മ​ഴ​ക്കെ​ടു​തി: ​വെ​ള്ള, വൈ​ദ്യു​തി ത​ട​സ്സ​ങ്ങ​ൾ നീ​ക്കുന്നത് അതിവേഗം

ദു​ബൈ: ക​ഴി​ഞ്ഞ ആ​ഴ്ച​യി​ലെ മ​ഴ​യെ തു​ട​ർ​ന്ന്​ രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ശ്ര​ദ്ധ​യി​ൽ​പെ​ട്ട കു​ടി​വെ​ള്ള, വൈ​ദ്യു​തി ത​ട​സ്സ​ങ്ങ​ൾ അ​തി​വേ​ഗം പ​രി​ഹ​രി​ച്ച​ു വരുന്നതായി അ​ധി​കൃ​ത​ർ അ​റി​യി​ച്ചു. അ​തോ​ടൊ​പ്പം മ​ഴ​വെ​ള്ളം കൂ​ടി​ക്ക​ല​ർ​ന്ന​തി​നെ തു​ട​ർ​ന്ന്​ ആ​രോ​ഗ്യ പ്ര​ശ്ന​ങ്ങ​ൾ റി​പ്പോ​ർ​ട്ട്​ ചെ​യ്യ​​പ്പെ​ട്ട​വ​രു​ടെ സു​ര​ക്ഷ ഉ​റ​പ്പു​വ​രു​ത്തി​യ​താ​യി ആ​രോ​ഗ്യ മ​ന്ത്രാ​ല​യ​വും അ​റി​യി​ച്ചു. ഇ​തു​സം​ബ​ന്ധി​ച്ച്​ ഊ​ർ​ജ, അ​ടി​സ്ഥാ​ന സൗ​ക​ര്യ മ​ന്ത്രാ​ല​യ​വും ആ​രോ​ഗ്യ, രോ​ഗ​പ്ര​തി​രോ​ധ മ​ന്ത്രാ​ല​യ​വു​മാ​ണ്​ സം​യു​ക്ത പ്ര​സ്താ​വ​ന ന​ട​ത്തി​യ​ത്.

രാ​ജ്യ​ത്തി​ന്‍റെ വ​ള​രെ ചു​രു​ക്കം പ്ര​ദേ​ശ​ങ്ങ​ളി​ലാ​ണ്​ മ​ഴ​വെ​ള്ളം കൂ​ടി​ക്ക​ല​രു​ന്ന രീ​തി​യി​ൽ ഭൂ​ഗ​ർ​ഭ ടാ​ങ്കു​ക​ളി​ൽ ലീ​ക്കു​ക​ൾ ഉ​ണ്ടാ​യ​തെ​ന്നും പ്ര​സ്താ​വ​ന​യി​ൽ പ​റ​ഞ്ഞു. വി​ദ​ഗ്​​ധ​രു​ടെ സം​ഘം ടാ​ങ്കു​ക​ളി​ലെ വെ​ള്ള​ത്തി​ന്‍റെ ഗു​ണ​നി​ല​വാ​രം പ​രി​ശോ​ധി​ക്കു​ക​യും വൃ​ത്തി​യാ​ക്കു​ക​യും അ​ണു​വി​മു​ക്ത​മാ​ക്കു​ക​യും ഉ​പ​ഭോ​ഗ​ത്തി​ന് അ​നു​യോ​ജ്യ​മാ​ണോ​യെ​ന്ന് ഉ​റ​പ്പാ​ക്കു​ക​യും ചെ​യ്തി​ട്ടു​ണ്ട്. ലോ​കാ​രോ​ഗ്യ സം​ഘ​ട​ന നി​ശ്ച​യി​ച്ചി​ട്ടു​ള്ള ഉ​യ​ർ​ന്ന നി​ല​വാ​ര​മു​ള്ള മാ​ന​ദ​ണ്ഡ​ങ്ങ​ളും മാ​ർ​ഗ​നി​ർ​ദേ​ശ​ങ്ങ​ളും പാ​ലി​ക്കു​ന്ന അം​ഗീ​കൃ​ത ല​ബോ​റ​ട്ട​റി​ക​ളി​ൽ പ​രി​ശോ​ധ​ന ന​ട​ത്തി​യാ​ണ് ഇ​ത് ചെ​യ്തി​ട്ടു​ള്ള​ത്. മി​ശ്ര​ജ​ലം കാ​ര​ണം രോ​ഗി​ക​ളാ​യ ചു​രു​ക്കം ആ​ളു​ക​ൾ​ക്ക്​ ആ​വ​ശ്യ​മാ​യ ചി​കി​ത്സ ന​ൽ​കു​ക​യും അ​വ​രു​ടെ സു​ര​ക്ഷ ഉ​റ​പ്പാ​ക്കി​യ ശേ​ഷം ആ​ശു​പ​ത്രി​യി​ൽ​നി​ന്ന് ഡി​സ്ചാ​ർ​ജ് ചെ​യ്യു​ക​യും ചെ​യ്തി​ട്ടു​ണ്ട്​ -പ്ര​സ്താ​വ​ന വ്യ​ക്​​ത​മാ​ക്കി.

പൊ​തു​ജ​നാ​രോ​ഗ്യ​വും സു​ര​ക്ഷ​യും ഉ​റ​പ്പു​വ​രു​ത്തു​ന്ന​തി​നാ​യി മ​ഴ​ക്കെ​ടു​തി ബാ​ധി​ത പ്ര​ദേ​ശ​ങ്ങ​ളി​ൽ പാ​ലി​ക്കേ​ണ്ട മാ​ർ​ഗ​നി​ർ​ദേ​ശ​ങ്ങ​ളും മ​ന്ത്രാ​ല​യ​ങ്ങ​ൾ പു​റ​ത്തി​റ​ക്കി​ട്ടു​ണ്ട്. മ​ലി​ന​മാ​യ വ​സ്തു​ക്ക​ൾ അ​ട​ങ്ങി​യേ​ക്കാ​വു​ന്ന വെ​ള്ള​ക്കെ​ട്ടു​ക​ളി​ൽ ന​ട​ക്കു​ക​യോ നീ​ന്തു​ക​യോ ചെ​യ്യു​ന്ന​ത് ഒ​ഴി​വാ​ക്ക​ണം.

കൊ​തു​കു​ക​ളു​ടെ​യും മ​റ്റ് പ്രാ​ണി​ക​ളു​ടെ​യും പ്ര​ജ​ന​ന കേ​ന്ദ്ര​മാ​യേ​ക്കാ​വു​ന്ന കെ​ട്ടി​ക്കി​ട​ക്കു​ന്ന വെ​ള്ളം ഒ​ഴി​വാ​ക്കാ​ൻ ശ്ര​ദ്ധി​ക്ക​ണ​മെ​ന്നും അ​ഭ്യ​ർ​ഥി​ച്ചി​ട്ടു​ണ്ട്. വെ​ല്ലു​വി​ളി​ക​ൾ നേ​രി​ടു​ന്ന​തി​ൽ സ​ജീ​വ​മാ​യി ഇ​ട​പെ​ട്ട അ​ടി​യ​ന്ത​ര, ദു​ര​ന്ത​നി​വാ​ര​ണ ടീ​മു​ക​ൾ, ബ​ന്ധ​പ്പെ​ട്ട അ​ധി​കാ​രി​ക​ൾ, സ്പെ​ഷ​ലി​സ്റ്റ് ടീ​മു​ക​ൾ എ​ന്നി​വ​രു​ടെ ശ്ര​മ​ങ്ങ​ളെ ര​ണ്ട് മ​ന്ത്രാ​ല​യ​ങ്ങ​ളും അ​ഭി​ന​ന്ദി​ച്ചു.

മ​ഴ​ക്കെ​ടു​തി ബാ​ധി​ച്ച സ്ഥ​ല​ങ്ങ​ളി​ൽ പാ​ർ​ക്കി​ങ്​ ഫീസ് ഈ​ടാ​ക്കി​ല്ല

ഷാ​ർ​ജ: എ​മി​റേ​റ്റി​ലെ മ​ഴ​ക്കെ​ടു​തി ബാ​ധി​ച്ച സ്ഥ​ല​ങ്ങ​ളി​ൽ സാ​ധാ​ര​ണ നി​ല കൈ​വ​രി​ക്കു​ന്ന​ത്​ വ​രെ പാ​ർ​ക്കി​ങ്​ ഫീസ് ഈ​ടാ​ക്കി​ല്ലെ​ന്ന്​ അ​ധി​കൃ​ത​ർ അ​റി​യി​ച്ചു. ക​ന​ത്ത മ​ഴ​യു​ടെ ഘ​ട്ട​ത്തി​ൽ പാ​ർ​ക്കി​ങ്​ ലം​ഘ​ന​ങ്ങ​ൾ രേ​ഖ​പ്പെ​ടു​ത്തി​യി​ട്ടി​ല്ലെ​ന്നും ഷാ​ർ​ജ മു​നി​സി​പ്പാ​ലി​റ്റി വൃ​ത്ത​ങ്ങ​ൾ അ​റി​യി​ച്ചു.

പാ​ർ​ക്കി​ങ്​ ഫീ​സ്​ അ​ട​ക്കാ​തി​രു​ന്നാ​ലു​ള്ള പി​ഴ, ഒ​ന്നി​ലേ​റെ പാ​ർ​ക്കി​ങ്​ സ്ലോ​ട്ടു​ക​ൾ റി​സ​ർ​വ്​ ചെ​യ്താ​ലു​ള്ള പി​ഴ, റി​സ​ർ​വ്​ ചെ​യ്ത സ്ഥ​ല​ങ്ങ​ളി​ൽ പാ​ർ​ക്ക്​ ചെ​യ്താ​ലു​ള്ള പി​ഴ എ​ന്നി​വ​യാ​ണ്​ ഒ​ഴി​വാ​ക്കു​ക. നേ​ര​ത്തെ മ​ഴ​ക്കി​ടെ സം​ഭ​വി​ച്ച എ​ല്ലാ ഗ​താ​ഗ​ത ലം​ഘ​ന​ങ്ങ​ളും ഷാ​ർ​ജ പൊ​ലീ​സ്​ റ​ദ്ദാ​ക്കി​യി​രു​ന്നു.

തി​ങ്ക​ളാ​ഴ്ച മു​ത​ൽ ഷാ​ർ​ജ​യി​ൽ സ്കൂ​ളു​ക​ളി​ൽ നേ​രി​ട്ട്​ ക്ലാ​സ്​

ഷാ​ർ​ജ: മ​ഴ​ക്കെ​ടു​തി​യെ തു​ട​ർ​ന്ന്​ വി​ദൂ​ര വി​ദ്യാ​ഭ്യാ​സ​ത്തി​ലേ​ക്ക്​ മാ​റി​യ ക്ലാ​സു​ക​ൾ തി​ങ്ക​ളാ​ഴ്ച മു​ത​ൽ ഷാ​ർ​ജ​യി​ൽ നേ​രി​ട്ട്​ സ്കൂ​ളു​ക​ളി​ൽ പു​ന​രാ​രം​ഭി​ക്കും.

ഏ​പ്രി​ൽ 15 തി​ങ്ക​ളാ​ഴ്ച​യാ​ണ്​ എ​മി​റേ​റ്റി​ൽ ര​ണ്ടു​ദി​വ​സ​ത്തെ വി​ദൂ​ര പ​ഠ​ന​ത്തി​ന്​ നി​ർ​ദേ​ശം ന​ൽ​കി​യ​ത്. 16ന്​ ​പെ​യ്ത മ​ഴ​യി​ൽ എ​മി​റേ​റ്റി​ന്‍റെ വി​വി​ധ ഭാ​ഗ​ങ്ങ​ളി​ൽ വെ​ള്ളം ക​യ​റി​യ​തോ​ടെ പി​ന്നീ​ട്​ ഇ​ത്​ നീ​ട്ടു​ക​യാ​യി​രു​ന്നു. ഏ​ക​ദേ​ശം ര​ണ്ടാ​ഴ്ച​യോ​ളം നീ​ണ്ട വി​ദൂ​ര പ​ഠ​ന​ത്തി​ന്​ ശേ​ഷ​മാ​ണ്​ എ​മി​റേ​റ്റി​ൽ വീ​ണ്ടും സ്കൂ​ളു​ക​ൾ സ​ജീ​വ​മാ​കു​ന്ന​ത്.