പ്ര​സാ​ധ​ക സ​മ്മേ​ള​നം ശൈ​ഖ ബു​ദൂ​ർ ഉ​ദ്​​ഘാ​ട​നം ചെ​യ്യും

ഷാ​ർ​ജ: അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ന്‍റെ മു​ന്നോ​ടി​യാ​യി സം​ഘ​ടി​പ്പി​ക്കു​ന്ന പ്ര​സാ​ധ​ക സ​മ്മേ​ള​നം ഞാ​യ​റാ​ഴ്ച ആ​രം​ഭി​ക്കും. ഷാ​ർ​ജ എ​ക്സ്​​പോ സെ​ന്‍റ​റി​ന്​ സ​മീ​പം പ്ര​ത്യേ​കം സ​ജ്ജ​മാ​ക്കി​യ വേ​ദി​യി​ൽ രാ​വി​ലെ 10ന്​ ​ആ​രം​ഭി​ക്കു​ന്ന ച​ട​ങ്ങ്​ ഷാ​ർ​ജ ബു​ക്ക്​ അ​തോ​റി​റ്റി ചെ​യ​ർ​പേ​ഴ്​​സ​ൻ ശൈ​ഖ ബു​ദൂ​ർ അ​ൽ ഖാ​സി​മി ഉ​ദ്​​ഘാ​ട​നം ചെ​യ്യും.

പു​സ്ത​കോ​ത്സ​വ​ത്തി​ലെ ഇ​ത്ത​വ​ണ​ത്തെ അ​തി​ഥി​രാ​ജ്യ​മാ​യ ദ​ക്ഷി​ണ കൊ​റി​യ​യി​ലെ പ​ബ്ലി​ഷേ​ഴ്​​സ്​ അ​സോ​സി​യേ​ഷ​ൻ പ്ര​സി​ഡ​ന്‍റ്​ യൂ​ൻ ചു​ൽ ഹോ ​മു​ഖ്യാ​തി​ഥി​യാ​കും. പ്ര​സാ​ധ​ക മേ​ഖ​ല​യി​ലെ ന​വീ​ന ആ​ശ​യ കൈ​മാ​റ്റ​ങ്ങ​ൾ​ക്കും പ​ര​സ്പ​ര സ​ഹ​ക​ര​ണ ക​രാ​റു​ക​ൾ​ക്കും വേ​ദി​യാ​കു​ന്ന സ​മ്മേ​ള​ന​ത്തി​ന്‍റെ 13ാമ​ത്​ എ​ഡി​ഷ​നാ​ണ്​ ഇ​ത്ത​വ​ണ​ത്തേ​ത്.

101 രാ​ജ്യ​ങ്ങ​ളി​ൽ നി​ന്നാ​യി പ്ര​സാ​ധ​ക​ർ, വി​ത​ര​ണ​ക്കാ​ർ, പു​സ്‌​ത​ക വി​ദ​ഗ്‌​ധ​ർ എ​ന്നി​വ​രെ​ത്തു​ന്ന സ​മ്മേ​ള​നം മൂ​ന്നു​ ദി​വ​സം നീ​ളും. ബെ​നി​ൻ, ഐ​വ​റി കോ​സ്റ്റ്, ചെ​ക്ക് റി​പ്പ​ബ്ലി​ക്, മൊ​റീ​ഷ്യ​സ്, പ​ര​ഗ്വേ, ബു​ർ​കി​ന​ഫാ​സോ, കോം​ഗോ എ​ന്നീ ഏ​ഴു രാ​ജ്യ​ങ്ങ​ൾ ഇ​ത്ത​വ​ണ സ​മ്മേ​ള​ന​ത്തി​ൽ പു​തു​താ​യി അ​ര​ങ്ങേ​റ്റം കു​റി​ക്കു​ന്ന​വ​രാ​ണ്.

പ്ര​സി​ദ്ധീ​ക​ര​ണ വ്യ​വ​സാ​യ​ത്തി​ലെ പു​തി​യ സം​ഭ​വ​വി​കാ​സ​ങ്ങ​ളും വെ​ല്ലു​വി​ളി​ക​ളും ച​ർ​ച്ച ചെ​യ്യു​ന്ന വി​ദ​ഗ്ധ​രു​ടെ സം​സാ​ര​ങ്ങ​ളും സ​മ്മേ​ള​ന​ത്തി​ലു​ണ്ടാ​കും. സ​മ്മേ​ള​നം ചൊ​വ്വാ​ഴ്ച​യാ​ണ്​ സ​മീ​പി​ക്കു​ന്ന​ത്. ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ന് ന​വം​ബ​ർ ഒ​ന്നി​നാ​ണ്​ തു​ട​ക്ക​മാ​കു​ന്ന​ത്. ഷാ​ർ​ജ എ​ക്സ്പോ സെ​ന്റ​റി​ൽ ന​വം​ബ​ർ 12 വ​രെ​യാ​ണ് മേ​ള അ​ര​ങ്ങേ​റു​ക. ‘നാം ​പു​സ്ത​ക​ങ്ങ​ളെ കു​റി​ച്ച് സം​സാ​രി​ക്കു​ന്നു’ എ​ന്ന​താ​ണ് ഇ​ത്ത​വ​ണ മേ​ള​യു​ടെ സ​ന്ദേ​ശം.