ജയിൽമോചിതരാകുന്നവരുടെ പുനരധിവാസത്തിന്​ പദ്ധതി

റാ​സ​ല്‍ഖൈ​മ: ത​ട​വി​ല്‍ ക​ഴി​യു​ന്ന​വ​രു​ടെ ശി​ക്ഷ കാ​ലാ​വ​ധി ക​ഴി​യു​ന്ന മു​റ​ക്ക് പു​ന​ര​ധി​വാ​സ​ത്തി​ന് പ​ദ്ധ​തി ഒ​രു​ക്കാ​ൻ രൂ​പ​രേ​ഖ ത​യാ​റാ​ക്കു​മെ​ന്ന് റാ​ക് ജ​യി​ല്‍ വ​കു​പ്പ്. റാ​ക് പൊ​ലീ​സ് മേ​ധാ​വി അ​ലി അ​ബ്​​ദു​ല്ല അ​ല്‍വാ​ന്‍ നു​ഐ​മി​യു​ടെ ജ​യി​ല്‍ വ​കു​പ്പ് ഓ​ഫി​സ് സ​ന്ദ​ര്‍ശ​ന​വേ​ള​യി​ല്‍ ന​ട​ന്ന ച​ര്‍ച്ച​യി​ലാ​ണ് ഇ​ക്കാ​ര്യം ജ​യി​ല്‍ വ​കു​പ്പ് മേ​ധാ​വി ബ്രി​ഗേ​ഡി​യ​ര്‍ ജ​ന​റ​ല്‍ ഹ​മ​ദ് ഖ​മീ​സ് അ​ല്‍ ദ​ഹെ​രി വി​ശ​ദീ​ക​രി​ച്ച​ത്.

ശി​ക്ഷ അ​നു​ഭ​വി​ച്ച് ഇ​റ​ങ്ങു​ന്ന​വ​രെ സ​മൂ​ഹ​ത്തി​നൊ​പ്പം ചേ​ര്‍ത്തു​നി​ര്‍ത്താ​ന്‍ സ​ഹാ​യി​ക്കു​ന്ന​താ​ണ് പ​ദ്ധ​തി. വി​വി​ധ കേ​സു​ക​ളി​ല്‍ ശി​ക്ഷ അ​നു​ഭ​വി​ക്കു​ന്ന​തി​നൊ​പ്പം അ​വ​രു​ടെ ക​ര​വി​രു​തി​ല്‍ വി​വി​ധ ഉ​ല്‍പ​ന്ന​ങ്ങ​ള്‍ ജ​യി​ലി​ല്‍ നി​ര്‍മി​ക്കു​ന്നു​ണ്ട്. ഇ​ത് ത​ട​വു​കാ​രു​ടെ വ​രു​മാ​ന സ്രോ​ത​സ്സ്​ കൂ​ടി​യാ​ണ്. ജ​യി​ല്‍വാ​സം ക​ഴി​ഞ്ഞി​റ​ങ്ങു​മ്പോ​ള്‍ കു​ടും​ബ​ത്തി​നും സ​മൂ​ഹ​ത്തി​നും മു​ന്നി​ല്‍ മാ​തൃ​കാ​പ​ര​മാ​യ വ്യ​ക്തി​ത്വ​ങ്ങ​ളാ​യി മാ​റ്റും​വി​ധം ശി​ക്ഷ​ണ​പ​രി​ശീ​ല​ന​വും ജ​യി​ലി​ല്‍ ന​ല്‍കു​ന്നു​ണ്ട്.

ശി​ക്ഷ കാ​ല​യ​ള​വ് ക​ഴി​യു​ന്ന ത​ട​വു​കാ​രെ സ​മൂ​ഹ​ത്തി‍െൻറ ഭാ​ഗ​മാ​ക്കേ​ണ്ട​ത് ആ​ഭ്യ​ന്ത​ര മ​ന്ത്രാ​ല​യ​ത്തി‍െൻറ പ്ര​ഖ്യാ​പി​ത ന​യ​മാ​ണെ​ന്ന് റാ​ക് പൊ​ലീ​സ് മേ​ധാ​വി അ​ലി അ​ബ്​​ദു​ല്ല പ​റ​ഞ്ഞു. കോ​വി​ഡ്​ വ്യാ​പ​ന​ത്തി​നെ​തി​രെ ജ​യി​ലി​ല്‍ നി​ഷ്ക​ര്‍ഷി​ച്ച ന​ട​പ​ടി​ക​ള്‍ പ്ര​ശം​സാ​ര്‍ഹ​മാ​ണെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.

ജി.​ആ​ര്‍.​എ ഡ​യ​റ​ക്ട​ര്‍ ബ്രി​ഗേ​ഡി​യ​ര്‍ ജ​ന​റ​ല്‍ ജ​മാ​ല്‍ അ​ഹ​മ്മ​ദ് അ​ല്‍ ത​യ്ര്‍, ജ​യി​ല്‍ വ​കു​പ്പ് ഡ​യ​റ​ക്ട​ര്‍ ബ്രി​ഗേ​ഡി​യ​ര്‍ യാ​ക്കൂ​ബ് യൂ​സ​ഫ് അ​ബു​ലൈ​ല തു​ട​ങ്ങി​യ​വ​ര്‍ സം​ബ​ന്ധി​ച്ചു.