റമദാൻ: സ്വകാര്യ സ്ഥാപനങ്ങളിലെ ജീവനക്കാർക്ക്​ രണ്ട്​ മണിക്കൂർ ജോലിയിളവ്​

ദുബൈ: റമദാനിൽ യു.എ.ഇയിലെ സ്വകാര്യമേഖലാ ജീവനക്കാരുടെ പ്രവൃത്തിസമയം പ്രഖ്യാപിച്ചു. നിലവിലെ ജോലി സമയത്തിൽ നിന്ന്​ രണ്ട്​ മണിക്കൂർ ഇളവ്​ ലഭിക്കുന്ന രീതിയിലാണ്​ സ്ഥാപനങ്ങൾ ​സമയം ക്രമീകരിക്കേണ്ടത്​. സർക്കാർ ജീവനക്കാരുടെ റമദാൻ പ്രവർത്തിസമയം നേരത്തേ തിങ്കൾ മുതൽ വ്യാഴം വരെ രാവിലെ ഒമ്പത് മുതൽ ഉച്ചക്ക് 2.30 വരെയായി ചുരുക്കിയിരുന്നു.

വെള്ളിയാഴ്ചകളിൽ ഉച്ചക്ക് 12 വരെ മാത്രമായിരിക്കും പ്രവർത്തി സമയം. സ്വകാര്യ മേഖലാ ജീവനക്കാർക്ക് എല്ലാദിവസവും പ്രവർത്തിസമയത്തിൽ രണ്ടുമണിക്കൂർ ഇളവുണ്ടാകും. ഏപ്രിൽ രണ്ടിന്​ റമദാൻ തുടങ്ങുമെന്നാണ്​ കരുതുന്നത്​.