ​ന്‍ 2009ലാ​ണ് മ​വാ​ഖി​ഫ് സ്ഥാ​പി​ച്ച​ത്. മ​വാ​ഖി​ഫ്​ സം​വി​ധാ​നം പൂ​ർ​ണ​മാ​യും ഡി​ജി​റ്റ​ൽ​വ​ത്​​ക​രി​ച്ചി​ട്ടു​ണ്ട്. ഇ​തു​വ​ഴി​ മൊ​ബൈ​ൽ ഫോ​ൺ ഉ​പ​യോ​ഗി​ച്ച്​ പേ​​മെ​ന്‍റ്​ ന​ട​ത്തു​ന്ന​തി​നും ദ​ർ​ബ്​ സ്​​മാ​ർ​ട്ട്​ ആ​പ്ലി​ക്കേ​ഷ​നു​മാ​യി സം​യോ​ജി​പ്പി​ക്കു​ന്ന​തി​നും സാ​ധി​ക്കും.

അ​തേ​സ​മ​യം, ഈ ​മാ​റ്റം എ​മി​റേ​റ്റി​ലെ ടോ​ൾ ഗേ​റ്റു​ക​ളു​ടെ​യും പാ​ർ​ക്കി​ങ്​ സം​വി​ധാ​ന​ങ്ങ​ളു​ടെ​യും പ്ര​വ​ർ​ത്ത​ന​ത്തെ ബാ​ധി​ക്കി​ല്ലെ​ന്ന്​ അ​ബൂ​ദ​ബി മൊ​ബി​ലി​റ്റി അ​റി​യി​ച്ചു. ഉ​പ​ഭോ​ക്താ​ക്ക​ൾ​ക്ക്​ മി​ക​ച്ച അ​നു​ഭ​വ​വും ത​ട​സ്സ​മി​ല്ലാ​ത്ത സേ​വ​ന​വും ഉ​റ​പ്പു​വ​രു​ത്തു​ന്ന​തി​നാ​യി ഇ​ന്‍റ​​ഗ്രേ​റ്റ​ഡ്​ ട്രാ​ൻ​സ്​​പോ​ർ​ട്ട്​ സെ​ന്‍റ​ർ (ഐ.​ടി.​സി) എ.​ഡി.​ക്യൂ​യു​മാ​യി ചേ​ർ​ന്ന്​ പ്ര​വ​ർ​ത്തി​ക്കു​മെ​ന്ന്​ ഡ​യ​റ​ക്ട​ർ ജ​ന​റ​ൽ അ​ബ്​​ദു​ല്ല അ​ൽ മ​ർ​സൂ​ഖി പ​റ​ഞ്ഞു. മു​നി​സി​പ്പാ​ലി​റ്റി, ട്രാ​ൻ​സ്​​പോ​ർ​ട്ട്​ ഡി​പ്പാ​ർ​ട്​​മെ​ന്‍റി​ന്‍റെ മേ​ൽ​നോ​ട്ട​ത്തി​ലാ​യി​രി​ക്കും ക്യൂ ​മൊ​ബി​ലി​റ്റി പ്ര​വ​ർ​ത്തി​ക്കു​ക.

മ​വാ​ഖി​ഫ് സം​വി​ധാ​ന​ത്തി​നു കീ​ഴി​ലു​ള്ള പൊ​തു പാ​ര്‍ക്കി​ങ് മേ​ഖ​ല​ക​ളി​ല്‍ രാ​വി​ലെ എ​ട്ടു​മു​ത​ല്‍ പു​ല​ര്‍ച്ച 12 വ​രെ​യാ​ണ് പെ​യ്ഡ് പാ​ര്‍ക്കി​ങ് സൗ​ക​ര്യ​മു​ള്ള​ത്. ഞാ​യ​റാ​ഴ്ച​ക​ളി​ലും പൊ​തു അ​വ​ധി ദി​വ​സ​ങ്ങ​ളി​ലും ഇ​വി​ടെ പാ​ര്‍ക്കി​ങ് സൗ​ജ​ന്യ​മാ​ണ്. പ്രീ​മി​യം (വെ​ള്ള​യും നീ​ല​യും), സ്റ്റാ​ന്‍ഡേ​ര്‍ഡ് (ക​റു​പ്പും നീ​ല​യും)​എ​ന്നി​ങ്ങ​നെ ര​ണ്ടു​ത​രം പാ​ര്‍ക്കി​ങ് ആ​ണ് നി​ല​വി​ലു​ള്ള​ത്. പ്രീ​മി​യം കാ​റ്റ​ഗ​റി​യി​ല്‍ മ​ണി​ക്കൂ​റി​ല്‍ മൂ​ന്ന് ദി​ര്‍ഹ​മാ​ണ് ഫീ​സ്.