യു.എ.ഇക്കും ഇന്ത്യക്കും അഭിമാന നിമിഷം –ഡോ. ആസാദ് മൂപ്പന്‍

ദുബൈ: മഹാ​മാരിക്കാലത്തും വിശ്വമേളക്ക്​ അരങ്ങൊരുക്കി യു.എ.ഇ സർക്കാറിനും എക്​സ്​പോയിൽ മികച്ച പവലിയൻ ഒരുക്കിയ ഇന്ത്യൻ അധികൃതർക്കും ഇത്​ അഭിമാന നിമിഷമാണെന്ന്​ ആസ്​റ്റർ ഡി.എം. ഹെൽത്ത്​കെയർ സ്​ഥാപക ചെയർമാനും മാനേജിങ്​ ഡയറക്​ടറുമായ ഡോ. ആസാദ്​ മൂപ്പൻ പറഞ്ഞു.

വേള്‍ഡ് എക്‌സ്‌പോയിലെ ഏറ്റവും വലുതും മികച്ചതുമായ പവലിയനുകളിലൊന്നാണ് ഇന്ത്യന്‍ പവലിയന്‍. ആറു മാസം നീളുന്ന മേളയില്‍ ഇന്ത്യയുടെ ഭാവിയും സാംസ്‌കാരിക വൈവിധ്യങ്ങളും പ്രദര്‍ശിപ്പിക്കാന്‍ പ്രയത്‌നിച്ച ഇന്ത്യന്‍ സർക്കാറിനെയും എഫ്​.ഐ.സി.സി.ഐയെയും അഭിനന്ദിക്കുന്നു. യു.എ.ഇയില്‍ താമസിക്കുന്ന 35 ലക്ഷം ഇന്ത്യക്കാര്‍ ഇതില്‍ അഭിമാനിക്കും. ഇന്ത്യ പവലിയ​െൻറ സ്‌പോണ്‍സറെന്ന നിലയില്‍ ആസ്​റ്ററിനും ഇത്​ അഭിമാന നിമിഷമാണെന്നും അദ്ദേഹം പറഞ്ഞു.