ഖുർആൻ പാരായണമത്സരം: മലയാളികൾക്ക് മികച്ച വിജയം
text_fieldsഖുർആൻ പാരായണ മത്സരത്തിൽ ഒന്നാം സ്ഥാനം നേടിയ ഷെയ്ഫ് അലി സിദ്ദീഖ്, രണ്ടാം സ്ഥാനം ലഭിച്ച ഷറിൻ ഫാത്തിമ, മൂന്നാം സ്ഥാനം നേടിയ മുഹമ്മദ് ആഷിക് എന്നിവർ
ദുബൈ: വിവിധ രാജ്യങ്ങളിൽനിന്നുള്ള മത്സരാർഥികൾ പങ്കെടുത്ത അബ്ദുല്ല എജുക്കേഷനൽ അക്കാദമിയുടെ ഖുർആൻ പാരായണ മത്സരത്തിൽ മലയാളികൾക്ക് മികച്ച വിജയം. ദുബൈ വേൾഡ് ട്രേഡ് സെൻററിൽ നടന്ന മത്സരത്തിൽ കാസർകോട് ജില്ലക്കാരനായ ഷെയ്ഫ് അലി സിദ്ദീഖ്, ഷറിൻ ഫാത്തിമ, മുഹമ്മദ് ആഷിഖ് എന്നിവർ യഥാക്രമം ഒന്നും രണ്ടും മൂന്നും സ്ഥാനം നേടി. വിവിധ രാജ്യങ്ങളിൽനിന്നുള്ള 40ഓളം മത്സരാർഥികൾ പാരായണമത്സരത്തിൽ പങ്കെടുത്തു. ഒന്നാം സ്ഥാനം ലഭിച്ച ഷെയ്ഫ് അലി കാസർകോട് ജില്ലയിലെ മഞ്ചേശ്വരം സ്വദേശിയാണ്.
സിദ്ദീഖ്-സറീന അലി ദമ്പതികളുടെ മകനാണ്. രണ്ടാം സ്ഥാനം കരസ്ഥമാക്കിയ ഷറിൻ ഫാത്തിമ ദുബൈ സെൻട്രൽ സ്കൂൾ വിദ്യാർഥിനിയാണ്. ബഷീർ-സഫീറ എന്നിവരാണ് മാതാപിതാക്കൾ. മൂന്നാം സ്ഥാനം നേടിയ മുഹമ്മദ് ആഷിഖ് അബ്ദുൽ ജലീൽ-നബീത ദമ്പതികളുടെ മകനാണ്. വിജയികൾക്ക് മികച്ച കാഷ് പ്രൈസും സർട്ടിഫിക്കറ്റും വിതരണം ചെയ്തു. ഒറ്റപ്പാലം ആസ്ഥാനമായി പ്രവർത്തിക്കുന്ന അബ്ദുല്ല എജുക്കേഷൻ അക്കാദമി സ്കൂൾ വിദ്യാഭ്യാസത്തോടൊപ്പം ഖുർആൻ പഠനം നൽകുന്ന സ്ഥാപനമാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.