ആ​ദ്യ​കാ​ല മെ​ക്കാ​നി​ക് ഹ​മ​ദ് സ​ഗ്റാ​നെ ആ​ദ​രി​ച്ച് റാ​സ​ല്‍ഖൈ​മ

റാ​സ​ല്‍ഖൈ​മ: റാ​സ​ല്‍ഖൈ​മ​യി​ലേ​ക്കു​ള്ള ജ​ല വി​ത​ര​ണ സം​വി​ധാ​നം ഒ​രു​ക്കു​ന്ന​തി​ല്‍ സേ​വ​ന​മ​നു​ഷ്ഠി​ച്ച ആ​ദ്യ​കാ​ല മെ​ക്കാ​നി​ക്കു​ക​ളി​ല്‍ ഒ​രാ​ളാ​യ 88കാ​ര​നാ​യ ഹ​മ​ദ് സ​ഗ്റാ​ന് ആ​ദ​ര​വ് ന​ല്‍കി റാ​സ​ല്‍ഖൈ​മ. അ​റ്റ​കു​റ്റ​പ്പ​ണി​യോ​ടു​ള്ള അ​ഭി​രു​ചി​യും സ്വ​പ്ര​യ​ത്ന​വു​മാ​ണ് അ​ക്കാ​ദ​മി​ക് യോ​ഗ്യ​ത​യേ​തു​മി​ല്ലാ​ത്ത ഹ​മ​ദ് സ​ഗ്റാ​നെ മെ​ക്കാ​നി​ക് പ​ദ​വി​യി​ലെ​ത്തി​ച്ച​ത്. 1960ക​ളി​ലാ​ണ് റാ​സ​ല്‍ഖൈ​മ​യി​ലേ​ക്കു​ള്ള ജ​ല​വി​ത​ര​ണ ശൃം​ഖ​ല​യു​ടെ നി​ര്‍മാ​ണ പ്ര​വ​ര്‍ത്ത​നം ന​ട​ന്ന​ത്.

കൃ​ഷി നി​ല​ങ്ങ​ളി​ലെ ജ​ല​സേ​ച​ന​ത്തി​നും താ​മ​സ കേ​ന്ദ്ര​ങ്ങ​ളി​ലെ കു​ടി​വെ​ള്ള ആ​വ​ശ്യ​ത്തി​നു​മാ​യു​ള്ള പ​മ്പു​ക​ളു​ടെ പ്ര​തി​ഷ്ഠാ​പ​ന പ്ര​വൃ​ത്തി​ക​ള്‍ ന​ട​ക്കു​മ്പോ​ള്‍ ഹ​മ​ദ് സ​ഗ്റാ​ന് 20 വ​യ​സ്സാ​യി​രു​ന്നു. ഇം​ഗ്ല​ണ്ടി​ല്‍നി​ന്ന് ഇ​റ​ക്കു​മ​തി ചെ​യ്ത മോ​ട്ടോ​റു​ക​ള്‍ ഫാ​മു​ക​ളി​ലും വീ​ടു​ക​ളി​ലും സ്ഥാ​പി​ക്കു​ന്ന​തി​നും അ​തി​ന്‍റെ സു​ഗ​മ​മാ​യ പ്ര​വ​ര്‍ത്ത​നം സാ​ധ്യ​മാ​ക്കി​യ​തും സ​ഗ്റാ​ന്‍റെ മു​ന്‍കൈ​യി​ലാ​യി​രു​ന്നു. ഇ​ത്തി​ഹാ​ദ് വാ​ട്ട​ര്‍ ആ​ൻ​ഡ്​ ഇ​ല​ക്ട്രി​സി​റ്റി മ്യൂ​സി​യം ഉ​ദ്ഘാ​ട​ന വേ​ള​യി​ലാ​ണ് ഹ​മ​ദ് സ​ഗ്റാ​ന്‍റെ സേ​വ​ന​ങ്ങ​ള്‍ ആ​ഘോ​ഷി​ക്ക​പ്പെ​ട്ട​ത്.

ച​ട​ങ്ങി​ല്‍ യു.​എ.​ഇ സു​പ്രീം​കൗ​ണ്‍സി​ല്‍ അം​ഗ​വും റാ​സ​ല്‍ഖൈ​മ ഭ​ര​ണാ​ധി​പ​നു​മാ​യ ശൈ​ഖ് സ​ഊ​ദ് ബി​ന്‍ സ​ഖ​ര്‍ അ​ല്‍ ഖാ​സി​മി, യു.​എ.​ഇ ഊ​ര്‍ജ-​അ​ടി​സ്ഥാ​ന വി​ക​സ​ന മ​ന്ത്രി സു​ഹൈ​ല്‍ മു​ഹ​മ്മ​ദ് അ​ല്‍ മ​സ്റൂ​യി എ​ന്നി​വ​രി​ല്‍നി​ന്ന് ഹ​മ​ദ് സ​ഗ്റാ​ന്‍ ആ​ദ​ര​വ് ഏ​റ്റു​വാ​ങ്ങി. ദീ​ര്‍ഘ​നാ​ള്‍ ഫെ​ഡ​റ​ല്‍ ഇ​ല​ക്ട്രി​സി​റ്റി വാ​ട്ട​ര്‍ അ​തോ​റി​റ്റി​യി​ല്‍ സേ​വ​ന​മ​നു​ഷ്ഠി​ച്ച ഹ​മ​ദ് സ​ഗ്റാ​ന്‍ താ​മ​സ സ്ഥ​ല​ത്തോ​ടു​ചേ​ര്‍ന്ന വ​ർ​ക്​​ഷോ​പ്പി​ല്‍ 88ാമ​ത്തെ വ​യ​സ്സി​ലും മെ​ക്കാ​നി​ക് ജോ​ലി​യി​ല്‍ സ​ജീ​വ​മാ​ണ്.