അത്താഴ,  നോമ്പ്തുറ സമയത്തെ പരക്കം പാച്ചിൽ  പിടികൂടി

ഷാർജ: റമദാൻ ആരംഭിക്കുന്നതിന് മുമ്പ് തന്നെ ഷാർജ പൊലീസ്​ യാത്രക്കാർക്ക് നൽകിയ നിർദേശങ്ങളിൽ പ്രധാനപ്പെട്ടതായിരുന്നു ഇഫ്താർ സമയത്തെ അമിത വേഗതയിലുള്ള പരക്കം പാച്ചിൽ ഒഴിവാക്കണമെന്ന്. ക്ഷമയാണ് വിശ്വാസത്തി​​െൻറ കാതൽ എന്ന് പഠിപ്പിക്കുന്ന റമദാ​​െൻറ സന്ദേശം ഉൾകൊണ്ട്, പരമാവധി അപകടങ്ങൾ ഒഴിവാക്കാനായിരുന്നു പൊലീസ്​ നിർദേശം. എന്നാൽ കഴിഞ്ഞ ദിവസം ഇഫ്താർ സമയത്ത് ഒരു വാഹനം പാഞ്ഞത് മണിക്കൂറിൽ 231.6 കിലോമീറ്റർ വേഗത്തിലായിരുന്നു. 

അത്താഴ സമയത്ത് മറ്റൊരു വാഹനം പാഞ്ഞത് 214.7 കിലോമീറ്റർ വേഗത്തിലുമായിരുന്നുവെന്ന് പൊലീസ്​ പറഞ്ഞു. ഉൾനാടൻ റോഡുകളിലൂടെയും മറ്റും അമിത വേഗതയിൽ വാഹനം ഓടിക്കുന്നവർ, അത്തരം പ്രവണതകൾ ഒഴിവാക്കണമെന്ന് ഷാർജ പൊലീസിലെ ഗതാഗത അവബോധ വകുപ്പ് മേധാവി മേജർ ജനറൽ അബ്ദുൽ റഹ്മാൻ മുഹമ്മദ് ഖാതർ പറഞ്ഞു.