അബൂദബിയില്‍ പാര്‍ക്കിങ് ടിക്കറ്റുകള്‍ കടലാസ് രഹിതമാക്കുന്നു

അ​ബൂ​ദ​ബി: പാ​ര്‍ക്കി​ങ് ടി​ക്ക​റ്റു​ക​ള്‍ ക​ട​ലാ​സു​ര​ഹി​ത​മാ​ക്കാ​ന്‍ ന​ട​പ​ടി​ക​ളാ​യ​താ​യി അ​ബൂ​ദ​ബി. എ​മി​റേ​റ്റി​ലെ എ​ല്ലാ പാ​ര്‍ക്കി​ങ് പേ​മെ​ന്‍റ്​ മെ​ഷീ​നു​ക​ളും 5ജി ​സ്മാ​ര്‍ട്ട് സം​വി​ധാ​ന​ത്തി​ലേ​ക്ക് മാ​റു​ന്ന​തി​ന്‍റെ ഭാ​ഗ​മാ​യാ​ണ്​ ന​ട​പ​ടി​യെ​ന്ന്​ അ​ബൂ​ദ​ബി ന​ഗ​ര, ഗ​താ​ഗ​ത വ​കു​പ്പി​നു കീ​ഴി​ലെ സം​യോ​ജി​ത ഗ​താ​ഗ​ത കേ​ന്ദ്രം അ​റി​യി​ച്ചു. സെ​ന്‍ട്ര​ല്‍ പാ​ര്‍ക്കി​ങ് മാ​നേ​ജ്‌​മെ​ന്‍റ് സം​വി​ധാ​ന​വു​മാ​യി നേ​രി​ട്ട് ബ​ന്ധി​പ്പി​ച്ച​താ​ണ് ഓ​രോ പാ​ര്‍ക്കി​ങ് പേ​മെ​ന്‍റ് മെ​ഷീ​നു​ക​ളും. അ​പ്‌​ഗ്രേ​ഡ് ചെ​യ്ത മെ​ഷീ​നു​ക​ളി​ല്‍നി​ന്ന് ഇ- ​ടി​ക്ക​റ്റു​ക​ളാ​ണ്​ ല​ഭി​ക്കു​ക. പേ​പ്പ​ര്‍ ടി​ക്ക​റ്റു​ക​ള്‍ ന​ല്‍കു​ന്ന രീ​തി ഇ​തോ​ടെ ഇ​ല്ലാ​താ​വും. ഡി​ജി​റ്റ​ല്‍ സ്‌​ക്രീ​നി​ലൂ​ടെ ഏ​താ​നും ചി​ല ന​ട​പ​ടി​ക​ള്‍ പൂ​ര്‍ത്തി​യാ​ക്കി​യാ​ല്‍ ഉ​പ​യോ​ക്താ​വി​ന് ഡി​ജി​റ്റ​ല്‍ പാ​ര്‍ക്കി​ങ് ടി​ക്ക​റ്റ് ല​ഭി​ക്കും.

പാ​ര്‍ക്കി​ങ് കാ​റ്റ​ഗ​റി, വാ​ഹ​ന​ത്തെ​ക്കു​റി​ച്ചു​ള്ള വി​വ​ര​ങ്ങ​ള്‍, എ​ത്ര​സ​മ​യ​ത്തേ​ക്കാ​ണ് പാ​ര്‍ക്കി​ങ്, മ​വാ​ഖി​ഫ് കാ​ര്‍ഡ്‌, ക്യാ​ഷ്, ക്രെ​ഡി​റ്റ് അ​ല്ലെ​ങ്കി​ല്‍ ഡെ​ബി​റ്റ് കാ​ര്‍ഡു​ക​ളി​ല്‍ ഏ​താ​ണ് ഉ​പ​യോ​ഗി​ക്കു​ന്ന​ത് തു​ട​ങ്ങി​യ വി​വ​ര​ങ്ങ​ളാ​ണ് ന​ല്‍കേ​ണ്ട​ത്. 1200ലേ​റെ പാ​ര്‍ക്കി​ങ് പേ​മെ​ന്‍റ് ഉ​പ​ക​ര​ണ​ങ്ങ​ളി​ലാ​ണ് 5ജി ​സാ​ങ്കേ​തി​ക​വി​ദ്യ ഇ​ന്‍സ്റ്റാ​ള്‍ ചെ​യ്യു​ന്ന​ത്. ഈ ​വ​ര്‍ഷം അ​വ​സാ​ന​ത്തോ​ടെ ന​ട​പ​ടി പൂ​ര്‍ത്തീ​ക​രി​ക്കു​മെ​ന്നും അ​ധി​കൃ​ത​ര്‍ അ​റി​യി​ച്ചു.