തൊഴിലാളികൾക്ക്​ ഭക്ഷണവും കുടയും വിതരണം ചെയ്​ത്​ പൊലീസ്​

ദുബൈ: പൊരിവെയിലിൽ ​ജോലിചെയ്യുന്ന തൊഴിലാളികൾക്ക്​ ഭക്ഷണവും തലയിൽവെക്കുന്ന കുടയും വിതരണം ചെയ്​ത്​ ദുബൈ പൊലീസ്​. ​

സ്​പിരിറ്റ്​ ഓഫ്​ ദ യൂനിയൻ വളൻറിയേഴ്​സുമായി സഹകരിച്ച്​ ഹത്ത പൊലീസാണ്​​ 100 തൊഴിലാളികൾക്ക്​ കുടകളും ഭക്ഷണപ്പൊതികളും നൽകിയത്​. സമൂഹത്തി​െൻറയും തൊഴിലാളികളുടെയും സന്തോഷം ഉറപ്പുവരുത്താൻ പൊലീസ്​ എപ്പോഴും പ്രതിജ്​ഞാബദ്ധമാണെന്ന്​ ഹത്ത പൊലീസ്​ സ്​റ്റേഷൻ ഡയറക്​ടർ കേണൽ മുബാറക്​ അൽ കെത്​ബി പറഞ്ഞു.

ഇത്തരം സംരംഭങ്ങൾ സമൂഹത്തിലെ അംഗങ്ങൾക്കിടയിൽ മനുഷ്യബന്ധങ്ങൾ ശക്തിപ്പെടുത്താനും സമൂഹ സുരക്ഷ ഉറപ്പാക്കാനും ലക്ഷ്യമിടുന്നതായും അദ്ദേഹം പറഞ്ഞു.