ഭ​ര​ണാ​ധി​കാ​രി​ക​ൾ​ക്ക്​ ഇഫ്താർ വി​രു​ന്നൊ​രു​ക്കി പ്ര​സി​ഡ​ന്‍റ്​

ദു​ബൈ: രാ​ജ്യ​ത്തെ ഏ​ഴ്​ എ​മി​റേ​റ്റു​ക​ളി​ലെ​യും ഭ​ര​ണാ​ധി​കാ​രി​ക​ൾ​ക്ക്​ ഇഫ്താർ വി​രു​ന്നൊ​രു​ക്കി പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ.

ബു​ധ​നാ​ഴ്ച അ​ബൂ​ദ​ബി​യി​ലെ ഖ​സ​ർ അ​ൽ വ​ത​ൻ കൊ​ട്ടാ​ര​ത്തി​ൽ ന​ട​ന്ന വി​രു​ന്നി​ൽ യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം, ഷാ​ർ​ജ ഭ​ര​ണാ​ധി​കാ​രി ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ്​ അ​ൽ ഖാ​സി​മി, അ​ജ്​​മാ​ൻ ഭ​ര​ണാ​ധി​കാ​രി ശൈ​ഖ്​ ഹു​മൈ​ദ്​ ബി​ൻ റാ​ശി​ദ്​ അ​ൽ നു​​ഐ​മി, ഫു​ജൈ​റ ഭ​ര​ണാ​ധി​കാ​രി ശൈ​ഖ്​ ഹ​മ​ദ്​ ബി​ൻ മു​ഹ​മ്മ​ദ്​ അ​ൽ ശ​ർ​ഖി, റാ​സ​ൽ​ഖൈ​മ ഭ​ര​ണാ​ധി​കാ​രി ശൈ​ഖ്​ സ​ഊ​ദ്​ ബി​ൻ സ​ഖ​ർ അ​ൽ ഖാ​സി​മി എ​ന്നി​വ​ർ പ​​ങ്കെ​ടു​ത്തു.

രാ​ജ്യ​ത്തി​നും ജ​ന​ങ്ങ​ൾ​ക്കും​ ക്ഷേ​മ​വും അ​ഭി​വൃ​ദ്ധി​യും സു​ര​ക്ഷ​യും സ്ഥി​ര​ത​യും ഉ​ണ്ടാ​വ​ട്ടെ​യെ​ന്ന്​ ശൈ​ഖ്​ മു​ഹ​മ്മ​ദ്​ ആ​ശം​സി​ക്കു​ക​യും പ്രാ​ർ​ഥി​ക്കു​ക​യും ചെ​യ്തു. വി​വി​ധ എ​മി​റേ​റ്റു​ക​ളി​ലെ ഭ​ര​ണാ​ധി​കാ​രി​ക​ളാ​യ എ​ന്‍റെ സ​ഹോ​ദ​ര​ങ്ങ​ൾ​ക്ക്​ റ​മ​ദാ​ൻ വി​രു​ന്നൊ​രു​ക്കു​ന്ന​തി​ൽ ഏ​റെ സ​ന്തോ​ഷ​മു​ണ്ടെ​ന്ന്​ പി​ന്നീ​ട്​ അ​ദ്ദേ​ഹം എ​ക്സി​ൽ കു​റി​ച്ചു.

യു.​എ.​ഇ വൈ​സ്​ പ്ര​സി​ഡ​ന്‍റും ഉ​പ പ്ര​ധാ​ന​മ​ന്ത്രി​യും പ്ര​സി​ഡ​ൻ​ഷ്യ​ൽ കോ​ർ​ട്ട്​ ചെ​യ​ർ​മാ​നു​മാ​യ ശൈ​ഖ്​ മ​ൻ​സൂ​ർ ബി​ൻ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ, ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ്​ സെ​യ്​​ഫ്​ ബി​ൻ സാ​യി​ദ്, സ​ഹി​ഷ്ണു​ത-​സ​ഹ​വ​ർ​ത്തി​ത്വ മ​ന്ത്രി ശൈ​ഖ്​ ന​ഹ്​​യാ​ൻ ബി​ൻ മു​ബാ​റ​ക്, അ​ബൂ​ദ​ബി കി​രീ​ടാ​വ​കാ​ശി ശൈ​ഖ്​ ഖാ​ലി​ദ്​ ബി​ൻ മു​ഹ​മ്മ​ദ്, ദു​ബൈ കി​രീ​ടാ​വ​കാ​ശി ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം, ഉ​മ്മു​ൽ ഖു​വൈ​ൻ കി​രീ​ടാ​വ​കാ​ശി ശൈ​ഖ്​ റാ​ശി​ദ്​ ബി​ൻ സ​ഊ​ദ്​ അ​ൽ മു​ല്ല തു​ട​ങ്ങി​യ​വ​രും മ​റ്റ്​ മു​തി​ർ​ന്ന ഉ​ദ്യോ​ഗ​സ്ഥ​രും ച​ട​ങ്ങി​ൽ പ​​ങ്കെ​ടു​ത്തു. കൊ​ട്ടാ​ര​ത്തി​ൽ മ​ഗ്​​രി​ബ്​ ന​മ​സ്കാ​ര​ത്തി​ലും തു​ട​ർ​ന്ന്​ ന​ട​ന്ന ഇ​ഫ്താ​റി​ലും പ​​ങ്കെ​ടു​ത്താ​ണ്​ എ​ല്ലാ​വ​രും മ​ട​ങ്ങി​യ​ത്.