റ​മ​ദാ​ൻ: ദു​ബൈ​യി​ൽ ട്ര​ക്ക്​ നി​രോ​ധ​ന സ​മ​യം പു​നഃ​ക്ര​മീ​ക​രി​ച്ചു

ദു​ബൈ: റ​മ​ദാ​നി​ൽ ട്ര​ക്കു​ക​ളു​ടെ നി​രോ​ധ​ന സ​മ​യം പു​നഃ​ക്ര​മീ​ക​രി​ച്ച്​ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). ഇ11 ​റോ​ഡി​ൽ രാ​വി​ലെ ഏ​ഴു മു​ത​ൽ രാ​ത്രി 11 വ​രെ ട്ര​ക്കു​ക​ൾ​ക്ക്​ പ്ര​വേ​ശ​ന​മി​ല്ല. ഷാ​ർ​ജ അ​തി​ർ​ത്തി മു​ത​ൽ അ​ൽ ഇ​ത്തി​ഹാ​ദ്​ സ്​​ട്രീ​റ്റ്, ശൈ​ഖ്​ റാ​ശി​ദ്​ സ്​​ട്രീ​റ്റ്, ശൈ​ഖ്​ സാ​യി​ദ്​ റോ​ഡ്, ദേ​ര​യി​ലെ സെ​​ൻ​ട്ര​ൽ ഏ​രി​യ, ബ​ർ ദു​ബൈ എ​ന്നി​വി​ട​ങ്ങ​ളി​ലേ​ക്ക്​ നീ​ളു​ന്ന ശൈ​ഖ്​ സാ​യി​ദ്​ റോ​ഡി​ലെ ഇ​ന്‍റ​ർ​ചേ​ഞ്ച്​ ന​മ്പ​ർ 7 വ​രെ നീ​ളു​ന്ന​താ​ണ്​ ഇ11 ​റോ​ഡ്. .

ദി​വ​സം മൂ​ന്നു ത​വ​ണ നി​യ​ന്ത്ര​ണ​മു​ള്ള ഒ​ന്നി​ല​ധി​കം ന​ഗ​ര​ങ്ങ​ളു​ണ്ടി​വി​ടെ. രാ​വി​ലെ 6.30 മു​ത​ൽ 8.30 വ​രെ​യു​ണ്ടാ​യി​രു​ന്ന നി​യ​ന്ത്ര​ണം 7.30 മു​ത​ൽ 9.30 വ​രെ​യാ​ക്കി​. ഉ​ച്ച​ക്ക് ഒ​ന്നു​ മു​ത​ൽ മൂ​ന്നു വ​രെ​യു​ണ്ടാ​യി​രു​ന്ന നി​യ​ന്ത്ര​ണം ര​ണ്ടു​ മു​ത​ൽ നാ​ലു​വ​രെ​യാ​ക്കി.

അ​തേ​സ​മ​യം അ​ൽ ശി​ന്ദ​ഗ ട​ണ​ൽ, ആ​ൽ മ​ക്​​തൂം പാ​ലം, ഫ്ലോ​ട്ടി​ങ്​ ബ്രി​ഡ്ജ്, അ​ൽ ഗ​ർ​ഹൂ​ദ്​ പാ​ലം, ബി​സി​ന​സ്​ പേ ​പാ​ലം, ഇ​ൻ​ഫി​നി​റ്റി പാ​ലം, എ​യ​ർ​പോ​ർ​ട്ട്​ ട​ണ​ൽ എ​ന്നി​വി​ട​ങ്ങ​ളി​ൽ നി​ല​വി​ലു​ള്ള നി​യ​ന്ത്ര​ണം വ​ർ​ഷം മു​ഴു​വ​ൻ തു​ട​രും.