ബാ​ച്​ലർ മു​റി​ക​ളി​ൽ അ​ര​ങ്ങു​വാ​ണ് അ​ന്തി​ച്ച​ർ​ച്ച​ക​ൾ

നാ​ട്ടി​ൽ തെ​ര​ഞ്ഞെ​ടു​പ്പ് ആ​വേ​ശം പ​ര​കോ​ടി​യി​ലെ​ത്തി നി​ൽ​ക്കു​മ്പോ​ൾ പ്ര​വാ​സ​ലോ​ക​ത്തും ഭി​ന്ന​മ​ല്ല കാ​ര്യ​ങ്ങ​ൾ. ചാ​ന​ൽ ച​ർ​ച്ച​ക​ളി​ലെ പോ​രു​ക​ളൊ​ക്കെ എ​ന്ത് എ​ന്ന് തോ​ന്നി​പ്പോ​കും പ്ര​വാ​സി​ക​ൾ തി​ങ്ങി​ത്താ​മ​സി​ക്കു​ന്ന ബാ​ച്ച്ല​ർ മു​റി​ക​ളി​ലെ അ​ന്തി​ച്ച​ർ​ച്ച​ക​ൾ ക​ണ്ടാ​ൽ. ഫേ​സ്ബു​ക്കി​ല​ല്ല, ഫേ​സ് ടു ​ഫേ​സാ​യാ​ണ് പ്ര​വാ​സി യു​വാ​ക്ക​ളു​ടെ പോ​രും അ​വ​കാ​ശ​വാ​ദ​ങ്ങ​ളും ന്യാ​യീ​ക​ര​ണ​ങ്ങ​ളു​മെ​ല്ലാം. അ​ൽ​ഐ​ൻ സ​നാ​ഇ​യ്യ​യി​ലെ ഇൗ ​ബാ​ച്ച്​​ല​ർ മു​റി​യി​ൽ ച​ർ​ച്ച തു​ട​ങ്ങി​യാ​ൽ അ​ത് എ​പ്പോ​ൾ തീ​രു​മെ​ന്ന കാ​ര്യ​ത്തി​ൽ ഒ​രു പി​ടി​യു​മു​ണ്ടാ​കി​ല്ല, അ​ത്ത​ര​ത്തി​ലാ​ണ് ഇ​വി​ടെ തെ​ര​ഞ്ഞെ​ടു​പ്പ് ആ​വേ​ശം.

നാ​ട്ടി​ൽ തെ​ര​ഞ്ഞെ​ടു​പ്പ് ചൂ​ട് ഏ​റി​ക്കൊ​ണ്ടി​രി​ക്കു​മ്പോ​ൾ പ്ര​വാ​സി​ക​ൾ​ക്കു​ണ്ടോ ഇ​രി​ക്ക​പ്പൊ​റു​തി​യെ​ന്നാ​ണ് മു​റി​യി​ലെ റി​യാ​സ് കെ.​പി. രാ​ങ്ങാ​ട്ടൂ​രിെൻറ ആ​ദ്യ ക​മ​ൻ​റ് ത​ന്നെ. ശ​രീ​രം ഇ​വി​ടെ​യാ​ണ​ങ്കി​ലും മ​ന​സ്സ് മു​ഴു​വ​ൻ നാ​ട്ടി​ലാ​ണ്. ഫി​റോ​സ് കു​ന്നം​പ​റ​മ്പി​ലി​നെ ഏ​റെ ഇ​ഷ്‌​ട​പ്പെ​ടു​ന്ന റി​യാ​സി​നു പ​േ​ക്ഷ അ​ദ്ദേ​ഹം മ​ത്സ​ര​രം​ഗ​ത്തു വ​ന്ന​ത് തീ​രെ ഇ​ഷ്‌​ട​പ്പെ​ട്ടി​ട്ടി​ല്ല. പ​ല​പ്പോ​ഴും സ​ഹാ​യ​ങ്ങ​ൾ എ​ത്തി​ക്കാ​റു​ള്ള ഫി​റോ​സ് ഇ​പ്പോ​ൾ ചെ​യ്യു​ന്ന​ത് ചാ​രി​റ്റി​യോ​ടു​ള്ള നീ​തി​കേ​ടാ​യാ​ണ് ക​രു​തു​ന്ന​ത്. കെ.​ടി. ജ​ലീ​ലി​നെ ഏ​റെ ഇ​ഷ്‌​ട​പ്പെ​ടു​ന്ന​യാ​ളാ​ണ് റി​യാ​സ്.

ച​ങ്കു​റ​പ്പു​ള്ള ഇ​ര​ട്ട​ച്ച​ങ്ക​െൻറ തു​ട​ർ​ഭ​ര​ണം വേ​ണ​മെ​ന്നാ​ണ് റാ​ഷി​ദ്‌ വൈ​ര​ങ്കോ​ടിെൻറ ആ​ഗ്ര​ഹം. കാ​ര​ണം ബി.​ജെ.​പി​ക്ക്​ എ​ന്നും പേ​ടി​സ്വ​പ്ന​മാ​ണ് ഇ​ട​തു​പ​ക്ഷം എ​ന്ന​തു​ത​ന്നെ. എ​ന്നാ​ൽ ഉ​മ്മ​ൻ ചാ​ണ്ടി ഫാ​നാ​ണ് അ​ന​സ് തൃ​ത്താ​ല. ഉ​മ്മ​ൻ ചാ​ണ്ടി വ​ന്നാ​ലേ കേ​ര​ളം ന​ന്നാ​വൂ എ​ന്ന് വി​ശ്വ​സി​ക്കു​ന്ന അ​ന​സി​ന് പ​ക്ഷേ, പ്ര​വാ​സി​ക​ളോ​ട് കേ​ര​ളം കാ​ട്ടു​ന്ന അ​വ​ഗ​ണ​ന​യി​ൽ പ​റ​ഞ്ഞ​റി​യി​ക്കാ​നാ​വാ​ത്ത അ​മ​ർ​ഷ​മു​ണ്ട്. പ്ര​വാ​സി​ക്കു മാ​ത്രം ക്വാ​റ​ൻ​റീ​ൻ, കോ​വി​ഡിെൻറ തു​ട​ക്ക​ത്തി​ൽ പ്ര​വാ​സി​യെ ക​ല്ലെ​റി​ഞ്ഞ​വ​രു​ണ്ട്. കേ​ര​ള​ത്തി​നും പ്ര​വാ​സി​ക്കും ഇ​ന്ത്യ​ക്കും ര​ക്ഷ കോ​ൺ​ഗ്ര​സാ​ണ​ന്ന കാ​ര്യ​ത്തി​ൽ ഇൗ ​തൃ​ത്താ​ല​ക്കാ​ര​ന് ഒ​ട്ടു​മേ​യി​ല്ല സം​ശ​യം. തൃ​ത്താ​ല​ക്കാ​ര​ന് കൂ​ട്ടാ​യി ഒ​രു പ​ട്ടാ​മ്പി​ക്കാ​ര​നു​മു​ണ്ട് മു​റി​യി​ൽ. ഈ ​പ്രാ​വ​ശ്യം ലീ​ഗും കോ​ൺ​ഗ്ര​സും കേ​ര​ളം തൂ​ത്തു​വാ​രു​മെ​ന്നാ​ണ്​ പ​ട്ടാ​മ്പി സ്വ​ദേ​ശി​യാ​യ ഹ​സാ​ക്കു​ട്ടി​യു​ടെ അ​ഭി​പ്രാ​യം. കെ.​എം.​സി.​സി അ​ട​ക്ക​മു​ള്ള സം​ഘ​ട​ന​ക​ളു​ടെ പ്ര​വ​ർ​ത്ത​ന​ങ്ങ​ൾ ലോ​കം ക​ണ്ട​താ​ണ്. എ​ന്നും പ്ര​വാ​സി​ക​ൾ​ക്കു തു​ണ​യാ​ണ് ലീ​ഗും കെ.​എം.​സി.​സി​യും. ഇ​തൊ​ക്കെ പ്ര​വാ​സി കു​ടും​ബ​ങ്ങ​ളി​ലെ വോ​ട്ടാ​യി മാ​റു​മെ​ന്നും ഹ​സാ​ക്കു​ട്ടി.

എ​ന്നാ​ൽ ഇ​ട​തി​െൻറ ര​ണ്ടാം വ​ര​വ് കാ​ത്തി​രി​ക്കു​ക​യാ​ണ് സ​ക​രി​യ്യ കാ​ടാ​യി​ക്ക​ൽ. പൊ​ലീ​സി​െൻറ ഭാ​ഗ​ത്ത്​ തു​ട​ക്ക​ത്തി​ൽ ഇ​ത്തി​രി പാ​ളി​ച്ച​ക​ൾ ഉ​ണ്ടാ​യി​ട്ടു​ണ്ട് എ​ങ്കി​ലും പി​ന്നീ​ട​ങ്ങോ​ട്ട് കേ​ര​ളം ച​ങ്കു​റ​പ്പു​ള്ള നേ​താ​വി​െൻറ ഭ​ര​ണ​മാ​ണ് ക​ണ്ട​ത്. പ്ര​ള​യം, നി​പ, കൊ​റോ​ണ തു​ട​ങ്ങി എ​ന്തെ​ല്ലാം വേ​ട്ട​യാ​ടി. ഇ​തി​നെ​യ​ല്ലാം അ​തി​ജീ​വി​ച്ച് ന​മ്മു​ടെ നാ​ടും ആ​രോ​ഗ്യ​രം​ഗ​വും പി​ടി​ച്ചു​നി​ന്ന​ത് ഭ​ര​ണ​ത്തി​െൻറ ഊ​ർ​ജ​മാ​ണ​ന്നു സ​ക​രി​യ്യ. എ​ന്താ​യാ​ലും ആ​രു വ​ന്നാ​ലും നാ​ടി​െൻറ ഇ​പ്പോ​ഴ​ത്തെ പോ​ക്കി​ൽ ഒ​ട്ടും സ​ന്തു​ഷ്​​ടി​യി​ല്ലാ​ത്ത ഒ​രു നി​ഷ്പ​ക്ഷ​നു​ണ്ട് മു​റി​യി​ൽ. അ​ർ​ജു​ൻ ക​രി​ങ്ക​പ്പാ​റ​യാ​ണ് ആ ​വ്യ​ത്യ​സ്ത അ​ഭി​പ്രാ​യ​വു​മാ​യി രം​ഗ​ത്തു​വ​ന്ന​ത്. പ്ര​വാ​സി​ക്ക് എ​ന്ത് അ​നു​കൂ​ല്യ​ങ്ങ​ളാ​ണ് കി​ട്ടി​യ​ത്. വാ​ഗ്ദാ​നം മാ​ത്രം എ​ന്നും ബാ​ക്കി. പ്ര​വാ​സി ആ​ന​യാ​ണ് തേ​ങ്ങ​യാ​ണ് എ​ന്നൊ​ക്കെ ഇ​വി​ടെ വ​ന്നും നാ​ട്ടി​ൽ വെ​ച്ചും ഘോ​ര​ഘോ​രം പ്ര​സം​ഗ​ങ്ങ​ൾ ന​ട​ത്തി​യ​ത് അ​ല്ലാ​തെ ആ​ർ​െ​ക്ക​ങ്കി​ലും അ​വ​െൻറ പ്ര​ശ്ന​ങ്ങ​ൾ എ​ന്താ​ണ് എ​ന്ന് മ​ന​സ്സി​ലാ​ക്കാ​ൻ പ​റ്റി​യി​ട്ടു​ണ്ടോ? പ​തി​നാ​യി​ര​ക്ക​ണ​ക്കി​ന് പ്ര​വാ​സി​ക​ൾ ജോ​ലി​യും കൂ​ലി​യും പോ​യി നാ​ട്ടി​ൽ ചെ​േ​ക്ക​റേ​ണ്ടി വ​ന്നി​ട്ടു​ണ്ട്. ന​മ്മ​ൾ ഇ​വി​ടെ​യാ​െ​ണ​ങ്കി​ലും കു​ടും​ബ​ത്തി​െൻറ വോ​ട്ട് അ​ർ​ഹ​ത ഉ​ള്ള​വ​ർ​ക്കു ആ​ക​ണം. ഓ​ർ​ക്കു​ക ഓ​രോ വോ​ട്ടും വി​ല​പ്പെ​ട്ട​താ​ണ് -നി​ല​പാ​ടി​ൽ വ്യ​ക്ത​ത വ​രു​ത്തി അ​ർ​ജു​ൻ പ​റ​യു​ന്നു.

എ​ല്ലാം ശ​രി​യാ​വും ഇ​ട​തി​െൻറ തു​ട​ർ​ഭ​ര​ണ​ത്തി​ൽ എ​ന്ന് സി​ദ്ദീ​ഖ് താ​നാ​ളൂ​ർ. കേ​ന്ദ്ര​ത്തി​ൽ ബി.​ജെ.​പി​യെ പി​ടി​ച്ചു​കെ​ട്ടാ​ൻ ക​ഴി​യ​ണം. ഇ​ട​തി​നെ അ​വ​ർ ഭ​യ​ക്കു​ന്നു. അ​ത്കൊ​ണ്ടു കേ​ര​ള​ത്തി​ൽ അ​വ​രു​ടെ ക​ളി വി​ല​പ്പോ​കി​ല്ലെ​ന്നും സി​ദ്ദീ​ഖ്. വാ​ദ​ങ്ങ​ളും എ​തി​ർ​വാ​ദ​ങ്ങ​ളും കൊ​ഴു​ത്ത് ആ​വേ​ശം കൊ​ടു​മു​ടി​യേ​റു​ന്ന​തി​നി​ടെ​യാ​ണ് ആ​രോ രാ​വി​ല​ത്തെ ഡ്യൂ​ട്ടി​യെ കു​റി​ച്ച് ഓ​ർ​മി​പ്പി​ച്ച​ത്. ജോ​ലി​ക്ക് പോ​യി​ല്ലെ​ങ്കി​ൽ അ​ന്നം​മു​ട്ടു​മെ​ന്ന കാ​ര്യം ആ​രെ​ക്കാ​ളും ന​ന്നാ​യി അ​റി​യു​ന്ന പ്ര​വാ​സി​ക​ൾ, വോ​ട്ട് ച​ർ​ച്ച​ക്ക് ത​ൽ​ക്കാ​ല​ത്തേ​ക്ക് അ​വ​ധി ന​ൽ​കി ഉ​റ​ങ്ങാ​നു​ള്ള ത​യാ​റെ​ടു​പ്പി​ലേ​ക്ക്.