റമദാൻ ടെൻറുകളിൽ പുകവലി അനുമതി കർശന നിബന്ധനകൾക്ക്​ വിധേയമായി മാത്രം

ദുബൈ: ഹോട്ടലുകളിലെ റമദാൻ ട​െൻറുകൾക്ക്​ ജനങ്ങളുടെ സുരക്ഷയും സൗകര്യവും ഉറപ്പാക്കുന്ന നിയന്ത്രണങ്ങൾ ദുബൈ നഗര സഭ ഏർപ്പെടുത്തുന്നു. ഹോട്ടലുകളുടെ വളപ്പിൽ അതേ സമയം മറ്റ്​ സൗകര്യങ്ങളിൽ നിന്നും റസ്​റ്ററൻറുകളിൽ നിന്നും മാറ ി വേണം ട​െൻറുകൾ സ്​ഥാപിക്കാൻ. ദുബൈ സ്​മോക്കിങ്​ നിയമ പ്രകാരം ആവശ്യത്തിന്​ വായു പുറത്തു കടക്കുവാനും ക്രമീകരി ക്കുവാനുമുള്ള സൗകര്യം ഇൗ താൽകാലിക ട​െൻറുകളിൽ വേണം. ശീഷ (ഹുക്ക) ട​െൻറുകളുടെ പുറത്ത്​ അനുവദിക്കില്ല. എന്നാൽ ട​െൻറിൽ നിന്ന്​ മാറിയുള്ള സ്​ഥലത്തു വേണം ശീഷ തയ്യാറാക്കൽ. സിവിൽ ഡിഫൻസിൽ നിന്ന്​ ഇതിനുള്ള അനുമതിയും നേടിയിരിക്കണം.

റമദാനിൽ തുടങ്ങി ഇൗദുൽ ഫിത്വർ വരെ പ്രവർത്തിക്കുന്ന ​ട​െൻറുകൾ അഴിച്ച്​ ഒഴിവാക്കുന്നതിന്​ അഞ്ചു ദിവസം കൂടി അനുവദിക്കും. എന്തെങ്കിലും പരാതികൾ ഉയരുന്ന സാഹചര്യത്തിൽ ട​െൻറുകളിലെ പുകവലി അനുമതി റദ്ദാക്കും. പുകവലി അനുവദിക്കാത്ത സ്​ഥലങ്ങളിൽ പുകവലി പാടില്ല എന്ന ബോർഡുകൾ സ്​ഥാപിക്കണം. 18 വയസിനു താഴെയുള്ളവർക്ക്​ പുകവലി സ്ഥലത്തേക്ക്​ അനുമതി നൽകരുത്​. പുകവലിക്കാത്ത അതിഥികളിൽ നിന്ന്​ മൂന്നടിയെങ്കിലും മാറി നിന്നു വേണം പുകവലി.

ജീവനക്കാർക്ക്​ അടിയന്തിര സാഹചര്യം നേരിടുവാനുള്ള പരിശീലനം നൽകിയിരിക്കണം. ട​െൻറി​​െൻറ കവാടങ്ങളിൽ നിന്ന്​ 25 അടിയെങ്കിലും മാറി വേണം പുകവലി സൗകര്യം. എമർജൻസി വാതിലുകളും, അഗ്​നിശമന സംവിധാനങ്ങളും പ്രഥമശുശ്രൂഷാ സൗകര്യങ്ങളും സജ്ജീകരിക്കണം. പൊതുജന ആരോഗ്യത്തിന്​ തന്നെയാണ്​ പ്രഥമ പരിഗണന നൽകുകയെന്നും അതിനു വിഘാതമായി പ്രവർത്തിച്ചാൽ അനുമതി റദ്ദാക്കുന്നതിന്​ യാതൊരു കാലതാമസവുമുണ്ടാവില്ലെന്നും നഗരസഭാ അധികൃതർ വ്യക്​തമാക്കുന്നു.