സന്നദ്ധപ്രവർത്തനത്തിന് റെഡ് ക്രസന്റിന്റെ ആദരം
text_fieldsസന്നദ്ധപ്രവർത്തനവുമായി സഹകരിച്ച അജ്മാൻ കെ.എം.സി.സി തൃക്കരിപ്പൂർ മണ്ഡലത്തിന് എമിറേറ്റ്സ് റെഡ് ക്രസന്റിന്റെ
ആദരം കൈമാറുന്നു
അജ്മാൻ: അജ്മാൻ കെ.എം.സി.സി തൃക്കരിപ്പൂർ മണ്ഡലത്തിന് എമിറേറ്റ്സ് റെഡ് ക്രസന്റിന്റെ ആദരം.
യു.എ.ഇ റെഡ് ക്രെസന്റ് കഴിഞ്ഞ ഒരു വർഷം നടത്തിയ വിവിധ ചാരിറ്റി പ്രവർത്തനങ്ങളിൽ ഭാഗമായി പ്രവർത്തിച്ചതിനാണ് അഭിനന്ദനം ലഭിച്ചത്.
തുർക്കി, സിറിയ രാജ്യങ്ങളിലുണ്ടായ ഭൂചലനത്തിൽ റെഡ് ക്രസന്റുമായി സഹകരിച്ച് 20 ടണ്ണോളം ഭക്ഷ്യ വസ്തുക്കൾ കയറ്റി അയക്കാനും യുദ്ധ ഭീതിയിൽ കഴിയുന്ന ഫലസ്തീനിലേക്ക് 10 ടൺ സാധനങ്ങൾ കയറ്റി അയക്കാനും കെ.എം.സി.സി തൃക്കരിപ്പൂർ മണ്ഡലം പ്രവർത്തകർ സഹായിച്ചിരുന്നു.
റെഡ് ക്രസന്റിന്റെ വിവിധ പ്രവർത്തനങ്ങളിൽ പങ്കെടുക്കുകയും ചാരിറ്റി പ്രവർത്തനങ്ങളിൽ വളന്റിയർമാരായി പ്രവർത്തിക്കുകയും ചെയ്തിരുന്നു. അജ്മാൻ മാരിയറ്റ് സാറാ ലക്ഷ്വറി കളക്ഷൻ റിസോർട്ട് കൺവെൻഷൻ സെന്ററിൽ നടന്ന ചടങ്ങിൽ എമിറേറ്റ്സ് റെഡ് ക്രെസന്റ് ഡയറക്ടർ മുഹമ്മദ് ഒമർ അൽ ഷമ്മാരിയിൽനിന്ന് അജ്മാൻ തൃക്കരിപ്പൂർ മണ്ഡലം പ്രസിഡന്റ് ഖാദർ അത്തൂട്ടി, ജനറൽ സെക്രട്ടറി ഇക്ബാൽ, ട്രഷർ ഫർസീൻ, വൈസ് പ്രസിഡന്റ് സൈഫുദ്ദീൻ എന്നിവർ അവാർഡ് ഏറ്റുവാങ്ങി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.