മുൻഗണന സമ്പദ്​വ്യവസ്ഥക്ക്​ –ശൈഖ്​ മുഹമ്മദ്​

ദുബൈ: സമ്പദ്​വ്യവസ്​ഥയുടെ ഉയർച്ച ഏറ്റവും മുൻഗണനയോടെ പരിഗണിക്കണമെന്ന്​ യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം.

പുതുതായി തിരഞ്ഞെടുക്കപ്പെട്ട ദുബൈ ചേംബർ ഓഫ്​ കോമേഴ്​സ്​ ഡയറക്​ടർ ബോർഡ്​ അംഗങ്ങളുടെ യോഗത്തിൽ സംസാരിക്കുകയായിരുന്നു അദ്ദേഹം. കരുത്തുറ്റതും സമ​ൃദ്ധവുമായ സമ്പദ്​വ്യവസ്​ഥ സൃഷ്​ടിക്കലാണ്​ നമ്മുടെ ലക്ഷ്യം. ഇതിനായി യു.എ.ഇയിലെ നയിക്കാൻ ദുബൈ ചേംബറിന്​ കഴിയുമെന്നും അദ്ദേഹം കൂട്ടിച്ചേർത്തു.

രണ്ടര ലക്ഷത്തോളം പേർ അംഗങ്ങളായ അന്തരാഷ്​ട്രതലത്തിലെ ഏറ്റവും വലിയ വ്യാപാര-വ്യവസായ കൂട്ടായ്​മകളിലൊന്നായ ദുബൈ ചേംബർ ഓഫ്​ കോമേഴ്​സ്​ ആൻഡ്​ ഇൻഡസ്​ട്രി നവീകരണത്തിന്​ ശൈഖ്​ മുഹമ്മദ്​ അംഗീകാരം നൽകിയിരുന്നു. പുതിയ ഘടനയനുസരിച്ച്​ ചേംബർ ഓഫ്​ ട്രേഡ്​, ചേംബർ ഫോർ ഡിജിറ്റൽ ഇക്കോണമി, ചേംബർ ഫോർ ഇൻറർനാഷനൽ ഇൻഡസ്​ട്രി എന്നിങ്ങനെ മൂന്ന്​ വിഭാഗങ്ങളായാണ്​ കൂട്ടായ്​മ പ്രവർത്തിക്കുക.

ചേംബറി​െൻറ പുതിയ ബോർഡ്​ ഡയറക്​ടേഴ്​സിനെയും ട്വിറ്ററിലൂടെ അദ്ദേഹം പ്രഖ്യാപിച്ചിരുന്നു. പുതിയ മൂന്ന്​ ​േചംബറുകൾക്കും ചരിത്രപരമായ ദൗത്യമാണ്​ മുന്നിലുള്ളത്​. നമ്മുടെ അന്താരാഷ്​ട്ര വ്യാപാരബന്ധങ്ങളെ ശക്​തിപ്പെടുത്തുക, ഡിജിറ്റൽ ഇക്കോണമിയെ വികസിപ്പിക്കുക, ബിസിനസ്​ താൽപര്യങ്ങളെ സംരക്ഷിക്കുക, ദുബൈയിൽ ഏറ്റവും മികച്ച ആഗോള സാമ്പത്തിക പരിസ്​ഥിതി വികസിപ്പിക്കുന്ന സർക്കാർ പ​രിശ്രമങ്ങളെ പിന്തുണക്കുക എന്നിവയാണത്​ -അദ്ദേഹം നേരത്തെ വ്യക്​തമാക്കി.

പുതുതായി പ്രഖ്യാപിച്ച ഭാരവാഹികളിൽ ജുമാ അൽ മാജിദാണ്​ ചേംബറി​െൻറ ഓണററി പ്രസിഡൻറ്. അബ്​ദുൽ അസീസ്​ അൽ ഗുറൈർ​ ചെയർമാനുമാണ്​. രണ്ട്​ സ്​ത്രീകളടക്കം 12 അംഗങ്ങളാണ്​ ഡയറക്​ടർ ബോർഡിലെ മറ്റ്​ അംഗങ്ങൾ.