ഡെലിവറി വാഹനങ്ങളുടെ നിയമലംഘനത്തിന്​ പിഴ

ദുബൈ: കോവിഡ്​ കാലം ദുബൈ നിരത്തുകളിൽ ഡെലിവറി വാഹനങ്ങളുടെ എണ്ണം വർധിപ്പിച്ചു​.ചീറിപ്പായുന്ന ഡെലിവറി ബൈക്കുകളെ നിയന്ത്രിക്കാനും സുരക്ഷ ഉറപ്പാക്കാനും നിയമലംഘനങ്ങൾക്ക്​ പിഴ ഏർപ്പെടുത്തിയിരിക്കയാണ്​ റോഡ്​ ഗതാഗത അതോറിറ്റി. ​നിയമലംഘനത്തിന്​​ ബൈക്ക്​ ഓടിക്കുന്നയാൾക്ക്​ 700 ദിർഹം വരെ പിഴചുമത്തും.എന്നാൽ ഡെലിവറി കമ്പനിക്കാണ്​ കൂടുതൽ പിഴ ചുമത്തുക.

​പ്രധാന നിയമലംഘനങ്ങളുടെ പിഴ

അതിവേഗ പാതയിൽ (ഇടത് പാത) ഓടിച്ചാൽ റൈഡർക്ക് 700 ദിർഹം പിഴ.

വേഗം മണിക്കൂറിൽ 100 കിലോമീറ്ററിൽ കൂടിയാൽ സ്​ഥാപനത്തിന്​ 2000 ദിർഹം.

ആർ‌.ടി.‌എ അംഗീകരിച്ച ആശയവിനിമയ ഉപകരണങ്ങളോ സംവിധാനമോ ഇല്ലെങ്കിൽ ഓരോ വാഹനത്തിനും 500 ദിർഹം വീതം പിഴ.

ഡെലിവറി വാഹനങ്ങൾ അനധികൃത ആവശ്യങ്ങൾക്കായി

ഉപയോഗിച്ചാൽ 4,000 ദിർഹം പിഴ

ട്രാഫിക്, റോഡ്​, പൊതു സുരക്ഷ, ആരോഗ്യ നിയമലംഘനങ്ങൾക്ക്​ റൈഡർക്ക്​ 700 ദിർഹം പിഴ

നിരോധിത ഇനങ്ങൾ‌ വിതരണം ചെയ്​താൽ റൈഡർക്ക്​

700 ദിർഹം പിഴ

ആർ‌.ടി.‌എ അനുമതി ഇല്ലാതെ ബൈക്കുകളിൽ പരസ്യങ്ങൾ സ്ഥാപിച്ചാൽ സ്ഥാപനങ്ങൾക്ക് 5,000 ദിർഹം പിഴ