മഴക്കെടുതി: ആശ്വാസ നടപടികളുമായി ഷാർജ

ഷാർജ: അ​സ്ഥി​ര കാ​ലാ​വ​സ്ഥ​യും ക​ന​ത്ത മ​ഴ​യും മൂ​ല​മു​ണ്ടാ​യ ദു​രി​ത​ത്തി​ൽ ആ​ശ്വാ​സ ന​ട​പ​ടി​ക​ളു​മാ​യി ഷാ​ർ​ജ അ​ധി​കൃ​ത​ർ. മ​ഴ​യും വെ​ള്ള​ക്കെ​ട്ടും വ​ലി​യ രീ​തി​യി​ൽ എ​മി​റേ​റ്റി​ന്‍റെ പ​ല ഭാ​ഗ​ങ്ങ​ളി​ലും നാ​ശ​ന​ഷ്ട​ങ്ങ​ൾ​ക്ക്​ കാ​ര​ണ​മാ​യ​ത്​ പ​രി​ഗ​ണി​ച്ചാ​ണ്​ എ​ല്ലാ​വ​ർ​ക്കും ആ​ശ്വാ​സം ന​ൽ​കു​ന്ന പ്ര​ഖ്യാ​പ​ന​ങ്ങ​ൾ പു​റ​പ്പെ​ടു​വി​ച്ച​ത്. ക​ഴി​ഞ്ഞ ആ​ഴ്ച​യി​ലെ മ​ഴ​ക്കെ​ടു​തി​യി​ൽ റി​പ്പോ​ർ​ട്ട്​ ചെ​യ്യ​പ്പെ​ട്ട എ​ല്ലാ ഗ​താ​ഗ​ത നി​യ​മ​ലം​ഘ​ന​ങ്ങ​ളും റ​ദ്ദാ​ക്കി​യ​താ​ണ്​ പ്ര​ധാ​ന​പ്പെ​ട്ട ​തീ​രു​മാ​നം.

ഷാ​ർ​ജ പൊ​ലീ​സ്​ ക​മാ​ൻ​ഡ​ർ ഇ​ൻ ചീ​ഫ്​ മേ​ജ​ർ ജ​ന​റ​ൽ സൈ​ഫ്​ സാ​രി അ​ൽ ശം​സി​യാ​ണ്​ ഇ​ക്കാ​ര്യ​മ​റി​യി​ച്ച​ത്. അ​സാ​ധാ​ര​ണ സാ​ഹ​ച​ര്യം പ​രി​ഗ​ണി​ച്ചാ​ണ്​ തീ​രു​മാ​ന​മെ​ന്നും അ​ധി​കൃ​ത​ർ വ്യ​ക്​​ത​മാ​ക്കി.

അ​തോ​ടൊ​പ്പം, വാ​ഹ​ന​ങ്ങ​ൾ​ക്ക്​ കേ​ടു​പാ​ടു​ക​ൾ സം​ഭ​വി​ച്ച​തി​ന്​ ന​ൽ​കു​ന്ന സ​ർ​ട്ടി​ഫി​ക്ക​റ്റി​ന്‍റെ ഫീ​സ്​ ഒ​ഴി​വാ​ക്കാ​നും തീ​രു​മാ​നി​ച്ചി​ട്ടു​ണ്ട്. എ​ല്ലാ​വ​ർ​ക്കും സൗ​ജ​ന്യ​മാ​യി സ​ർ​ട്ടി​ഫി​ക്ക​റ്റ്​ ല​ഭി​ക്കു​ന്ന ഈ ​തീ​രു​മാ​ന​വും നി​ര​വ​ധി​പേ​ർ​ക്ക്​ വ​ലി​യ ആ​ശ്വാ​സം ന​ൽ​കു​ന്ന ന​ട​പ​ടി​യാ​ണ്​.

ഷാ​ർ​ജ പൊ​ലീ​സി​ന്‍റെ ആ​പ് വ​ഴി​യും വെ​ബ്​​സൈ​റ്റ്​ വ​ഴി​യു​മാ​ണ്​ ഇ​തി​നാ​യി അ​പേ​ക്ഷി​ക്കേ​ണ്ട​ത്. എ​മി​റേ​റ്റി​ലെ പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും സ​ന്ദ​ർ​ശ​ക​രു​ടെ​യും സു​ര​ക്ഷ​ക്കാ​ണ് മു​ൻ​ഗ​ണ​ന​യെ​ന്നും സാ​മൂ​ഹി​ക​വും മാ​നു​ഷി​ക​വു​മാ​യ ഉ​ത്ത​ര​വാ​ദി​ത്ത​ങ്ങ​ൾ നി​റ​വേ​റ്റു​ന്ന​തി​നാ​യി പൊ​ലീ​സ്​ ജ​ന​റ​ൽ ക​മാ​ൻ​ഡ് എ​ല്ലാ പ​ങ്കാ​ളി​ക​ളു​മാ​യും ചേ​ർ​ന്ന് പ്ര​വ​ർ​ത്തി​ക്കു​ന്നു​ണ്ടെ​ന്നും മേ​ജ​ർ ജ​ന​റ​ൽ അ​ൽ ശം​സി കൂ​ട്ടി​ച്ചേ​ർ​ത്തു. അ​തി​നി​ടെ, എ​മി​റേ​റ്റി​ലെ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളെ ഏ​കോ​പി​പ്പി​ക്കാ​ൻ ല​ക്ഷ്യ​മി​ട്ട്​ ഷാ​ർ​ജ സോ​ഷ്യ​ൽ സ​ർ​വി​സ​സ്​ വ​കു​പ്പ്​ സം​ഭാ​വ​ന​ക​ൾ ന​ൽ​കു​ന്ന​തി​ന്​ പ്ര​ത്യേ​ക സം​വി​ധാ​നം ഒ​രു​ക്കി​യി​ട്ടു​ണ്ട്.

സം​ഭാ​വ​ന​ക​ൾ ന​ൽ​കു​ന്ന​തി​ന്​ ‘അ​മ​ൻ സേ​ഫ്​​റ്റി നെ​റ്റ്​​വ​ർ​ക്​’ എ​ന്ന പേ​രി​ലാ​ണ്​ സം​വി​ധാ​നം രൂ​പ​പ്പെ​ടു​ത്തി​യ​ത്. വ്യ​ക്തി​ക​ൾ​ക്കും സ്ഥാ​പ​ന​ങ്ങ​ൾ​ക്കും സം​ഭാ​വ​ന​ക​ൾ എ​ത്തി​ക്കാ​നാ​വും. പ​ണ​മാ​യും സോ​ഷ്യ​ൽ സ​ർ​വി​സ​സ്​ വ​കു​പ്പി​ന്‍റെ ബാ​ങ്ക്​ അ​ക്കൗ​ണ്ടി​ലേ​ക്കും +971501088884 എ​ന്ന ന​മ്പ​റി​ൽ ബ​ന്ധ​പ്പെ​ട്ടും സം​ഭാ​വ​ന ചെ​യ്യാം.

ഭ​ക്ഷ​ണ പ​ദാ​ർ​ഥ​ങ്ങ​ൾ, വ​സ്ത്ര​ങ്ങ​ൾ, ഫ​ർ​ണി​ച്ച​റു​ക​ൾ, ഇ​ല​ക്​​ട്രി​ക്ക​ൽ ഉ​പ​ക​ര​ണ​ങ്ങ​ൾ എ​ന്നി​വ​യും സം​ഭാ​വ​ന ചെ​യ്യാ​വു​ന്ന​താ​ണ്. പ്ര​തി​കൂ​ല കാ​ലാ​വ​സ്ഥ ബാ​ധി​ച്ച എ​ല്ലാ​വ​രെ​യും സ​ഹാ​യി​ക്കു​ന്ന​തി​നും സാ​മൂ​ഹി​ക ഉ​ത്ത​ര​വാ​ദി​ത്ത​ത്തെ​യും ഐ​ക്യ​ത്തെ​യും പ്രോ​ത്സാ​ഹി​പ്പി​ക്കു​ന്ന​തി​നും സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ നി​ർ​ദേ​ശം അ​നു​സ​രി​ച്ചാ​ണ്​ പ​ദ്ധ​തി ന​ട​പ്പാ​ക്കു​ന്ന​തെ​ന്ന്​ സോ​ഷ്യ​ൽ സ​ർ​വി​സ​സ്​ വ​കു​പ്പ്​ മേ​ധാ​വി അ​ഫാ​ഫ്​ ഇ​ബ്രാ​ഹീം അ​ൽ മ​ർ​റി പ​റ​ഞ്ഞു.