രണ്ടാഴ്ചവരെ പാർക്കിങ്; ദുബൈ വിമാനത്താവളത്തിൽ നിരക്കിളവ്
text_fieldsദുബൈ: പാർക്കിങ് ഫീസിൽ നിരക്കിളവ് പ്രഖ്യാപിച്ച് ദുബൈ അന്താരാഷ്ട്ര വിമാനത്താവളം. കുറഞ്ഞ നിരക്കിൽ യാത്രക്കാർക്ക് രണ്ടാഴ്ചവരെ വാഹനം പാർക്ക് ചെയ്യാനുള്ള സൗകര്യമാണ് ഒരുക്കിയിട്ടുള്ളത്. ആഗസ്റ്റ് 15 മുതൽ സെപ്റ്റംബർ 15 വരെയാണ് നിരക്കിളവ്. മൂന്നു ദിവസത്തേക്ക് 100 ദിർഹമാണ് ഫീസ്.
ഒരാഴ്ചത്തേക്ക് 200 ദിർഹവും രണ്ടാഴ്ചത്തേക്ക് 300 ദിർഹവും ഈടാക്കും. ടെർമിനൽ ഒന്നിലെ പാർക്കിങ് ബി, ടെർമിനൽ രണ്ട്, മൂന്ന് എന്നിവിടങ്ങളിലാണ് ഡിസ്കൗണ്ട് ബാധകമായിട്ടുള്ളത്. ദുബൈ വിമാനത്താവളം വഴി യാത്ര ചെയ്യുന്ന സന്ദർശകർക്ക് മികച്ച യാത്രാനുഭവം സമ്മാനിക്കാൻ ലക്ഷ്യമിട്ടാണ് പുതിയ ഡിസ്കൗണ്ട് പ്രഖ്യാപിച്ചതെന്ന് അധികൃതർ അറിയിച്ചു.
ദുബൈ വിമാനത്താവളം വഴി ദീർഘ സമയത്തേക്ക് യാത്ര ചെയ്യുന്നവർക്ക് കുറഞ്ഞ ചെലവിൽ സുരക്ഷിതമായി വാഹനം പാർക്ക് ചെയ്യാൻ പുതിയ നിരക്കിളവ് സഹായകമാകും. സുരക്ഷിത പാർക്കിങ് സൗകര്യമാണ് ഇതിനായി ദുബൈ വിമാനത്താവളം ഒരുക്കിയിട്ടുള്ളത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.