റ​മ​ദാ​ൻ: ഫ്രെ​യി​മി​ൽ ഒ​തു​ങ്ങാ​ത്ത വ​ർ​ണ​ചി​ത്ര​ങ്ങ​ൾ

യാ​ന്ത്രി​ക ജീ​വി​ത​ത്തി​െൻറ ഓ​ട്ട​ക്കു​തി​പ്പു​ക​ൾ​ക്കി​ട​യി​ൽ ജീ​വി​ത​വ​ണ്ടി ചൂ​ളം വി​ളി​ച്ചു മു​ന്നോ​ട്ട് പോ​ക​വെ പ്ര​വാ​സ​ത്തി​െൻറ എ​ട്ടാ​മ​ത്തെ വ​ർ​ഷ​ത്തി​ൽ എ​ത്തി നി​ൽ​ക്കു​ന്ന ഈ ​വേ​ള​യി​ൽ യു.​എ.​ഇ​യി​ലെ ഓ​രോ റ​മ​ദാ​ൻ ദി​ന​വും സ​മ്പ​ന്ന​മാ​യ ഓ​ർ​മ​ക​ളാ​ണ് എ​നി​ക്ക് സ​മ്മാ​നി​ച്ച​ത്. ദു​ബൈ​യി​ൽ ഫോ​ട്ടോ​ഗ്രാ​ഫ​റാ​യി ജോ​ലി ചെ​യ്യു​ന്ന എ​ന്നെ​പ്പോ​ലു​ള്ള​വ​ർ​ക്ക് ഓ​രോ നോ​മ്പ് കാ​ല​വും അ​നു​ഭ​വ​ത്തി​െൻറ വെ​ളി​ച്ച​ത്തി​ൽ ഓ​ർ​മ​ക​ളു​ടെ ഒ​രു വേ​ലി​യേ​റ്റം​ത​ന്നെ​യാ​ണ്​ മ​ന​സ്സി​ൽ ഉ​ണ്ടാ​ക്കു​ന്ന​ത്.

ക​ഴി​ഞ്ഞ വ​ർ​ഷ​ത്തെ റ​മ​ദാ​ൻ മാ​സം നാ​ട്ടി​ൽ ആ​യി​രു​ന്നു. നാ​ടും ന​ഗ​ര​ങ്ങ​ളും ഒ​രു സൂ​ക്ഷ്​​മാ​ണു​വി​നു മു​ന്നി​ൽ വി​റ​ങ്ങ​ലി​ച്ചു നി​ൽ​ക്കു​ന്ന സ​മ​യ​ത്താ​യി​രു​ന്നു അ​ച്ഛ​െൻറ മ​ര​ണം. ജീ​വി​ത​ത്തി​ലെ ക​യ്​​േ​പ​റി​യ ദി​ന​ങ്ങ​ൾ. കാ​ര്യ​ങ്ങ​ൾ അ​ൽ​പ​മൊ​ന്ന് തെ​ളി​ഞ്ഞ​പ്പോ​ൾ വീ​ണ്ടും ദു​ബൈ​ക്ക്. എ​ന്നാ​ലി​താ ര​ണ്ടാം വ​ര​വി​ലൂ​ടെ ആ '​അ​ണു' ലോ​ക​ത്തെ വീ​ണ്ടും മു​ൾ​മു​ന​യി​ൽ നി​ർ​ത്തി​യി​രി​ക്കു​ന്നു.

ക​രാ​മ ഹം​ദാ​ൻ കോ​ള​നി​യി​ലെ റൂ​മി​ൽ ഇ​രി​ക്കു​മ്പോ​ൾ ക​ഴി​ഞ്ഞ കാ​ല​ങ്ങ​ളി​ലെ റ​മ​ദാ​ൻ ഓ​ർ​മ​ക​ൾ മ​ന​സ്സി​നെ വ​ല്ലാ​തെ നൊ​മ്പ​ര​പ്പെ​ടു​ത്തു​ന്നു​ണ്ട്. കോ​വി​ഡ് ഭീ​തി​യി​ൽ ഒ​ത്തു​ചേ​ര​ലു​ക​ൾ നി​രോ​ധി​ച്ച ര​ണ്ടാ​മ​ത്തെ വ​ർ​ഷ​മാ​ണ​ല്ലോ ക​ട​ന്നു​പൊ​യ്​​ക്കൊ​ണ്ടി​രി​ക്കു​ന്ന​ത്. എ​ങ്കി​ലും മു​ൻ വ​ർ​ഷ​ങ്ങ​ളി​ലെ റ​മ​ദാ​ൻ മാ​സ​ങ്ങ​ളി​ൽ കാ​മ​റ​ക്ക​ണ്ണു​ക​ളി​ലൂ​ടെ ഒ​പ്പി​യെ​ടു​ത്ത മ​റ​ക്കാ​നാ​വാ​ത്ത ഫോ​ട്ടോ​ഗ്ര​ഫി അ​നു​ഭ​വ​ങ്ങ​ൾ എ​നി​ക്കു​ണ്ട്.

ആ​ദ്യം ഓ​ർ​മ വ​രു​ന്ന​ത് ക​രാ​മ പോ​സ്​​റ്റ് ഓ​ഫി​സ് പ​രി​സ​ര​ത്തെ പ​ള്ളി​യി​ലെ ഇ​ഫ്​​താ​ർ ടെൻറി​ലേ​ക്കാ​ണ്. പ​ള്ളി​യി​ലെ സ്ഥ​ല​പ​രി​മി​തി മൂ​ലം തൊ​ട്ട​ടു​ത്ത പോ​സ്​​റ്റ് ഓ​ഫി​സി​ലെ വി​ശാ​ല​മാ​യ പാ​ർ​ക്കി​ങ്​ ഗ്രൗ​ണ്ടി​ലാ​യി​രു​ന്നു ദി​വ​സ​വും ഇ​ഫ്​​താ​ർ ഒ​രു​ക്കി​യി​രു​ന്ന​ത്. നോ​മ്പെ​ടു​ക്കാ​ത്ത​വ​ർ അ​വി​ടെ അ​വ​ഗ​ണി​ക്ക​പ്പെ​ട്ടി​ല്ല. അ​വ​ർ​ക്കും തു​ല്യ​പ​രി​ഗ​ണ​ന ആ​യി​രു​ന്നു. വ​ട്ട​പ്പാ​ത്ര​ത്തി​ൽ നി​റ​ച്ച ബി​രി​യാ​ണി​ക്ക് ചു​റ്റും മു​സ​ൽ​മാ​നോ​ടൊ​പ്പം ഹി​ന്ദു​വും ക്രി​സ്​​ത്യാ​നി​യും തോ​ളോ​ട് തോ​ൾ ചേ​ർ​ന്നി​രു​ന്ന് കാ​ര​ക്ക​യും ജ്യൂ​സും പ​ര​സ്​​പ​രം പ​ങ്കു​വെ​ച്ച​പ്പോ​ൾ ഇ​സ്​​ലാം പ​രി​ശീ​ലി​പ്പി​ച്ച ഒ​രു​മ​യു​ടെ​യും തു​ല്യ​ത​യു​ടെ​യും പ​ച്ച​യാ​യ നേ​ർ​ക്കാ​ഴ്​​ച​ക​ൾ എ​െൻറ കാ​മ​റ ക്ലി​ക്കി​ൽ മി​ന്നി മ​റ​ഞ്ഞു.

എ​ത്ര​യ​ധി​കം ആ​ളു​ക​ൾ ആ ​ടെൻറി​ൽ എ​ത്തി​യാ​ലും ആ​രും ഇ​ഫ്​​താ​ർ ഭ​ക്ഷ​ണം കി​ട്ടാ​തെ പോ​യ​താ​യി ക​ണ്ടി​ല്ല. നോ​മ്പ് തു​റ​ക്കേ​ണ്ട അ​വ​സാ​ന നി​മി​ഷ​ത്തി​ലും ആ​ർ​ക്കെ​ങ്കി​ലും ഇ​നി​യും ഭ​ക്ഷ​ണം കി​ട്ടാ​ൻ ബാ​ക്കി​യു​ണ്ടോ എ​ന്ന് ചോ​ദി​ച്ചു​കൊ​ണ്ട് ഗ്രൗ​ണ്ടി​ൽ ഓ​ടി ന​ട​ക്കു​ന്ന ഈ​ജി​പ്​​തു​കാ​ര​നാ​യ ആ ​പ​ള്ളി ഇ​മാ​മി​െൻറ ചി​ത്രം മ​ന​സ്സി​ൽ​നി​ന്നും മാ​യു​ന്നി​ല്ല.

മ​രു​ഭൂ​മി​യി​ലെ പ്ര​തി​കൂ​ല കാ​ലാ​വ​സ്ഥ​യി​ൽ 12 മ​ണി​ക്കൂ​റി​ൽ കൂ​ടു​ത​ൽ ഉ​മി​നീ​ർ പോ​ലും ഇ​റ​ക്കാ​തെ ദൈ​വ പ്രീ​തി മാ​ത്രം ആ​ഗ്ര​ഹി​ച്ച് ത്യാ​ഗം സ​ഹി​ക്കു​ന്ന​വ​രെ ക​ണ്ട് ഞാ​ൻ അ​ത്ഭു​ത​പ്പെ​ട്ടി​ട്ടു​ണ്ട്. എ​ന്നാ​ൽ, ആ​രു​ടെ​യും മു​ഖ​ത്ത് ആ ​ക്ഷീ​ണം ഞാ​ൻ ക​ണ്ടി​ല്ല. മ​റി​ച്ച്, അ​വ​രെ​ല്ലാം ഉ​േ​ന്മ​ഷ​വാ​ന്മാ​ർ ആ​യി​രു​ന്നു. ഉ​ള്ളം തേ​ങ്ങി​ക്കൊ​ണ്ടു​ള്ള പ്രാ​ർ​ഥ​ന​യി​ൽ പ​ല​രും വി​ങ്ങി​പ്പൊ​ട്ടി​യ​പ്പോ​ൾ ഫ്രെ​യിം ക​മ്പോ​സ് ചെ​യ്യാ​ൻ ഞാ​നും പ​ല​പ്പോ​ഴും ബു​ദ്ധി​മു​ട്ടി.

റ​മ​ദാ​ൻ 15 ആ​കു​ന്ന​തോ​ടെ ആ​രം​ഭി​ക്കു​ന്ന പ്ര​ഭാ​ഷ​ണ സ​ദ​സ്സു​ക​ൾ വി​ജ്ഞാ​ന​പ്ര​ദ​മാ​യി​രു​ന്നു. ഔ​ദ് മേ​ത്ത​യി​ലെ അ​ൽ വാ​സ​ൽ ക്ല​ബ്​ ആ​യി​രു​ന്നു വേ​ദി. ദു​ബൈ സ​ർ​ക്കാ​റി​െൻറ ക്ഷ​ണി​ക്ക​പ്പെ​ട്ട അ​തി​ഥി​ക​ൾ ആ​യി എ​ത്തു​ന്ന മ​ത​പ​ണ്ഡി​ത​രു​ടെ ഒ​രു​നി​ര ത​ന്നെ പ്ര​ഭാ​ഷ​ണ​ങ്ങ​ൾ​ക്കാ​യി അ​വി​ടെ എ​ത്തി​യി​രു​ന്നു. ഓ​രോ ദി​വ​സ​ത്തെ പ്ര​ഭാ​ഷ​ണ​ങ്ങ​ളും ഇ​സ്​​ലാ​മി​ലെ വി​വി​ധ വി​ഷ​യ​ങ്ങ​ളെ കു​റി​ച്ചു​ള്ള​താ​യി​രു​ന്നു. ചി​ല പ​രി​പാ​ടി​ക​ളി​ൽ സം​ഘാ​ട​ക​ർ ഫോ​ട്ടോ​ഗ്ര​ഫി ആ​വ​ശ്യ​ത്തി​നു​വേ​ണ്ടി​യും എ​ന്നെ വി​ളി​ക്കാ​റു​ണ്ട്.

വെ​ള്ളി​യാ​ഴ്​​ച​ക​ളി​ലെ പ്ര​ഭാ​ഷ​ണ​ങ്ങ​ൾ പു​ല​ർ​ച്ച മൂ​ന്നു​വ​രെ​യൊ​ക്കെ നീ​ളാ​റു​ണ്ട്. ഇ​തി​ൽ മി​ക്ക പ​രി​പാ​ടി​ക​ളി​ലും പ​ങ്കെ​ടു​ത്ത ഒ​രാ​ൾ എ​ന്ന നി​ല​യി​ൽ പ​റ​യ​ട്ടെ, പ​ണ്ഡി​ത​രു​ടെ പ്ര​ഭാ​ഷ​ണ​ങ്ങ​ളി​ൽ എ​വി​ടെ​യും ഭ​ര​ണാ​ധി​കാ​രി​ക​ളെ വി​മ​ർ​ശി​ക്കാ​നോ മ​റ്റു മ​ത വി​ഭാ​ഗ​ങ്ങ​ളെ ഇ​ക​ഴ്ത്തി​യോ കു​റ്റ​പ്പെ​ടു​ത്തി​കൊ​ണ്ടോ ഉ​ള്ള ഒ​രു വാ​ക്കു പോ​ലും കേ​ട്ടി​ട്ടി​ല്ല.

ഏ​റ്റ​വും വി​കാ​ര​പ​ര​മാ​യ ഒ​രു രം​ഗം എ​ന്ന് എ​നി​ക്ക് തോ​ന്നി​യ​ത് മി​ക്ക പ്ര​ഭാ​ഷ​ണ​ങ്ങ​ളും ക​ഴി​ഞ്ഞ ശേ​ഷ​മു​ള്ള ഉ​സ്​​താ​ദു​മാ​രു​ടെ ആ​യു​രാ​രോ​ഗ്യ പ്രാ​ർ​ഥ​ന​ക​ൾ ആ​യി​രു​ന്നു. ആ​യി​ര​ക്ക​ണ​ക്കി​ന് വി​ശ്വാ​സി​ക​ൾ പ​ങ്കെ​ടു​ക്കു​ന്ന പ്രാ​ർ​ഥ​നാ സ​ദ​സ്സു​ക​ളി​ൽ ലോ​ക​ത്തി​ലെ നാ​നാ ജാ​തി മ​ത​സ്ഥ​ർ​ക്കും സൗ​ഖ്യം ഭ​വി​ക്കേ​ണ​മേ എ​ന്ന​താ​യി​രു​ന്നു മു​ഴ​ങ്ങി​ക്കേ​ട്ട​ത്. രോ​ഗം​കൊ​ണ്ട് ബു​ദ്ധി​മു​ട്ടു​ന്ന​വ​ർ​ക്കു​വേ​ണ്ടി​യും ക​ട​ക്കെ​ണി​യി​ൽ പെ​ട്ട​വ​ർ​ക്കും ജോ​ലി ന​ഷ്​​ട​പ്പെ​ട്ട​വ​ർ​ക്കും ജ​യി​ലു​ക​ളി​ൽ ക​ഴി​യു​ന്ന​വ​ർ​ക്കു​വേ​ണ്ടി​യും ന​ട​ത്തി​യ പ്രാ​ർ​ഥ​ന​ക​ളു​ടെ​യും പൊ​ട്ടി​ക്ക​ര​ച്ചി​ലു​ക​ളു​ടെ​യും വി​കാ​ര​പ​ര​മാ​യ രം​ഗ​ങ്ങ​ൾ എ​നി​ക്ക് കാ​മ​റ​യി​ൽ പ​ക​ർ​ത്താ​ൻ ക​ഴി​ഞ്ഞു.

റ​മ​ദാ​നി​ലെ വെ​ള്ളി​യാ​ഴ്​​ച ന​മ​സ്​​കാ​രം കാ​ണാ​നും ഫോ​ട്ടോ എ​ടു​ക്കാ​നു​മാ​യി റൂ​മി​ൽ നി​ന്നും വ​ള​രെ നേ​ര​ത്തേ ഇ​റ​ങ്ങി നേ​രെ ദേ​ര നൈ​ഫ് ഭാ​ഗ​ത്തേ​ക്ക് പോ​കും. അ​വി​ട​ത്തെ ഒ​രു ബി​ൽ​ഡി​ങ്ങി​ന് മു​ക​ളി​ൽ ക​യ​റി​യാ​ൽ ന​മ​സ്​​കാ​ര​ത്തി​െൻറ ന​ല്ല ആം​ഗി​ൾ കി​ട്ടും. എ​ത്ര ക​ടു​ത്ത ചൂ​ടി​ലും അ​തൊ​ന്നും വ​ക​വെ​ക്കാ​തെ റോ​ഡു​ക​ൾ നി​റ​ഞ്ഞ് ക​വി​യു​ന്ന​ത് എ​ന്നെ വി​സ്​​മ​യി​പ്പി​ച്ചി​ട്ടു​ണ്ട്. വി​ശ്വാ​സി​ക​ൾ കാ​ണി​ക്കു​ന്ന അ​ർ​പ്പ​ണ ബോ​ധ​വും ന​മ​സ്​​കാ​ര​ത്തി​ലെ കൃ​ത്യ​ത​യും വ​രി​ക​ളി​ലെ അ​ച്ച​ട​ക്ക​വും പ്ര​ശം​സ​നീ​യം​ത​ന്നെ.

ആ​യി​ര​ങ്ങ​ൾ പ​ങ്കെ​ടു​ക്കു​ന്ന ന​മ​സ്​​കാ​ര​ങ്ങ​ളും ഇ​ഫ്​​താ​റു​ക​ളും പൊ​തു​സ​മ്മേ​ള​ന​ങ്ങ​ളും ത​ൽ​ക്കാ​ലം വി​ട പ​റ​െ​ഞ്ഞ​ങ്കി​ലും അ​വ പ​ഴ​യ അ​വ​സ്ഥ​യി​ലേ​ക്ക് തി​രി​ച്ചു വ​രു​ക​ത​ന്നെ ചെ​യ്യും. കാ​ല​ഘ​ട്ടം ആ​വ​ശ്യ​പ്പെ​ടു​ന്ന​തും അ​തു​ത​ന്നെ​യാ​ണ്. അ​തോ​ടൊ​പ്പം റ​മ​ദാ​നി​ൽ സ്​​ഫു​ടം ചെ​യ്തെ​ടു​ത്ത മ​ന​സ്സും ശ​രീ​ര​വും ജീ​വി​താ​വ​സാ​നം വ​രെ നി​ല​നി​ർ​ത്താ​ൻ ഓ​രോ വി​ശ്വാ​സി​ക്കും സാ​ധി​ക്ക​ട്ടെ എ​ന്നും ആ​ത്മാ​ർ​ഥ​മാ​യി ആ​ഗ്ര​ഹി​ക്കു​ന്നു.