വാക്സിൻ സ്വീകരിച്ചവർക്ക് ക്വാറൻറീൻ ഇളവ്

ദുബൈ: അബൂദബിയിൽ വാക്​സിൻ സ്വീകരിച്ചവരുടെ ക്വാറൻറീൻ വ്യവസ്ഥയിൽ ഇളവ് പ്രഖ്യാപിച്ചു. രോഗികളുമായി സമ്പർക്കമുള്ളവർ വാക്സിൻ സ്വീകരിച്ചവരാണെങ്കിൽ അഞ്ച് ദിവസം ക്വാറൻറീനിൽ കഴിഞ്ഞാൽ മതി.

നാലാം ദിവസം പി.സി.ആർ പരിശോധന നടത്തി നെഗറ്റിവ് ആണെങ്കിൽ ഇവർക്ക് നിരീക്ഷണം അവസാനിപ്പിക്കാം. വാക്സിൻ സ്വീകരിക്കാത്തവർ ഈ സാഹചര്യത്തിൽ 10 ദിവസം ക്വാറൻറീനിൽ കഴിയണം. എട്ടാം ദിവസം ഇവർക്ക് പി.സി.ആർ പരിശോധനക്ക് വിധേയമാകാം.