നി​ര​വ​ധി നേ​ട്ട​ങ്ങ​ളു​ടെ പേ​രാ​ണ് 'അ​ൽ ദാ​ബി'

ക​ഴി​ഞ്ഞ വ​ർ​ഷ​ത്തെ ഷാ​ർ​ജ അ​ന്താ​രാ​ഷ്ട്ര പു​സ്ത​ക​മേ​ള​യി​ൽ ശൈ​ഖ ബു​ദൂ​ർ ബി​ൻ​ത് സു​ൽ​ത്താ​ൻ അ​ൽ ഖാ​സി​മി ഏ​റ്റ​വും പ്രാ​യം കു​റ​ഞ്ഞ പ്ര​സാ​ധ​ക​നാ​യി അ​ൽ​ദാ​ബി​യെ
തി​ര​ഞ്ഞെ​ടു​ത്തി​രു​ന്നു

ആ​റാം വ​യ​സു​കാ​രി 1200ലേ​റെ പു​സ്ത​ക​ങ്ങ​ൾ വാ​യി​ക്കു​ക, നാ​ലാം വ​യ​സി​ൽ കു​ട്ടി​ക​ളെ വാ​യ​ന​യു​ടെ ലോ​ക​ത്തേ​ക്ക്​ പി​ടി​ച്ചു​യ​ർ​ത്താ​ൻ സ്വ​ന്ത​മാ​യി ഓ​ൺ​ലൈ​ൻ പ്ലാ​റ്റ്‌​ഫോ​മി​ന്​ തു​ട​ക്കം കു​റി​ക്കു​ക, ഏ​റ്റ​വും പ്രാ​യം​കു​റ​ഞ്ഞ ഇ​മാ​റാ​ത്തി സം​രം​ഭ​ക​യാ​യി തെ​ര​ഞ്ഞെ​ടു​ക്ക​പ്പെ​ടു​ക, ര​ണ്ട്​ ഭാ​ഷ​ക​ളി​ൽ സ്വ​ന്തം പു​സ്ത​കം പ്ര​സി​ദ്ധീ​ക​രി​ച്ച ഏ​റ്റ​വും പ്രാ​യം കു​റ​ഞ്ഞ പെ​ൺ​കു​ട്ടി​യാ​യി ഗി​ന്ന​സ്​ റെ​ക്കോ​ഡ്​ കൈ​വ​രി​ക്കു​ക...​ ഇ​ങ്ങ​നെ വി​ര​ലി​ലൊ​തു​ങ്ങാ​ത്ത നി​ര​വ​ധി നേ​ട്ട​ങ്ങ​ളു​ടെ പേ​രാ​ണ്​ അ​ൽ ദാ​ബി അ​ൽ മു​ഹൈ​രി എ​ന്ന​ത്.

അ​ൽ​ഐ​ൻ സ്വ​ദേ​ശി​യാ​യ അ​ൽ ദാ​ബി വാ​യ​ന​യോ​ട്​ കൂ​ട്ട്​ തു​ട​ങ്ങി​യ​ത്​ മൂ​ന്നാ​മ​ത്തെ വ​യ​സി​ലാ​ണ്. അ​തി​നും മു​മ്പ്​ ര​ണ്ടാം വ​യ​സി​ൽ മാ​താ​വ്​ മൗ​സ അ​ൽ ദ​ർ​മ​കി വാ​യി​ച്ചു കേ​ൾ​പ്പി​ക്കു​ന്ന​ത്​ താ​ൽ​പ​ര്യ​ത്തോ​ടെ കേ​ൾ​ക്കാ​റു​ണ്ട​യി​രു​ന്നു. കി​ട്ടു​ന്ന പു​സ്​​ത​ക​ങ്ങ​ളെ​ല്ലാം തേ​ടി​പ്പി​ടി​ച്ച്​ വാ​യി​ക്കാ​ൻ ആ​രം​ഭി​ച്ചു. മാ​താ​പി​താ​ക്ക​ൾ എ​ല്ലാ പി​ന്തു​ണ​യും ന​ൽ​കി കൂ​ടെ നി​ന്നു. വാ​യ​ന​യി​ൽ ത​ന്നെ പ്ര​കൃ​തി​യും പ്ര​പ​ഞ്ച​ത്തി​ലെ വി​സ്മ​യ​ക്കാ​ഴ്ച​ക​ളും പ​റ​യു​ന്ന പു​സ്ത​ക​ങ്ങ​ളോ​ടാ​യി​രു​ന്നു കൂ​ടു​ത​ൽ പ്രി​യം. നാ​ലാം വ​യ​സി​ൽ പു​സ്​​ത​ക​ശാ​ല തു​ട​ങ്ങാ​ൻ ആ​ഗ്ര​ഹം ജ​നി​ക്കു​മ്പോ​ൾ 'റെ​യി​ൻ​ബോ ചി​മ്മി​നി' എ​ന്ന്​ പേ​രി​ടാ​ൻ പ്ര​ചോ​ദ​ന​മാ​യ​ത്​ അ​താ​ക​ണം. ഈ ​ഡി​ജി​റ്റ​ൽ പ്ലാ​റ്റ്​​ഫോം ഇ​പ്പോ​ൾ യു.​എ.​ഇ​യി​ലെ വാ​യ​നാ സ​മൂ​ഹ​ത്തി​ൽ സു​പ​രി​ചി​ത​മാ​ണ്.

കു​ട്ടി​ക​ൾ​ക്ക് ഇ​ഷ്ട​മു​ള്ള​ത് തെ​ര​ഞ്ഞെ​ടു​ക്കാ​നും പി​ന്തു​ട​രാ​നു​മു​ള്ള സ്വാ​ത​ന്ത്ര്യം ന​ൽ​ക​ണ​മെ​ന്നാ​ണ്​ സ്വ​ന്തം അ​നു​ഭ​വ​ത്തി​ൽ നി​ന്ന്​ ഈ ​കൊ​ച്ചു മി​ടു​ക്കി പ​റ​യു​ന്ന​ത്. തെ​ര​ഞ്ഞെ​ടു​ക്കാ​നു​ള്ള സ്വാ​ത​ന്ത്ര്യം സ​ഹ​ജ​മാ​യ ക​ഴി​വു​ക​ൾ പു​റ​ത്തെ​ടു​ക്കാ​ൻ സ​ഹാ​യി​ക്കും. ഇ​തി​ലൂ​ടെ ഓ​രോ​രു​ത്ത​ർ​ക്കും ഇ​ഷ്ട​പ്പെ​ട്ട ക​രി​യ​ർ ഭാ​വി​യി​ൽ തെ​ര​ഞ്ഞെ​ടു​ക്കാ​ൻ വ​ഴി തെ​ളി​ഞ്ഞു​വ​രി​ക​യും ചെ​യ്യും -ഇ​പ്പോ​ൾ ഏ​ഴാം വ​യ​സി​ലെ​ത്തി​യ മി​ടു​ക്കി പ​റ​യു​ന്നു. വാ​യി​ക്കാ​നും എ​ഴു​താ​നും നി​റം ന​ൽ​കാ​നും ഇ​ഷ്ട​പ്പെ​ടു​ന്ന അ​ൽ ദാ​ബി ഇ​പ്പോ​ൾ ക​മ്പ്യൂ​ട്ട​ർ സാ​​​ങ്കേ​തി​ക വി​ദ്യ​യു​ടെ ഭാ​ഷ​യാ​യ കോ​ഡി​ങ്​ പ​ഠി​ക്കു​ക​യും ചെ​യ്യു​ന്നു.

സ്വ​ന്ത​മാ​യി ഡി​ജി​റ്റ​ൽ പു​സ്ത​ശാ​ല തു​ട​ങ്ങു​ന്ന​തി​ന്​ മു​മ്പ്​ ത​ന്നെ ബി​സി​ന​സി​ൽ പ്ര​ത്യേ​ക താ​ൽ​പ​ര്യം അ​ൽ​ദാ​ബി കാ​ണി​ച്ചി​രു​ന്നു. ത​ന്‍റെ ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കു​മാ​യി സ​മ്മാ​ന​ങ്ങ​ൾ, പ്ര​ത്യേ​കി​ച്ച്​ പു​സ്ത​ക​ങ്ങ​ളും ക​ളി​പ്പാ​ട്ട​ങ്ങ​ളും, കൈ​കൊ​ണ്ട് പാ​ക്ക് ചെ​യ്ത്​ ന​ൽ​കാ​ൻ ചെ​റു​പ്പം മു​ത​ൽ ഇ​ഷ്ട​മാ​യി​രു​ന്നു. വാ​യ​ന​ക്കും സ​മ്മാ​ന​ങ്ങ​ൾ ന​ൽ​കാ​നു​മു​ള്ള താ​ൽ​പ​ര്യം തി​രി​ച്ച​റി​ഞ്ഞ മാ​താ​പി​താ​ക്ക​ൾ 8000ദി​ർ​ഹം മൂ​ല​ധ​ന​മി​റ​ക്കി​യാ​ണ്​ 'റെ​യി​ൻ​ബോ ചി​മ്മി​നി'​ക്ക്​ തു​ട​ക്ക​മി​ടു​ന്ന​ത്.

കൂ​ടു​ത​ൽ ആ​വ​ശ്യ​ക്കാ​ർ പു​സ്ത​ക​ങ്ങ​ൾ വാ​ങ്ങാ​ൻ താ​ൽ​പ​ര്യം പ്ര​ക​ടി​പ്പി​ച്ചാ​ൽ ബി​സി​ന​സ്​ വി​പു​ല​പ്പെ​ടു​ത്താ​ൻ മാ​താ​പി​താ​ക്ക​ൾ​ക്ക്​ തു​ട​ക്കം മു​ത​ൽ ആ​ലോ​ച​ന​യു​ണ്ടാ​യി​രു​ന്നു. തു​ട​ക്കം മു​ത​ൽ ത​ന്നെ ഉ​പ​ഭോ​ക്താ​ക്ക​ളി​ൽ നി​ന്ന് ന​ല്ല പ്ര​തി​ക​ര​ണം ല​ഭി​ക്കാ​ൻ തു​ട​ങ്ങി​യ​പ്പോ​ൾ കൂ​ടു​ത​ൽ പ​ണം നി​ക്ഷേ​പി​ച്ചു. ബി​സി​ന​സി​ൽ നി​ന്നു​ള്ള വ​രു​മാ​നം ഇ​തി​ലേ​ക്ക് ത​ന്നെ നി​ര​ന്ത​രം വീ​ണ്ടും നി​ക്ഷേ​പി​ച്ച്​ വ​ലി​യ രീ​തി​യി​ൽ ഇ​പ്പോ​ൾ ഈ ​പ്ലാ​റ്റ്​​ഫോം വ​ള​ർ​ന്നു ക​ഴി​ഞ്ഞു.

ക​ഴി​ഞ്ഞ വ​ർ​ഷ​ത്തെ ഷാ​ർ​ജ അ​ന്താ​രാ​ഷ്ട്ര പു​സ്ത​ക​മേ​ള​യി​ൽ ശൈ​ഖ ബു​ദൂ​ർ ബി​ൻ​ത് സു​ൽ​ത്താ​ൻ അ​ൽ ഖാ​സി​മി ഏ​റ്റ​വും പ്രാ​യം കു​റ​ഞ്ഞ പ്ര​സാ​ധ​ക​നാ​യി അ​ൽ​ദാ​ബി​യെ തി​ര​ഞ്ഞെ​ടു​ത്തി​രു​ന്നു. ഈ ​വ​ർ​ഷം മേ​ള​യി​ൽ അ​ൽ ദാ​ബി​യു​ടെ പു​സ്ത​ക​ങ്ങ​ൾ പ്ര​കാ​ശ​നം ചെ​യ്യാ​നു​ള്ള ത​യാ​റെ​ടു​പ്പി​ലാ​ണി​പ്പോ​ൾ. നി​ല​വി​ൽ എ​ണ്ണാ​യി​ര​ത്തോ​ളം ഉ​പ​ഭോ​ക്​​താ​ക്ക​ളെ നേ​ടി​യ ഡി​ജി​റ്റ​ൽ പ്ലാ​റ്റ്​​ഫോം വ​ഴി കൂ​ടു​ത​ൽ ഉ​യ​ർ​ച്ച​ക​ളി​ലേ​ക്ക്​ വ​ള​രാ​നു​ള്ള ത​യാ​റെ​ടു​പ്പി​ലാ​ണ്​ ഇ​മാ​റാ​ത്തി​ന്‍റെ ഈ ​കൊ​ച്ചു​മി​ടു​ക്കി.