‘അനന്തം പൊന്നോണം 2023’ ബ്രോഷർ പ്രകാശനം
text_fields‘അനന്തം പൊന്നോണം 2023’ ബ്രോഷർ പ്രകാശനം ചെയ്യുന്നു
ഷാർജ: അനന്തപുരി പ്രവാസി കൂട്ടായ്മ ഒക്ടോബർ ഒന്നിന് സംഘടിപ്പിക്കുന്ന ‘അനന്തം പൊന്നോണം 2023’ന്റെ ബ്രോഷർ പ്രകാശനംചെയ്തു. ഷാർജ ഇന്ത്യൻ അസോസിയേഷൻ കോൺഫറൻസ് ഹാളിൽ നടന്ന യോഗത്തിൽ രക്ഷാധികാരിയും ഷാർജ ഇന്ത്യൻ അസോസിയേഷൻ ജോയന്റ് ട്രഷററുമായ ബാബു വർഗീസ് ഓണാഘോഷ കമ്മിറ്റിയുടെ ആക്ടിങ് ചെയർമാൻ രഞ്ജി കെ. ചെറിയാന് നൽകി പ്രകാശനം നിർവഹിച്ചു. ഷാർജ ഇന്ത്യൻ അസോസിയേഷനിലും പാകിസ്താൻ സോഷ്യൽ സെന്ററിലുമായാണ് പരിപാടി സംഘടിപ്പിക്കുന്നത്.
ആക്ടിങ് പ്രസിഡന്റ് നവാസ് തേക്കട, പ്രോഗ്രാം ഡയറക്ടർ ഷിബു മുഹമ്മദ്, ഭാരവാഹികളായ അഡ്വ. മിനു സുരേന്ദ്രൻ, വിജയൻ നായർ, ഷെഫീഖ് വെഞ്ഞാറമൂട്, സർഗ റോയ്, അഭിലാഷ് മണമ്പൂർ, ബിജോയ് ദാസ്, മുനീറ സലീം, അരുണ അഭിലാഷ്, അനിത രവീന്ദ്രൻ, അഭിലാഷ് രത്നാകരൻ, റോയി നെല്ലിക്കാട്, വിനേഷ്, ഹാഷിം അംബൂരി, ജേക്കബ് എന്നിവർ പങ്കെടുത്തു.
ഇന്ത്യൻ അസോസിയേഷനിൽ രാവിലെ ഒമ്പതു മണി മുതൽ വൈകീട്ട് ഒമ്പതുവരെ ആയിരിക്കും പരിപാടികൾ സംഘടിപ്പിക്കുക. ഘോഷയാത്ര, ചെണ്ടമേളം, വിവിധ കലാപരിപാടികൾ, സിനിമ പിന്നണി ഗായകർ നയിക്കുന്ന ഗാനമേള എന്നിവയാണ് സംഘടിപ്പിക്കുന്നത്. ഉച്ചക്കുശേഷം നടക്കുന്ന സാംസ്കാരിക സമ്മേളനം കേരള ഗതാഗത മന്ത്രി ആൻറണി രാജു ഉദ്ഘാടനം ചെയ്യും. ആറ്റിങ്ങൽ പാർലമെന്റ് അംഗം അടൂർ പ്രകാശ് മുഖ്യാതിഥിയാവും. പാകിസ്താൻ സോഷ്യൽ സെന്ററിൽ ഓണസദ്യയും ഒരുക്കുമെന്ന് ജനറൽ സെക്രട്ടറി ഖാൻ പാറയിൽ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.