പൊ​തു​മാ​പ്പ്​: ആ​ദ്യ ദി​നം മി​ക​ച്ച പ്ര​തി​ക​ര​ണം

ദു​ബൈ: വി​സ നി​യ​മ​ലം​ഘ​ക​ർ​ക്ക്​ യു.​എ.​ഇ സ​ർ​ക്കാ​ർ പ്ര​ഖ്യാ​പി​ച്ച ​പൊ​തു​മാ​പ്പ്​ ന​ട​പ​ടി​ക​ൾ ആ​രം​ഭി​ച്ച ആ​ദ്യ ദി​ന​ത്തി​ൽ പ്ര​വാ​സി​ക​ളി​ൽ​നി​ന്ന്​ മി​ക​ച്ച പ്ര​തി​ക​ര​ണം. ദു​ബൈ​യി​ൽ ജ​ന​റ​ൽ ഡ​യ​റ​ക്ട​റേ​റ്റ്​ ഓ​ഫ്​ റെ​സി​ഡ​ൻ​സി ആ​ൻ​ഡ്​ ഫോ​റി​ൻ അ​​ഫ​യേ​ഴ്​​സ്​ (ജി.​ഡി.​ആ​ർ.​എ​ഫ്.​എ) അ​ൽ അ​വീ​റി​ൽ ഒ​രു​ക്കി​യ സെ​ന്‍റ​റി​ൽ ആ​ദ്യ ദി​നം നൂ​റി​ല​ധി​കം പേ​ർ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി വി​സ നി​യ​മ​വി​ധേ​യ​മാ​ക്കി​യ​താ​യി അ​ധി​കൃ​ത​ർ അ​റി​യി​ച്ചു.

ഞാ​യ​റാ​ഴ്ച രാ​വി​ലെ മു​ത​ൽ സ​ർ​വി​സ്​ ആ​രം​ഭി​ച്ച ടൈ​പ്പി​ങ്​ സെ​ന്‍റ​റു​ക​ളി​ലും ഐ.​സി.​പി ​കേ​ന്ദ്ര​ങ്ങ​ളി​ലും അ​പേ​ക്ഷ​ക​രു​ടെ വ​ൻ തി​ര​ക്ക്​​ അ​നു​ഭ​വ​പ്പെ​ട്ടു. അ​ബൂ​ദ​ബി​യി​ൽ വി​സ നി​യ​മ​വി​ധേ​യ​മാ​ക്കാ​ൻ ആ​ഗ്ര​ഹി​ക്കു​ന്ന​വ​രു​ടെ അ​പേ​ക്ഷ സ്വീ​ക​രി​ക്കു​ക​യാ​ണ്​ ആ​ദ്യ ദി​നം ചെ​യ്ത​ത്. ​

ഐ.​സി.​പി​യു​ടെ സ്മാ​ർ​ട്ട്​ സി​സ്റ്റം വ​ഴി​യും അ​പേ​ക്ഷ സ​മ​ർ​പ്പി​ക്കാ​നു​ള്ള അ​വ​സ​ര​മൊ​രു​ക്കി​യി​രു​ന്നു. ഇ​തു​വ​ഴി അ​പേ​ക്ഷ സ​മ​ർ​പ്പി​ക്കു​ന്ന​തി​നു​ള്ള സ​മ​യ​വും ഫീ​സും ഒ​ഴി​വാ​കു​മെ​ന്ന്​ അ​ധി​കൃ​ത​ർ അ​റി​യി​ച്ചു. നി​യ​മ​ലം​ഘ​ന​ത്തി​ന്‍റെ സ്വ​ഭാ​വം അ​നു​സ​രി​ച്ച്​ അ​പേ​ക്ഷ സ്വീ​ക​രി​ക്കു​ന്ന​തി​നു​ള്ള സ​മ​യം വ്യ​ത്യ​സ്ത​മാ​യി​രി​ക്കും. ഏ​തു​ത​രം വി​സ​യാ​ണെ​ങ്കി​ലും അ​പേ​ക്ഷ​യു​ടെ സ്വ​ഭാ​വം നി​ർ​ണ​യി​ക്കു​ക നി​യ​മ​ലം​ഘ​ന​ത്തി​ന്‍റെ സ്വ​ഭാ​വം പ​രി​ഗ​ണി​ച്ചാ​യി​രി​ക്കും.

അ​പേ​ക്ഷ ന​ൽ​കാ​നെ​ത്തി​യ നി​യ​മ​ലം​ഘ​ക​നോ​ട് ഇ​ക്കാ​ര്യ​മാ​ണ്​ ആ​ദ്യം ചോ​ദി​ച്ച​തെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. നി​ല​വി​ലെ സ്റ്റാ​റ്റ​സ്​ മാ​റ്റു​ന്ന​ത്​ എ​ങ്ങ​നെ​യാ​ണെ​ന്ന്​ അ​റി​യാ​നു​ള്ള അ​ന്വേ​ഷ​ണ​മാ​ണ്​ ചി​ല കേ​ന്ദ്ര​ങ്ങ​ളി​ൽ ആ​ദ്യ ദി​ന​ത്തി​ൽ കൂ​ടു​ത​ലാ​യി എ​ത്തി​യ​ത്. ദു​ബൈ അ​ൽ അ​വീ​റി​ൽ സ്ത്രീ​ക​ൾ​ക്കും പു​രു​ഷ​ൻ​മാ​ർ​ക്കും പ്ര​ത്യേ​കം ടെ​ന്‍റു​ക​ൾ​ സ​ജ്ജീ​ക​രി​ച്ചി​രു​ന്നു.

പൊ​തു​മാ​പ്പ്​ ഉ​പ​യോ​ഗ​പ്പെ​ടു​ത്താ​ൻ ആ​ഗ്ര​ഹി​ക്കു​ന്ന​വ​രെ സ്വാ​ഗ​തം ചെ​യ്തു​കൊ​ണ്ട്​ അ​ൽ അ​വീ​ർ സെ​ന്‍റ​റി​ന്‍റെ അ​രി​കി​ലാ​യി ബാ​ന​റു​ക​ളും കൊ​ടി​ക​ളും ചി​ല സ്ഥാ​പി​ച്ചി​രു​ന്നു. സെ​പ്​​റ്റം​ബ​ർ ഒ​ന്നു മു​ത​ൽ ഒ​ക്​​ടോ​ബ​ർ 31 വ​രെ ര​ണ്ട്​ മാ​സ​ത്തേ​ക്കാ​ണ് യു.​എ.​ഇ​യി​ൽ​ പൊ​തു​മാ​പ്പ് പ്ര​ഖ്യാ​പി​ച്ചി​രി​ക്കു​ന്ന​ത്​. ഇ​ക്കാ​ല​യ​ള​വി​ൽ എ​ല്ലാ​ത​രം വി​സ നി​യ​മ​ലം​ഘ​ക​ർ​ക്കും ഇ​ള​വ്​ അ​നു​വ​ദി​ക്കും.

എ​ത്ര ഭീ​മ​മാ​യ പി​ഴ​ക​ളും ഒ​ഴി​വാ​ക്കി വി​സ പു​തു​ക്കാ​നും എ​ക്സി​റ്റ്​ ​പെ​ർ​മി​റ്റ്​ നേ​ടി 14 ദി​വ​സ​ത്തി​ന​കം രാ​ജ്യം വി​ടാ​നും അ​നു​മ​തി​യു​ണ്ട്. പ്ര​വാ​സി​ക​ളെ സ​ഹാ​യി​ക്കു​ന്ന​തി​നാ​യി എ​ല്ലാ എ​മി​റേ​റ്റു​ക​ളി​ലും വ​ൻ സ​ജ്ജീ​ക​ര​ണ​ങ്ങ​ൾ അ​ധി​കൃ​ത​ർ ഒ​രു​ക്കി​യി​രു​ന്നു. ഇ​ന്ത്യ​ൻ എം​ബ​സി, ദു​ബൈ ഇ​ന്ത്യ​ൻ കോ​ൺ​സു​ലേ​റ്റ്​ എ​ന്നി​വ​യും സ​ജീ​വ​മാ​യി രം​ഗ​ത്തു​ണ്ട്​.

ദ​ശ​ല​ക്ഷ​ണ​ക്കി​ന്​ ദി​ർ​ഹ​മി​ന്‍റെ പി​ഴ​യാ​ണ്​ ര​ണ്ട്​ മാ​സ​ത്തി​നി​ടെ യു.​എ.​ഇ സ​ർ​ക്കാ​ർ ഒ​ഴി​വാ​ക്കി​ന​ൽ​കു​ന്ന​ത്. എ​ക്സി​റ്റ്​ പെ​ർ​മി​റ്റ്​ നേ​ടി രാ​ജ്യം വി​ടാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ കു​റ​ഞ്ഞ്​ ചെ​ല​വി​ൽ വി​മാ​ന ടി​ക്ക​റ്റ്​ ത​ര​പ്പെ​ടു​ത്താ​നു​ള്ള ന​പ​ടി​ക​ൾ ചി​ല സ​ന്ന​ദ്ധ സം​ഘ​ട​ന​ക​ൾ ന​ട​ത്തി​വ​രു​ന്നു​ണ്ട്.

ഐ.​സി.​പി​യും വി​ഷ​യ​ത്തി​ൽ ചി​ല വി​മാ​ന ക​മ്പ​നി​ക​ളു​മാ​യി ച​ർ​ച്ച ന​ട​ത്തി​യി​രു​ന്നു. അ​തേ​സ​മ​യം, നി​ല​വി​ലെ സ്റ്റാ​റ്റ​സി​ൽ മാ​റ്റം വ​രു​ത്തി​യ വി​സ പു​തു​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ ​പു​തി​യ തൊ​ഴി​ൽ വാ​ഗ്​​ദാ​ന​ങ്ങ​ളു​മാ​യി ചി​ല സ്വ​കാ​ര്യ ക​മ്പ​നി​ക​ളും രം​ഗ​ത്തു​ണ്ട്. ഞാ​യ​റാ​ഴ്ച അ​വ​ധി​ദി​ന​മാ​യി​ട്ടും ഇ​മി​ഗ്രേ​ഷ​ൻ ഓ​ഫി​സ​ർ​മാ​ർ ആം​ന​സ്റ്റി സെ​ന്‍റ​റു​ക​ളി​ൽ ക​ർ​മ​നി​ര​ത​രാ​യി​രു​ന്നു. ​പൊ​തു​മാ​പ്പ്​ ന​ട​പ​ടി​ക​ൾ​ക്കാ​യി ദു​ബൈ​യി​ലു​ട​നീ​ളം ജി.​ഡി.​ആ​ർ.​എ​ഫ്.​എ​യു​ടെ 86 ആ​മി​ർ സെ​ന്‍റ​റു​ക​ളാ​ണ്​ പ്ര​വ​ർ​ത്തി​ക്കു​ന്ന​ത്.

കൂ​ടാ​തെ ജി.​ഡി.​ആ​ർ.​എ​ഫ്.​എ​യു​ടെ വെ​ബ്​​സൈ​റ്റും ആ​പ്പും ഉ​പ​യോ​ഗി​ച്ച്​ അ​പേ​ക്ഷ സ​മ​ർ​പ്പി​ക്കാ​നാ​വും. സം​ശ​യ നി​വാ​ര​ണ​ത്തി​ന്​ ജി.​ഡി.​ആ​ർ.​എ​ഫ്.​എ​യു​ടെ കാ​ൾ സെ​ന്‍റ​ർ ന​മ്പ​റാ​യ 8005111ൽ ​വി​ളി​ക്കാ​മെ​ന്ന്​ അ​സി​സ്റ്റ​ന്‍റ്​ ഡ​യ​റ​ക്ട​ർ ജ​ന​റ​ൽ ​ബ്രി​ഗേ​ഡി​യ​ർ ജ​ന​റ​ൽ സ​ലാ​ഹ്​ അ​ൽ ഖം​സി പ​റ​ഞ്ഞു. ഇ​ന്ത്യ, പാ​കി​സ്താ​ൻ, സൗ​ദി അ​റേ​ബ്യ, ഫി​ലി​പ്പീ​ൻ​സ്, കാ​ന​ഡ തു​ട​ങ്ങി ലോ​ക​ത്തെ ഒ​ട്ടു​മി​ക്ക രാ​ജ്യ​ങ്ങ​ളി​ലേ​യും പ്ര​വാ​സി​ക​ൾ ഇ​ള​വ്​ തേ​ടി ആം​ന​സ്റ്റി സെ​ന്‍റ​റു​ക​ളി​ൽ എ​ത്തി​യി​രു​ന്നു.