മ​ഴ മു​ന്ന​റി​യി​പ്പ്​: യു.​എ.​ഇ​യി​ൽ റെ​ക്കോ​ഡ്​ കു​ട​വി​ൽ​പ​ന

ദു​ബൈ: ക​ടു​ത്ത​വേ​ന​ലി​ലും രാ​ജ്യ​ത്ത്​ കു​ട​വി​ൽ​പ​ന​യി​ൽ റെ​ക്കോ​ഡ്​ വ​ർ​ധ​ന. രാ​ജ്യ​ത്തെ മി​ക്ക പ്ര​ദേ​ശ​ങ്ങ​ളി​ലും അ​​പ്ര​തീ​ക്ഷി​ത​മാ​യ മ​ഴ​ക്ക്​ സാ​ധ്യ​ത​യു​ണ്ടെ​ന്ന ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്ര​ത്തി​ന്‍റെ തു​ട​ർ​ച്ച​യാ​യ പ്ര​വ​ച​ന​മാ​ണ്​ വി​പ​ണി​യി​ൽ പ്ര​തി​ഫ​ലി​ച്ച​ത്. സാ​ധാ​ര​ണ വേ​ന​ൽ​ക്കാ​ലം വ​രു​ന്ന​തോ​ടെ ക​ട​ക​ളി​ൽ കു​ട​വി​ൽ​പ​ന കു​റ​യാ​റു​ണ്ടെ​ങ്കി​ലും​ പ​തി​വി​ൽ​നി​ന്ന്​ വി​പ​രീ​ത​മാ​യി ഇ​ത്ത​വ​ണ അ​ഭൂ​ത​പൂ​ർ​വ​മാ​യ വി​ൽ​പ​ന​യാ​ണ്​ ന​ട​ന്ന​തെ​ന്നാ​ണ്​ വി​ല​യി​രു​ത്ത​ൽ.

ഇ​ത്ത​വ​ണ കൂ​ടു​ത​ൽ അ​സ്ഥി​ര​മാ​യ കാ​ലാ​വ​സ്ഥ​യാ​ണ്​ യു.​എ.​ഇ​യി​ലു​ട​നീ​ളം അ​നു​ഭ​വ​പ്പെ​ടു​ന്ന​ത്. മി​ക്ക ദി​വ​സ​ങ്ങ​ളി​ൽ പൊ​ടി​ക്കാ​റ്റും മ​ഴ​യും അ​നു​ഭ​വ​പ്പെ​ടു​ന്നു​ണ്ട്. ക​ടു​ത്ത ചൂ​ടി​ലും ഈ​ർ​പ്പ​മു​ള്ള കാ​ലാ​വ​സ്ഥ​യാ​ണ്​ തു​ട​രു​ന്ന​ത്. ര​ണ്ടാ​ഴ്ച​മു​മ്പ്​ മാ​ധ്യ​മ​ങ്ങ​ളി​ലൂ​ടെ കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ത്തി​ന്‍റെ മ​ഴ മു​ന്ന​റി​യി​പ്പ്​ പു​റ​ത്തു​വ​ന്ന​പ്പോ​ൾ പ്ര​തി​ദി​നം 20 ല​ധി​കം കു​ട​ക​ൾ വി​റ്റു​പോ​യ​താ​യി ഷാ​ർ​ജ​യി​ലെ അ​ന​സ്​ മാ​ളി​ന്‍റെ സൂ​പ്പ​ർ വൈ​സ​ർ അ​ജാ​സ്​ അ​ഹ​മ്മ​ദ്​ പ​റ​ഞ്ഞു.

ബീ​ച്ചു​ക​ളി​ലും പൊ​തു​സ്ഥ​ല​ങ്ങ​ളി​ലും മാ​ർ​ക്ക​റ്റു​ക​ളി​ലും ന​ട​ക്കാ​നി​റ​ങ്ങു​ന്ന​വ​രാ​ണ്​ കൂ​ടു​ത​ലാ​യും കു​ട ഉ​പ​യോ​ഗി​ക്കു​ന്ന​ത്. അ​സ്ഥി​ര കാ​ലാ​വ​സ്ഥ പ്ര​വ​ച​നം ജ​ന​ങ്ങ​ൾ ഗൗ​ര​വ​മാ​യി കാ​ണു​ന്നു​ണ്ടെ​ന്നും സ്ത്രീ​ക​ൾ ഉ​ൾ​പ്പെ​ടെ കൂ​ടു​ത​ൽ​പേ​രും കു​ട സൂ​ക്ഷി​ക്കു​ന്ന​താ​യും അ​ഹ​മ്മ​ദ്​ പ​റ​ഞ്ഞു. ബാ​ഗു​ക​ളി​ൽ എ​ളു​പ്പ​ത്തി​ൽ സൂ​ക്ഷി​ക്കാ​വു​ന്ന രീ​തി​യി​ലു​ള്ള 3ഫോ​ൾ​ഡ്, 4ഫോ​ൾ​ഡ്, 5ഫോ​ൾ​ഡ്​ പോ​ക്ക​റ്റ്​ കു​ട​ക​ൾ വി​പ​ണി​യി​ൽ ല​ഭ്യ​മാ​ണെ​ങ്കി​ലും 3ഫോ​ൾ​ഡ്​ കു​ട​ക​ൾ​ക്കാ​ണ്​ ഡി​മാ​ൻ​ഡ്​ കൂ​ടു​ത​ൽ. കു​ട്ടി​ക​ൾ​ക്കു​ള്ള ഫാ​ൻ​സി കു​ട​ക​ളു​ടെ വി​ൽ​പ​ന​യും കൂ​ടി​യി​ട്ടു​ണ്ട്. എ​ട്ട്​ ദി​ർ​ഹം മു​ത​ൽ 14 ദി​ർ​ഹം വ​രെ​യാ​ണ്​ കു​ട​ക​ളു​ടെ വി​ല.