കീടങ്ങളെ തുരുത്താം

ഭക്ഷണ ശാലകളിലെ പ്രധാന വില്ലൻമാരാണ്​ കീടങ്ങൾ. പാറ്റയും എലിയും എട്ടുകാലിയും ഈച്ചയും ഉറുമ്പും കൊതുകുമെല്ലാം ഹോട്ടലുകാരുടെ കഞ്ഞികുടി മുട്ടിക്കാൻ 'കരുത്തുള്ള' കീടങ്ങളാണ്​. ദുബൈ മുനിസിപ്പാലിറ്റി ഉദ്യോഗസ്​ഥർ പരിശോധനക്കെത്തു​േമ്പാൾ അടുക്കളയുടെ മൂലയിലൂടെ കുഞ്ഞൻ എലി പാഞ്ഞുപോയാൽ ചിലപ്പോൾ ഹോട്ടൽ തന്നെ അടച്ചുപൂ​േട്ടണ്ടി വരും.

മാത്രമല്ല, ഇവ രോഗങ്ങളിലേക്ക്​ നയിക്കുകയും ഉപഭോക്​താക്കൾ കൈയൊഴിയാൻ കാരണമാകുകയും ചെയ്യും. ദുബൈ മുനിസിപ്പാലിറ്റി മുന്നോട്ടുവെക്കുന്ന പെസ്​റ്റ്​ കൺട്രോൾ നയങ്ങൾ കൃത്യമായി നടപ്പാക്കിയാൽ കീടങ്ങളെല്ലാം പമ്പ കടക്കും​. ഈ നയങ്ങൾ അനുസരിച്ചാൽ രണ്ടുണ്ട്​ ഗുണം. ഒന്ന്​ കീടങ്ങളെ അകറ്റിനിർത്താം, രണ്ട്​ ശിക്ഷാനടപടികളിൽ നിന്ന്​ ഒഴിവാകാം. ഇതിനായി ശ്രദ്ധിക്കേണ്ട ചില കാര്യങ്ങൾ നോക്കാം:

വ്യവസായ ഉദ്ദേശത്തോടുകൂടി നടത്തുന്ന എല്ലാ അടുക്കളകളും കീടങ്ങളെ നിയന്ത്രിക്കുന്നതിനായി (പെസ്​റ്റ്​ കൺട്രോൾ) ദുബൈ മുനിസിപ്പാലിറ്റിയുടെ അംഗീകൃത സ്ഥാപനവുമായി കരാർ ഉണ്ടാക്കണം. അവർ രണ്ടു തവണയെങ്കിലും സന്ദർശിക്കുകയും ആവശ്യമായ നിർദ്ദേശങ്ങൾ നൽകുകയും കീടനശീകരണ പ്രക്രിയ നടത്തുകയും ചെയ്യണം.

അംഗീകൃത പെസ്​റ്റ്​ കൺട്രോൾ സ്​ഥാപനങ്ങളുടെ പട്ടിക മുനിസിപ്പാലിറ്റി വെബ്​സൈറ്റിൽ പ്രസിദ്ധീകരിച്ചിട്ടുണ്ട്​

അംഗീകൃതമല്ലാത്ത സ്​ഥാപനങ്ങളുമായുണ്ടാക്കുന്ന കരാറിന്​ സാധുതയില്ല

മുനിസിപ്പാലിറ്റിയുടെ പരിശോധന സമയത്ത്​ എലിയെയോ എലിയുണ്ടെന്നു വരുത്തുന്ന അടയാളങ്ങളോ കണ്ടെത്തിയാൽ സ്​ഥാപനം അടച്ചുപൂ​​േട്ടണ്ടി വരും. വൻ തുക പിഴ വേറെയും.

എലി, പാറ്റ, ഈച്ച തുടങ്ങിയവ ഉള്ള സ്​ഥാപനങ്ങളെ ഉപഭോക്​താക്കൾ കൈയൊഴിയും